27. Lukanu lu Musamalia Mulayi

Litukhu lilala mwechitsi wa malako ka vayahudi yitsa khu Yesu amuchelitsi, yavola, ''Mwechitsi, nakhakhola ndi khulelo menye mihika ni mihika?'' Yesu yamukalushitsa , ''Lilako lia Nyasaye livola lirina?''

Mwekitsi wa malako yamuchipa vu lilako lia Nyasaye livola, ''Yanza Nyasaye wowo nu mwoyo kiosi, nitsingulu tsiosi nende tsinganakani tsiosi. Khandi uyaanze mureende wowo khuli wiyanza mwene. Yesu yamuchipa, ''Uvoli katoto, khola urio ulamenya.''

Mwechitsi wa malako yenya khwimenyinya vu numulunji, khu yareva, ''Murende wanje nivina?''

Yesu yachipa mwechitsi wa malako khu lukhumuvolela lukanu, ''Yaliho musatsa muyahudi wali nachendanga khumuhanda narulanga Yerusalemi natsia Yeriko.''

Nali khunjila yachimilwa nende vanuli. Vamukhuba nivavukula vuli shindu shia yali nashio. Valekha narikale lia hamwoyo. Nivatsia.''

''Yako nikakhakholekha, musalisi wa vayahudi yali nakholomokhanga khunjila khweneyokho. Lwa muyahudi wilivukana wuyu yalola mundu mundu wali nanulilwi nukhukhubwa, yavirila iluveka vuchila khukhonya wenyanga vukhonyi wuyu. Natsililila khutsia.''

''Luhono lukhali lurambi, Walevi ya kholomokha. (Valevi nu luyia lwa Vayahudi va khonyanga vasalisi mu Litempeli.) Walevi woyo khandi ya virila iluveka nalekha mundu wali na nulilwi nu khu khubwa vuchila khu mu khonya.

''Mundu wa londakhu khu kholomokha khu muhanda kwenoko yali Musamalia. (Vasamalia vali lwivulu lwa Vayahudi vali nivahila khurula mu vivala vindi. Vayahudi nende Vasamalia vali vahimana.) Nikhali lwa Musamalia yalola muyahudi nasalili yamulolela tsimbavasi tsinyishi. Khu yahinzila khuye namuvoha makule.''

''Musamalia yamenya navikha mundu woyo khu ipunda yeye namuyila mu inzu ya vacheni yali khunjila wa yamenya namulindila.''

''Litukhu lilondakhu, Musamaria yenya khu tsililila nende luchendo lwelwe. Yaha mu sinjilili wi inzu ya vacheni yeyo tsisendi na mu volela, 'mulindi, nikali menye ularumishila tsisendi tsiviri yitsi na khu kalushitsila lwa ngalukha.'''

Malelo Yesu nareva mwechitsi wa malako, ''Ukanakana urina? Khu vandu vavaka yava, ni vina wali murende khu mundu wali na nulilwi nu khu khubwa?'' Ya mu kalushitsa, ''Woyo wa mu lolela tsimbavasi.'' Yesu yamuvolela, ''Tsia ukhole kario khali ivi.''

Lukanu lwivanjeli khurula: Luka 10:25-37