Iesus Uqa Ehelawe Faheian

Iesus uqa Mesaiah odan, mil gude dana aid hatu filfil gude mati bahin hoage wele Iesus le meu bahin houqa dahmemecian bean wele 2,000 iar oa. Wawa cefec tamanec houqa ode benmeme niea. Iesus uqa mil hegude elcel unug qeimeian sain hogu, uqa ehelawe faheian ec ho uqa le made qel qeteanah. Uqa qei ehele fahec niea, odeaqa, uqa esi le made qel qetec uqau houqa ihoc mudeian.

Sain ige ede Iesus uqa ehelawe faheian ec ho humudede bilecungu ho, Ifan uqa ige gun bilec hi hogu bilemun uqa binainig meu nieian houqacan ho uqa galedea. Ige uqau king ilo bilec houqacan ho, ige odacat madadecun hoconafa uqa galedea. Sain Iesus uqa milgu bileanahgu uqa madeanah, “Isau ewel oc dana hoage, esi milgu hatu filfil hogude dana aid hoage Ifan uqau ilo bilec houqacan meu le houqa sacadebilafa, sain qeimec houqa soian.”

Dana aid am filfil gude mati bahin hoage Iesusun qei dahmec oia odecet bilecia. Iesus uqa Ifan uqau meu ul hogu qei nuec bibile, uqa Kristen hoage le meu bahin heuqa, dana aid ini qei bahin dahmec bileciacai hoage amasac qasaleic madadenigan hocon madadeanah. Uqa madeanah, “Nueic dana aid am filfil gude ho unug hoage isau ewel oc dana bilenigan oadecie!” Ode uqa edefa madeanah, “Abi aben hoage ho eli walme nea!”

Iesus edefa madeanah, “Abi mel uqa ho, uqa Ilo Dana Ben uqau ho qei holimde uqa dana ben bileacai. Mil hegude uqau ilo dana benben wenimacai hoage isacan wawa qei niniean, hoage meuqe miteinah iwe odecet adi hoage esi agefa isacan bahig dewa dain uteteic, age aqebil almenigan. Gugufu, ina mil hegu ho esi dain cefegan, odedebafa, ina kat gagadi tawece, elacin, Satan uqa mil heuqau ilo bile ofdea houqa isa uqa qigan qeimeanah. Ina ode isacan adi bibilen nueb sain qeimecgu alewafe, Ifan uqa esi ina esulise besise oiseian!”

Iesus uqa ewel oc dana uqadeu hoage, elcel unug mil hegude qeimec sain hogu, elaci ade esi dana aid hoagecai nieian ec ho, uqa hoage qatane donigan ecgu uqa le hoil tot aqeanah. Uqa madeanah, “Dana hoil uqa eli ebeh aci meubahin houqa, uqa abi uqaugu cefeanah. Odan sain uqa huniniean, uqau ad fiac uqa soafa, uqa wit aci nieanahgu uqa gig elcel aci hofa cefadeanah, odeafa uqa wa nueanah.”

“Sain elcel aci ho bage becianafa, dana houqau abi mel hoage madeinah, ‘Ilo igeu, ina eli ebeh aci meubahin houqa ina abi hogu cefenah. Hocon qa, gig elcel hoage qa elacicin iacul hogu niecia?’ Ilo hoageu uqa hoage madadeanah, ‘Afagu ad dana hoil uqa ho cefadeanah.’”

“Abi mel hoage waldeic ilo dana hoageu maudeinah, ‘Ige ois gig ho aciteadecun a?’ Ilo dana uqa madeanah, ‘Qec, ona age ho odefeic, age wit leihafa esi acitadenigan. Age ulebil nueb eli walmec acitec sain hogu qa ois, age gig elcel hoage qa namadebil ienigan hocon age toaqeic hoilgu adi memeadeic qa, age wit meu qa oade fale nueic, abi abengu lo isau benahiac eli ud meadican bileciacai hogu meadenigan.’”

Iesus uqau ewel oc dana hoage le totqec houqau gug ho qei doinah. Hocon hoage Iesus uqa le totqec houqau gug ho qatane madadeian maudeinah. Iesus madeanah, “Dana eli ebeh aci meubahin cefeancai houqa ho Mesaiahcan madea. Abi oc aben houqa ho mil hegucun madea. Eli ebeh aci meubahin houqa ho, dana aid hoage Ifan uqau ilo bilec hogu bileciacai hoagecen madea.”

