Dana Melun Le Qel Qetec

Abram Saraicai, hoale Keinan hatugu alewahiafa, hoale bilehian 10 iar nueanah. Hoale melcai qe odecet adi bilehianah. Ode hocon, Abram aidec Sarai uqa Abram maudeanah, “Ifan uqa isa melcaime bilecun qei ois iteanah, odan isa wele toia bahin migal hocon, isa melcai mewahuqe, odeqeit, heca, isau abi aid Haga, ina uqa onafa, uqafa ina aiden bileiseian, odep, uqa esi isau mel hoil baseiteian.”

Hocon, Abram uqa, Haga uqa aidec bileuteian oanah. Odean, Haga uqa dana mel hoil baseanah, odean, Abram uqa mel ho weni Ismael qeanah. Odan hoqa, Sarai uqa Hagacan gonaeanah. Sain Ismael uqa 13 iar bileanahgu, Ifan uqa ehele Abram le uteanah.

Ifan madeanah, “Isa Ifan Gagadi odec Ahulec, isa inacai le made qel qeteluan. Odean, Abram uqa gatelac cefe, uqa dum noanah. Ifan uqa Abram le edefa maudeanah, “Ina esi hatu mati bahig ageu ahia bilegan. Isa esi inacai, inau sihul sihul alesonigan hocai, Keinan mil houqa ademin, mil ho hoage muguma alesoian; odep isa esi gaid gaid hoageu Ifan bileadeigan. Ina sihul inaugu bilecia ho, dana mel ho unug dewa ganac ageadecal.”

"Ina aiden Sarai uqa esi dana melcai bileian. Dana mel houqa esi le qel qetec houqacan dana mel bileian. Uqa weni Aisak qegal. Isa esi uqacai le qel qete gagadi mudeluan, odep, uqa esi hatu hoil wenicai alesoian. Isa esi odemin, Ismael uqafa hatu hoil wenicai alesoian. Odea hoqa, Isau le qel qete gagadi mudec houqa ho esi Aisakcai bileian." Odean Ifan uqa Abram ec weni ho, uqa falide weni Abraham qeanah, odan houqau gug ho, “Mati bahin ageu ahia”. Ifan uqa Sarai weni hofa falide Sarah deanah. Houqau gug ho “King o Kuin atec”.

Del hogu, Abraham uqa dana mel hondeg uqacai bilecia ho, uqa hoage unug bahig dewa ganac ago adeanah. Odan iar osahi ode hedeanafa, sain Abraham uqa 100 iar bibilean, Sarah uqa 90 iar bileanahgu, uqa Abraham uqau dana mel baseuteanah. Hoale Ifan madaleanah iwe ho totodehi, hoale mel weni Aisak qehianah.

Sain Aisak uqa mel haun bileanahgu, Ifan uqa, Abraham uqau wacu cefec ho feian hocon, uqa meudeanah, “Ina melam Aisak osahi ho adi, ina ho ogafa qen almebafa isa ihancitece.” Abraham uqa haun ehele Ifan ou totodeanah. Uqa melahgu ihandeian hocon elcel saiadeanah.

Sain Abrahamcai Aisak hoale ihandec mudehian hocon , hoale aben hogu nunuehi qa, Aisak uqa memeg ocolideanah, “Mem, ile ihandec mudeluan lai besilig qagewal hoqa eia, odea hoqa, sipsip qa aia?” Abraham uqa walde maudeanah, “Melami, Ifan uqa esi, ihandec mudeluan sipsip haun hoil saiadeian.”

Sain hoale ihandec mudec aben hogu alewahiafa, Abraham uqa melah Aisak hibawoafa, uqa ihandec mudecun alta ohalec hogu mudean nieanah. Uqa melah qeb almeian odedean bahin, Ifan uqa madeanah, “Ulece! Ina ub dana mel deweu dain utenac! Qil isa duga, ina ho ina isacan wawingu, inau isdec ben bahin niniean hocon, ina melam osahi ho adi ho, ina ho isa itecun ho qei ulecah.”

Odan, utuqanu bahin hogu, Abraham uqa meciean ho, mecmec haun hoil, uqa gehugu hadagieafa tatawean feanah. Ifan uqa, Aisak uqau abengu ho, uqa mecmec haun houqa ihandecun saiadeanah. Abraham uqa wacu elubaecgu, uqa sipsip manafal haun houqa oafa, uqa ihandec ho mudeanah.

Odean, Ifan uqa Abraham maudeanah, "Ina elcel unug itecun ho oisecgu adi bileca, ina melam osahi adi hofa itecun qei ulecah, isa ina eldec iseigan le qel qetica. Inau sihul ho, esi sulupai hau ohis niecai ho holimadec nieian. Milgude sihul sihul unug esi, inau sihul houqacangu, hoage eldec onigan, elacin, ina ho, ina isa oni totodec bahin odecah.

Ifan uqacan totqec louqec heqa: Gugqec 16 - 22 hogude.