Silail Milgu Soa
Adam uqa aidec cai hoale Ifan uqa abi galecai bahig mudeanahgu, hogu hoale ben bahig elubaecgu bilehianah. Hoale ilam dewenalai lahuldecun loto elcel qei taqehianah. Odan hoqa, etacub houqacan hoale qei olanalai neanah, elacin, milgu silail qei nieanah. Sain mati bahin hoale abi hogu ocobehi Ifancai le madeinah.
Odean hoqa, abi hogu iqaqulqec man meuqe hoil nieanah. Man houqa aid ocolideanah, “Gugufu Ifan uqa ina na abi hegu niadecia hogude meu ub lenacan hoil maiseanahaf?”
Odean aid uqa walde maudeanah, “Ifan uqa ile na unug hogude meu hoageu houqa ile ois lewan ec maileanah, odedeqa, uqa na doc meucuncai, doc meuqecen hogude meu uqau houqa ho ub lebilac ec maileanah. Ifan uqa maileanah, 'Ale na hogude meu uqau ho lefehi, o, ale ho qutudefehi ale almehian.'"
Man uqa le wadacdec aid maudeanah, “Le ho gugufu qe! Ina qei almanac! Ifan uqa doa, sain ina na ho uqau meu legangu esi hogu bahin, ina esi Ifan uqacat iwe, uqa doc mecuncai, doc meuqecen ho doa iwe, inafa doc meucuncai, doc meuqecen ho dogan.”
Aid uqa na aci ho fean ho galecai, odean mecidec uqau ho lecun ho mugcai. Uqa doc meubahig cai bilecun hoconafa galedean hocon, uqa na aci leih oadeafa leanah. Odede uqa gemug ho uqacai obeudimehian hocon, uqa leih gemug utean gemug uqafa leanah.
Qeigiec bahin, hoaleu isdec ho fiagean, hoale fifal ec ho isdec ohianah. Hoale dewenalai lahuldehian hocon na bagac oadehiafa, tabehian hocon gaban adehiafa hoale osim ohianah.
Odean dana uqa aidec cai hoale Ifan uqa abi gemacu ocobean udahunig dahmehianah. Hoale ilam Ifan fealewan hocon lokumehianah. Odean Ifan uqa dana utadeanah, “Ina hagena? Odean Adam uqa le wadacdeanah, “Isa ina abigu ocobecan udahunin dahmigafa, isa fifal hocon cumunicafa isa lokumicah.”
Odean Ifan ocolieanah, “Ina fifal ec ho in maiseah? Ina na aci ub lenac ec maisin ho, ina ho legahaf?” Dana uqa madeanah, “Ina aid iten heuqa isa na aci iteah. Odean Ifan uqa aid ocolideanah, “Ina elaci hoil odecah?” Aid uqa le wadacdeanah, “Man uqa isa culteah.”
Ifan uqa man maudeanah, “Ina gelisicah, ina wawingu sananacade ocobe, ina mil gude ufai ho legan. Ina aid cai ale dodo qei meu bilebilac. Odeb, ina himenalcai uqa himecul hoagefa, hoage dodo qei meu bilebilac. Aid uqa wacugude alesoian houqa esi ina gatanin lacude nanasaleian, odeb ina esi uqa faci gobisi ho gataweutegan.
Odeafa, Ifan uqa aid maudeanah, “Ina mel basegangu ho, isa odemin ina esi dain ben bahig efegan. Ina esi gemunun, ben bahin galeiseian, odeb, uqa esi inau ilo bileiseseb, ina uqa facalisanig bilegan.”
Ifan uqa dana maudeanah, “Ina aiden uqau le dahmeme qa ina isau madec isa oni ho qei totode odecah. Ois, qil mil qa geldicah, odeb, ina eli cefeganmefe ho ina esi abi gagadi bahin ogan. Odecafa, ina esi almegan, odeb ina dewen ganac houqa esi haun ehelawe mil ufaigu hogu noian.” Dana uqa aidec ho weni Ewa qeanah, houqau gug ho “eac bilec houqa adea," elacin, uqa esi dana aid unug ageu ania alesoian. Ode Ifan uqa eqaf ganacgu Adamcai Ewa dewenalai lahulde aleanah.
Odeafa Ifan uqa madeanah, “Ois, qil qa isdecsilecai he, meucuncai, meuqecen ho dohiafa, ige iwecet mehial hocon hoale qei ulalemun, hoale eac bilecun na aci ho lehiafa hoale gaidgaid eac bilebilac”. Hocon Ifan uqa Adam Ewa cai sulalean, abi gale cai hogude ulehi sibelu alesohianah. Ifan uqa in hoil ub abi hogu wafa, uqa na aci eac bilecun houqa lewan hocon, uqa ensel gagadi odec ben bahin cai hoale, abi ho iacul wacun aba wacgu tawehian mealeanah.
Ifan uqacan totqec louqec heqa Gugqec: 3 hogude