4. Lilakano lia Nyasaye nende Aburamu

Mihika minyishi muchelelo nu kuveleho, khandi vandu vali mu lilova vanyishi na vosi va lomaloma lu lomoloma lulala. Havukono hu khusalana mu shivala shiosi khuli Nyasaye yali niyivala vivumba halala nivumbakha litaala ligali.

Vali nende injinia shivavukula mu ka Nyasaye avola luchendo tawe. Venya khumbakha munaara vatushi mwikulu. Nyasaye yalola nikali vosi valatsililila khuyinzilila halala khukhola tsimbi, valakhola vindi vindu vionekhu munonono.

Nyasaye yakalukhanyinya lulimi liavo nuluva tsinimi tsindi tsinyishi. Navasalanyinya mulilova liosi. Litaala liavali nivumbakha lialangwa Babeli, livolanga, ''khukoyana.''

Mihika tsimia nichiakhavira, Nyasaye yalomalomela mundu alangwangwa Aburamu. Nyasaye yamuvolela, ''Rula mu shivala shioshio nende vikho vovo ma uzi mu shivala shia ni khumanyinyi. Nakhukasitsa ma khulombe luhia lukali. Lira liolio lialava likali. Nakasitsa va khukasitsa na nalaama yavo va khulaama. khuvirila khu ivi nakasitsa tsinzu tsiosi.''

Khu Aburamu yahulila Nyasaye. Yavukula mukhayo wewe halala nende vayinzili veve vosi nende vuli shindu shieshie nazia wa Nyasaye yali na mumenyinyi, shivala shia kanaani.

Aburamu lwa yatukha Kanaani, Nyasaye yamuvolela, ''Henza ha ulaho. Naha yivi nende lwivulu lwolwo, mulimi kwosi kwa ulolanga yuku khuli mukabwa. Aburamu yiyumbakha hawene yaho.

Litukhu lilala Aburamu yavukana nende Melikizedeki musalisi wa Nyasaye Uli Ikulu khu Vosi. Melkizedeki yakasitsa Aburamu navola, ''Nyasaye Uli Ikulu Khu Vosi mwene likulu nende shivala akasitsi Aburamu.'' Aburamu yahaana khu Melikizedeki shidonye shi likhomi khu viosi via yali navio.

Mihika minyishi chiavira Aburamu nende sarai nivashili khunyola mwana muyayi. Nyasaye ya lomaloma na Aburamu na mulaaga khandi alikhanyole mwana muyayi nende vitsikhulu vinyishi khuli tsinyininyini zili kwikulu. Aburamu ya suuvila mu Nyasaye. Nyasaye ya hujilila Aburamu khuva mulunji shijila ya suuvila mu ka Nyasaye ya mulaaga.

Nyasaye yalomba lilakana nende Aburamu. Lilakana ni lihulishitsana li zimbeka zivili. Nyasaye yavola, ''Na khuha mwana wa ivi mwene wivuli. Mbanaanga mulimi kwa kanaani khu vitsikhulu vovo. Nikhali Aburamu yali nashili khunyola mwana muyayi tawe.

Lukanu lwi Vanjeli khurula:Liraanga 11-15