39. Yesu Uvishilwi khu Shiyalo

Vwali vutukhu hakari. Vasikali vimilila Yesu munzu mu musalisi mukali khulelo musalisi mukali amureve marevo. Petelo yalonda khuvo ihale. Lwa Yesu yayilwa munzu, Petelo yarikala ilwanyi niyora mulilu.

Munzu mukari vimilili va Vayuda vavikha Yesu khu shiyalo. Valera vashahidi vanyishi vamukatila. Nikhali kavavola shikainjilana tawe, khu vimilili va Vayahudu shivamunyola nende likoso tawe. Yesu shiyavola shindu shiosi tawe.

Lukhumalishitsa, musalisi mukali yahenza Yesu mumoni navola, ''Khuvolele, nivi Muhonyi, mwana wa Nyasaye uli mwoyo?''

Yesu yavola, ''Ninzi, na numundole ninzikhale na Nyasaye na nindula mwikulu.'' Musalisi mukali yarandula tsinguvu tsietsie mu vurima nalanjilila khu vimilili vidini vandi, ''Shiu khwenyi vushahidi vundi tawe! Muhulili navola nu Mwana wa Nyasaye. Mumukhalachila murina?''

Vimilili va Vayahudi vosi vakalushitsa musalisi mukali, ''Wenyeshe akhutsi!'' Malelo nivavoha Yesu tsimoni, nivamusutsila mare, nivamurumula, nende khumukholela shihenyehenye

Petelo na shi lindilili ilwanyi winzu, mukhana muyinzili ya mulola na mu volela, ''Khali yivi uvele na Yesu!'' Petelo yambakhana. Hatititi, khandi mukhana wundi yavola malala kene khandi Petelo yambakhana. Lu khu malishitsa, vandu vavola, ''Khumanyi uvele na Yesu shijila vosi murula Galilaya.''

Malelo Petelo ni yisuha, navola, ''Nyasaye a name nikali na menya mundu wuyu!'' Vwangu vwangu, itaywa yalakula, malelo Yesu ni yishevukha na henza Petelo.

Petelonarula ho nalila nuvurima. Mu vwiyangu vwenovo, Yuda, mutsami mwene, yalola vu vimilili va Vayahudi vakhalachila Yesu likhutsa. Yuda yali ni shivelo shinyishi nasimukha natsia khwiyira.

Litukhu lilondakhu mavwevwe, vimilili va Vayuda valera Yesu khu Pilato, mwimilili wa Varumi. Vakanakana mwimilili alalola Yesu namakoso ma mukhalachili likhutsa. Pilato yareva Yesu, ''Nivi mwami wa Vayuda?''

Yesu yakalushitsa, ''Uvoli urio, nikhali vwamihi vwanje shuvuli vwamihi vwa hasi tawe. Vuva nuvuli vurio vayinzili vanje vakhakhuvanili. Nayitsa khu lilova khuvolela vandu ka kilikali khulondakhana khu Nyasaye.Woyo wosi wayanza kilikali ambulishitsanga.'' Pilato yavola, ''Kilikali nishina?''

Nayakhalomoloma nende Yesu, Pilato yatsia ilwanyi wa shituma shia vandu shiali navola, ''Shinyoli mundu wuyu na makoso tawe.'' Nikhali vimilili va Vayuda nende shitua shia vandu valanjilila, ''Avambwi!'' Pilato yavakalushitsa, ''Shiali nilikoso tawe.'' Nikhali valanjilila nivarele mwoyo ikulu. Malelo Pilato navola lukhola khavaka, ''Shiali nilikoso tawe

Pilato yahenda mwoyo vu vandu yavo yakharanjin khwononyinya, khu yahujilila vasikali veve khuvamba Yesu. Vasikali va Varumi valandula Yesu nivamuvikha inguvu nende ikofwo yu vwami ilombelwi khu mavwa. Vamukholela shihenyehenye nivavola, ''Lola, mwami wa vayahudi!''

Lukanu khurula mu Vanjeli: Matayo 26:57-27:26; Maliko 14:53-15:15; Luka 22:54-23:15; Yowana 18:12-19:16