37. Yesu Avushitsa Lazaro khurula mu Vakhutsu

Litukhu lilala, Yesu yanyola likhuva vu Lazaro nu mulwale muno. Lazaro nende vakhana vavo vavili, Malia nende Malita, vali valina va ayimbi va yesu. LwaYesu yahulila makhuva yako, yavola, ''Vulwale yuvu shu vuvwela mu likhutsa tawe, nikhali luyali nu khu Nyasaye.'' Yesu khali ni ya yanza valina veve shiyayitsa vwangu tawe mbaka matukhu ni ka khavira kavili.

Matukhu kavili nikakhavira, Yesu yavolela veechi veve, ''khukalushi iIvuyuda.'' ''Mwekitsi nikhali,'' Veechi vamukalushitsa, ''Luhono luti lwaviri vandu viweneyo venya khukhwira!'' Yesu yavavolela, ''Mulina weru Lazaro ukoni kenyekhananga mu vushitsi.''

Veechi va Yesu vakalushitsa, ''Mwami, Lazaro nava nakonanga, alahulila vulayi. Khu Yesu yavavolela vutsa vulunji, ''Lazaro ukhutsi. Ndinu vuyanzi shimbeleyo, khulelo musuvili.''

Lwa Yesu yatukha mu litaala li ingo wanga Lazaro, Lazaro yali wakhamala matukhu kanne niyakhutsa. Malita yatsia ilwanyi khu vukanila Yesu navola, ''Mwami, nu wa khaveele vutsa hanu muyayi weru shi ya khakhutsi tawe. Nikhali manyi Nyasaye alakhuha shiosi shu reva khu rula khuye.''

Yesu yakalushitsa, ''Inzi ndi Lisimushitsa nende Vulamu. Wosi usuvila alamenya khali nakhutsa. Woyo wosi usuvila mu inzi shialikhutsa tawe. Musuvila yaka?'' Malita yakalushitsa, ''Hee, Mwami! Suvila nivi Muhonyi, Mwana wa Nyasaye.''

Malelo Mariya natukha. Yakwa ha vilenje via Yesu navola, ''Mwami, nuwakhaveele vutsa hanu, muyayi weru shi ya khakhutsi tawe.'' Yesu yavareva, ''Murele hena Lazaro?'' Vamuvolela, ''Mu shilindwa. Hamba ulole.'' Malelo Yesu nalila.

Shilindwa shiali hakari ha machina ni shi khunishwi ni lichina. Lwa Yesu yatukha ha shilindwa, ya va volela, ''kolongominyi lichina iluveka.'' Nikhali Malita ya vola, ''Wakhamala matukhu kanne ni ya khutsa. Vukundu vwa la hunya.''

Yesu ya kalushitsa, ''Shi na muvolele munyela khulola vukhumi vwa Nyasaye nu musuvili?'' Khu vamenya ni vasunda lichina iluveka.

Khu Yesu yahenza mwikulu ma navola, ''Tata , urio khumbulila. Namenya umbulishitsa khase, nikhali mbola yaka shijila vandu vasinjili hanu yava khu vamenye wanduma.'' Malelo Yesu nalanjilila, ''Lazaro, rula ilwanyi!''

Khu Lazaro yitsa ilwanyi! Yali nashivoyelwi mu tsinguvu tsiu mushilindwa. Yesu yavavolela, ''Mukhonyi khurulitsa tsinguvu tsiu mushilindwa ma mu mulakhuli. Vayahudi vanyishi vasuvila mu Yesu shijila liu khuchenyinya yili.

Nikhali vimilili vi dini ya vayahudi vali nende imbotokha khu vivunjelitsa halala nivakanakana khwira Yesu nende Lazaro

Lukanu lwi Vanjeli khurula: Yowana 11:1-46