50. Yesu Akalukha

Khu mihika chitukha 2,000 vanyishi mu vandu vali mulilova vahulilenje makhuva malayi khulondakhana khu Yesu Masiha. Likanisa liatsililile khukaliya. Yesu yalaka vu yakhakalushi lilova nilivwetsanga. Ashili khwitsa khu lwenulu, nikhali alikharweshitsi ka yalaka

Nu khu shi lindilili Yesu akalushi, Nyasaye yenya khu menye mu injila indakatifu nende yu khumuha luyali. Yenya khandi khuvolele vandi khulondakhana khu vwamihi vwevwe. Lwa Yesu yamenya khulilova yavola, ''Veechi vanje valilwatsa makhuva malayi khulondakhana khu vwamihi vu mwikulu, malelo khumalilikha khwitsi.''

Tsimbia tsia vandu tsinyishi tsishili khuhulila khulondakhana khu Yesu tawe. Nashili khukalukha mwikulu, Yesu yavolela vakristayo vatangase makhuva malayi khu vandu vashili khuhulila. Yavola, ''Tsi mulombe veechi mu vandu vi tsimbia tsiosi!'' khandi, ''Virakwa viatukha viu khuvunwa!''

Yesu khandi yavola, ''Mukholi shiali mukali khuvira mwami wewe tawe. Menye khuli vwamihi vwi lilova vwandolela imbotokha, valamusalilitsa ma vamwiri shijila inzi. Khu lilova linu mulasalila nikhali mwihe tsingulu shijila nakura shitani, wamiyanga lilova linu. Numutsililila khuva vasuvila mu inzi khutukha mu limalishitsa, Nyasaye alamuhonyinya.!''

Yesu yavolela veechi veve lukanu khuvamenyinya shilikholekha lilova nilivwa. Yavola, ''Mundu yaraka vukutsa vulayi mu mulimi mwemwe. Lwa yali nakoni mutsiku wewe yitsa naraka vukutsa vu vulimi halala nende vukutsa vwingano, malelo narulaho.''

''Lwa viragwa viamela , vayinzili vu mundu woyo vavola, 'Mwami, waraka vukutsa vulayi mumulimi. Khu shijila shina vulimu vulimu?' Mwami yakalushitsa, 'Mutsiku anyela khuva niyavuraka.'''

''Vayinzili vamukalushitsa mwami wavo, 'Khunyela khwiya vulimu?' Mwami yavola, 'Tawe. Numukhola murwo mwalihila mu inganu khandi. Mulindi khutukha mu livuna ma muvunjelitsi vulimu vusambwi, ma mulere inganu mushiaji shianje.

Veechi shivamenya shia lukanu lwavola tawe, khu vareva Yesu avivalili. Yesu yavola, ''Mundu waraka vukutsa vulayi ni Masiha. Mulimi kusinjililanga shivala. Vukutsa vulayi vusinjililanga vandu vu vwamihi vwa Nyasaye.''

''Vulimu vusinjililanga woyo mwoni. Mutsiku waraka vulimu asinjililanga shitani. Livuna lisinjililanga khumalilikha khwi lilova, na vavuni vasinjililanga tsinjelosi va Nyasaye.''

''Lwa lilova livwa, tsinjolosi valavunjelitsa vandu vosi va shitani avarelwi mu mulilu munyishi wa valilila nukhumenena mino mu lisalila liukhurishitsa. Na yavo valunji valang'ang'a khuli liuva mu vwamihi vwa Nyasaye Tata wavo.''

Yesu khandi yavola alikhakalushi khu shivala lilova nilishili khuvwa. Alikhakalushili mu injila ya yatsila mu, ivolanga, ilikhave muvili kulolekha na alikhitsili khu malesi ikulu. Lwa yesu alitsa, vuli mukrisitayo wakhutsa alikhavushi mu vakhutsu nukhuvukanila Yesu ikulu.

Malelo vakrisitayo vashili mwoyo valikhatsili mwikulu khutsukana nende vakrisitayo vandi varula mu vakhutsu. Vosi valikhave nende Yesu iweneyo. Keneyako nikakhavira, Yesu yakhamenyi nende vandu veve mu vulunji vwi milembe nende vulala mihika ni mihika.

Yesu yalaka vu alikhahe itaji khu woyo wosi umusuvila. Valikhamenye nu khwamiha na Nyasaye mu vulunji vwi milembe mihika ni mihika.

Nikhali Nyasaye alikhakhalachiili vuli woyo wosi ukhasuvila mu Yesu tawe. Alikhavaswivi mu shihatisi, wavalilila nukhukhwayula mino mulisalila mihika ni mihika. Mulilu kukhatsima tawe kulatsililila khuvasamba, na milambo shi tsililekha khuvalia tawe.

Lwa Yesu akalukha, alononyinya shitani nu vwamihi vwevwe vwosi. Alikhamuswuvi mu shihatisi wa liyia mihika ni mihika. Halala nende yavo viyema khumulonda havukono hu khuhulila Nyasaye

Shijila Adamu nende Hawa vavula khuhulila Nyasaye ma nivalera vwoni khu lilova yili, Nyasaye yalilama ma nakanakana khuliononyinya. Nikhali litukhu lilala Nyasaye yakhalombi likulu liyia nende shivala shiyia shiliva shilunji.

Yesu nende vandu veve va li khamenye khu shivala shiyia, na alikhamihi vuli shindu shi menyanga mihika ni mihika. Alitsa khweya vuli mulika na shukhulivayo khandi nende khusalila, khuleka, khulila, vwoni, isalilo, inoho likhutsa tawe. Yesu alikhalindi vwamihi vwevwe ni milembe nu vulunji, khandi alitsa khuva na vandu veve mihika ni mihika

Lukanu lwi Vanjeli khurula: Matayo 24:14; 28:18; Yowana 15:20, 16:33; Likhunula 2:10; Matayo 13:24-30, 36-42; 1 Vatsesolonike 4:13-5:11; Jemesi 1:12; Matayo 22:13; Likhunula 20:10, 21:1-22:21