“Gig hoage qa, ho dana aid ini gagatu gude meuqec houqauan bileutecia hoagecen madea. Eli walmean acitec sain houqa ho, elcel unug mil hegude ho qeimeian sain houqacan madea. Odan, eli walmean acitec dana hoage qa ho Ifan uqau engel hoagecen madea.”

Sain mil heuqa qeimeian hogu, engel hoage esi dana aid unug Satan uqauan bileutecia ho unug oade faheic, lai iec belinag iegogowe nie hogu tahuladebil nonigan, odeb hoage esi hogu dain ben bahin efefeic, hoage euweweic aina kikiwacudenigan. Odeb tutu obec hoage qa esi Mema Ifan uqau ilo bilec hogu bibileic, hoage esi cam uqau fulacdec iwe hoage ie fulacdenigan.

Iesus uqa mil hegude elcel unug qeimeian sain soian ninieb bahin, hogu uqa esi mil hegu ehelawe faheian ec hofa madeanah. Uqa esi nueanah iwe odecet bahin uqa ehelawe faheian. Ode ho, uqa esi deweu ganaccai uqa hau ohis taingu faheian. Iesus uqa ehelawe faheian sain hogu, Kristen hondeg almein hoage esi almec gude ehelawe aieciafa, hoage hau ohis hogu Iesuscai febfebcenigan.

Odebafa, Kristen hondeg qei almec bilecia hoage qa esi aie hau ohis teciafa, hoage Kristen fialacil almec gude aie tein hoagecai gabandenigan. Hoage esi Iesuscai hogona bilenigan. Ho hedebafa, Iesus uqa esi dana aid uqadeucai hoage wawa meu niec meu bahin hogucai, wawa osahime bilec meubahin hogu, hoage gaidgaidun ode bilenigan.

Iesus uqa dana aid ini uqacan wawa cefecia ho, uqa esi hoage galab uqau hil iec ho mecidec uqau ho meubahin houqa adeian ec le made qel qeteanah. Hoage esi Ifancai eac bibileic, hoageu bilec Ifancai wawa meu niec meubahingu bilec houqa ho esi gaidgaidun ode nieian.

Oda hoqa, Ifan uqa esi dana aid ini hoage Iesusun qei wawa cefecia ho, uqa esi hoage gehimade feadeian. Uqa esi hoage hadesgu tahuladeb nociafa, hoage esi hogu gaidgaidun ode hoage dain meuqe ben bahin ho efefeic, hoage qaqaleic, aina kikiwacudedeic bilenigan. Lai iec hoil, houqa qei afileacai hoqa, esi gaid ode hoage ciciade nieian, odeb mamat hoage esi hoage dewena lenigan ho qei ulebilac.

Sain Iesus uqa ehelawe faheian hogu, uqa esi Satan uqacai, ilo bilec uqau ho unug bahin qeb qeimebcaiteian. Iesus uqa esi Satan tahuleb hadesgu nobafa, hogu uqacai, dana aid ini hoage Ifan ou totode odecun uculeic qa, hoage Satan totodenigan hocon gawoin hoagecai ilam hoage gaidgaidun ode lai ciciadeb bilenigan.

Adamcai Ewa hoale Ifan ou totode odecun uculehi qa, hoale qisolmec mil hegu osohianah, odan Ifan uqa mil he geldede, uqa mil he qeb qeimeian hocon isdec mudeanah. Oda hoqa, nueb nueb del esi sonigan hogu ifan uqa esi, Ifan uqau bilec masa meubahin qildec hoilcai, mil qildec hoil, odeb houqa meu bahinag ho, uqa esi ifaneian.

Jesus uqa esi dana aid uqadeucai, hoage esi mil qildec hogu bilenigan. Odeb uqa esi elcel unug hogu alesoic nieadenigan hoageu ilo bile ofadec dana gaidgaidun ode bileian. Uqa esi ama lehu nea ho unug acueadeian, odeb hogu ho esi ulumen efefe bilec ho qitigimeian, walolomacai bilec ho qitigimeian, qaqale bilec ho qitigimeian, kobol meuqec ho qitigimeian, dain efefe bilec ho qitigimeian, almec ho qitigimeian. Iesus uqau ilo bilec houqa, uqa esi wacu meu niecgucai, elcel tutucungu adi odeccai uqa ilo bile ofeian, odeb uqa esi dana aid uqadeu hoagecai gaidgaidun ode bileian.

Ifan uqacan totqec louqec heqa: Metiu 24:14; 28:18, Ion 15:20, 16:33; Revelation 2:10; Metiu 13:24-30, 36-42; 1 Thessalonians 4:13-5:11; Iems 1:12; Metiu 22:13; Revelation 20:10, 21:1-22:21