Mehele Nuec

Ifan uqa, Farao uqa qei Israel dana aidcai felacadeb nuefeic, uqa esi Isipde hoageu dana mel matude hoagecai, eqaf hoageu gug filfil hogude manafal matude hocai, uqa aqeb almenigan ec ho, Farao uqa docusadeian hocon maudeanah. Sain Farao uqa le ho dahmean hofa, uqa le houqa gugufu ec qei doanah, odede, uqa Ifan madean ho qei totode odeanah.

Ifan uqa ini hoage uqacan wawa cefeinahcai ho, hoageu uqa dana mel matude hoage besadec onigan houqacan qa, uqa hi hoil saiadeadeanah. Sihul osahi osahi hoage, sipsip nacag deweu meubahin houqa, hoage qebil almeian ec hi houqa saideanah.

Ifan uqa Israel hoage sipsip nacag houqa logac leih ociafa, hoageu lo aba magecgu loudedeic, cufun houqa ho nameciafa, bret iscai qe gaul namec houqacai qaimqe bahin lenigan madadeanah. Uqa hoage Isip ulude nuenigan saiadecifa, hoage eli ho lenigan ec hofa madadeanah.

Israel dana aid hoage, elcel unug Ifan uqa ode odecial ec madadeanah iwe bahin totodec odeinah. Wi tu gemacu, Ifan uqa Isip hatu iacul ocobe, uqa Isipde hoageu dana mel matude ho unug aqadean almeinah.

Israelde hoageu lo unug qa sipsip logac ho aba magecgu loudadec niean hocon, Ifan uqa lo ho meheladeanah. Ini unug lo ho iacul bilein hoage qa meu bileinah. Hoage sipsip logac houqacangu, Ifan uqa hoageu dana mel matu ho qei aqean almeinah.

Odan hoqa, Isipde hoage qa, Ifanun qei wawa cefeinah, o, uqau le madec hofa qei totodeic odeinah. Hocon Ifan uqa hoageu lo ho qei meheladeanah. Ifan uqa Isipde hoageu dana mel matu ho unug aqadean almeinah.

Isipde hoageu dana mel matu ho unug bahin almeinah. Ini wenimacai qe, kalabusgu bilecia hoageugude nuean, Farao uqaugu hedean ho, hoageu dana mel matu ho unug almeinah. Isip dana aidcai mati bahin hoage qaqaleic, hoage walolofucai qada oinah, elacin, hoage ben bahinag wawa doanah.

Wi hocotgu adi, Farao uqa madean, Mosescai Aron uqacai fahehianafa, uqa madaleanah, “Ale Israel dana aid oadehi, qil hecet Isip uludeciec!” Isipde dana aidcai hoagefa, Israel dana aidcai hoage haciou bahin Isip ulude nuenigan bahin ehine nonoic madadeinah.

Ifan uqacan totqec louqec heqa: Ehelawe Oc 11: 1-12:32