22. Livulwa Lia Yowana

Hanyuma yaho, Nyasaye yalomolominya vandu veve khuvirila khu tsinjolosi nende valoli. Malelo nichivira mihika 400 nakhalomoloma khuvo. Injolosi yitsa khu musalisi wali niyasakhula Zakaria nu vurume khurula khu Nyasaye. Zakaria nende mukhali wewe, Liseveti, vali vandu vamenya Nyasaye, nikhali shivali nivanyola khu vana tawe.

Injolosi yavolela Zakaria, ''Mukhali wowo alanyola mwana muyayi. Ulamukulikha Yuwana. Alitsulitswa nende Roho Mutakatifu, khandi alalomba injila yu Muhonyi!'' Zakaria yamukalushitsa, ''Mukhali wanje nende inzi khwasakhula muno vakhukhanyola vana! Nakhamenya ndina yaka kalanyalikha?''

Injolosi yakalushitsa Zakaria, ''Ndumiilwi nende Nyasaye khulerele makhuva malayi yaka. Shijila shiusuviili tawe, shu la lomoloma khutukha lwa mwana yivulwa tawe." Heneyaho Zakaria yakhaywa khulomoloma. Ma Injolosi nilekha Zakaria. Nalwo lwa Zakaria ya kalukha ingo malelo mukhali wewe navelekha.

Lwa Liseveti yali nali nende mweli sita ni ya velekha, Injolosi indala yeneyo yaloleshela mwikho wi Liseveti, walangwangwa Mariya. Yali mukhana muchima na yenya khuvayilitswa nu muyayi walangwangwa Josefu. Injolosi yavola, ''Ulavelekha na walivula mwana muyayi. Wenyakha umukulishi Yesu. Alava mwana muyayi wa Nyasaye wi Ikulu Muno na alikhamihi mihika ni mihika.''

Mariya yamukalushitsa, ''Yaka kakhanyalikha kari, shijila inzi ndi muchima?'' Injolosi yivaala, ''Roho Mutakatifu alitsa khu ivi, na tsingulu tsia Nyasaye tsialakhola khu khuchenyinya. Khu mwana alava mutakatifu, Mwana Muyayi wa Nyasaye.'' Mariya yasuvila nahujilila ka Injolosi yavola.

Vwangu injolosi ni ya khalomoloma nende Mariya, yamenya natsia khucheniha Liseveti. Liseveti ni ya khashielitshwa nende Mariya, mwana wi Liseveti yaruma munda mwemwe. Vakhali yava vasangala halala khu ka Nyasaye yavakholela. Mariya yacheniha Liseveti khu mweli chivaka, Mariya na kalukha ingo.

Liseveti niyakhivula mwana muyayi, Zakaria nende Liseveti vakulikha muyayi woyo Yowana, khuli lwa injolosi yali ni ya vivalila. Malelo Nyasaye navoholola Zakaria alomolome khandi. Zakaria yavola, ''Nyasaye yitsominywe, shijila witsushitsi vandu veve! Yivi, muyayi wanje, ulalangwa muloli wa Nyasaye uli Ikulu Muno. Nuvolele vandu khuli valivelwa tsimbavasi khu vwoni vwavo!''

Lukanu lwi Vanjeli khurula: Luka 1