44. Petelo nende Yowana vahonyinya
Mundu Usavanga.
Litukhu lilala, Petelo nende Yowana vali nivatsitsa mu Litempeli. Nivali hambi khutukha ha muliango kwi Litempeli, valola mundu muleme nasavanga tsisendi.
Petelo yehenza mundumuleme na vola, ''Shindi ni tsisendi tsiosi tsia khuha tawe. Nikhali nakhuha yesho shia ndi nashio. Mu lira lia Yesu sinjila uchende!''
Khu vwangu vwenovo, Nyasaye yahonyinya muleme woyo, ma naranga khuchenda narumaruma, nu khwitsominya Nyasaye. Vandu vali ha Litempeli vali nu vuchenyi.
Lukhu lwa vandu lwitsa khiulola mundu wali nahoni. Petelo yavavolela, ''Shijila shina muchenya mundu wuyu uhoni? Shiu khu muhonyinyi khuvirila khu tsingulu zieru nu vulayi tawe. Nikhali ni tsingulu tsia Yesu nende khuvirila khu lisuvila lia Yesu ahana vijili mundu wuyu nahona.''
''Nu munyi va mwavolela Mwami wa Varumi yiri Yesu. Mwira woyo mwene vulamu,nikhali Nyasaye yamurulitsa mu vakhutsu khandi. Shiu mwamenya ka mwakhola tawe, Nyasaye yarumishila vikholo vienyu khwitsulitsa vuloli vu Masiha alikhasalili malelo akhutsi. Khu khulwene yulu, mwikanili ma mukalushili Nyasaye khu vwoni vwenyu vwokizwi.''
Vimilili vi Litempeli shivayanzizwa nende ka Petelo na Yowana vavola tawe. Khu vavakimila nukhu vara mujela. Nikhali vandu vanyishi vasuvila ka Petelo yavola, ma vandu vasuvila mu Yesu nivametekha khutukha 5,000.
Litukhu lilondakhu, vimilili va Vayuda valera Petelo nende Yowana khu musalisi mukali nende vimilili vi tsidini vandi. Vareva Petelo nende Yowana, ''Nitsingulu shina tsia muhonyinyili mundu wuyu?''
Petelo yavakalushitsa, ''Mundu asinjili imbeli wenyu ahonyinywi nende tsingulu tsia Yesu Masiha. Mwamuvamba nikhali Nyasaye yamurulitsa muvakhutsu khandi! Mwamwambakhana nikhali injila yindi shi ilikhu ho yukhuhonyinywa nukhukhali khuvirila mu tsingulu tsia Yesu tawe!''
Vimilili vali nende likosa lwa Petelo nende Yowana valomoloma vujila khuria navo na vandu vutsa vakhasoma. Nikhali vitsushitsa vandu yavo valenje nende Yesu. Nivakha vakosa, vavalakhula.
Lukanu lwi Vanjeli khurula: Vikholwa 3:1-4:22