33. Lukanu lu Mulimi

Litukhu lilala Yesu yali niyechitsanga shituma shia vandu vanyishi khu luchinga lwiinyanza.Vandu vanyishi vamulonda khu Yesu yanina khu liaro liali khu matsi khu lelo anyole vwiyangu vu khulomaloma navo. Yikhala khu liaro niyechitsa vandu.

Yesu yavola lukanu yulu, ''Mulimi yatsia khuraka vukutsa. Lwa yali namitsa vukutsa yovo numukhono, vulala vwakwa khunjila malelo manyonyi nikitsa nikavotsa vukutsa vwenovo.''

Vundi vukutsa vwakwa khu machina , wa lilova liali litititi.Vwamela vwangu nikhali milii chiavwo shichiali nuvunyali vukhutsia mulilova hasi tawe. Lwa liuva liakha virakwa viavula matsi niviuma.''

''Vukutsa vundi vundi vwakwa mu vulimu vuli nende mavwa. Vukutsa yuvu vwa ranga khumela nikhali mavwa kavutsoma. Khu viragwa viamela khu lilova liali nende mavwa shiviayama tawe.''

''Vukutsa vundi vwakwa khu lilova lilayi. Vukutsa yuvu vwamela nuvwama makhavi 30,60, noho khali100 khu vwali nuvwaragwa!''

Lukanu yulu lwakoyanyinya veechi. Khu Yesu yivaala, ''Vukutsa ni likhuuva lia Nyasaye. Injila ni mundu uhulila likhuva lia Nyasaye na avula khulilonda malelo shitani alirulitsa muye.''

''Lilovo lia machina ni mundu uhulila likhuva lia Nyasaye malelo alihujilila nu vuyanzi. Nikhali lwa avirila khu matiinyu nende machelitsu akhaywangwa, malelo akalukha mu vwoni.''

''Lilova lili nende mavwa nu mundu uhulilanga likhuva lia Nyasaye, nikhali luhono lwa matukhu katsilililanga, vuyinda, nende vulayi vwi shivala vimunulanga vuyanzi vwa Nyasaye. Khu lwa yako, mekitso kayanyola shikamanga matunda tawe.''

''Lilovo lilayi nu mundu uhulila likhuva lia Nyasaye, khulisuvila nukhukhola ma livola.''

Lukanu khurula mu Vanjeli: Matayo 13:1-18, 18-23; Maliko 4: 1-18, 13-20; Luka 8:4-15