Iesus Kotgu Mulecia
Ois, wi tu gemacu hogu, fan adec dana hoage Iesus mehuleic hoage ihanec ilo dana ben houqau logu nueinah, odeb, ihanec ilo dana ben uqa Iesus ocolideian. Odan Pita uqa ehna sibacul acanamcai hoage gatina otiwewe totoade faheanah. Sain hoage Iesus mehuleic lo iacul wawacian, Pita uqa sibelu lai ianahgu hogu lai tataculean nieanah.
Odan lo iacul hogu qa, Iuda hoageu hanuqec ilo dana hoage qa Iesus kotgu muleinah. Hoage leih uqacan ulec le menigan hocon mati bahin mehadeic soinah. Odan hoqa, le ho meadein houqa le hoage osahigu adi qei soinah. Ode hocon, Iuda hoageu hanuqec ilo dana hoage le hoil uqa deweu lecai ec ho ifaiean le hoil qei mecideinah. Iesus uqa le hoil qei madel.
Odan nuean unug qeimecgu qa, ihanec ilo dana uqa gul Iesus mecidulele uqa maudeanah, “Ina Mesaiah, odan ina Ifan eac bilea houqa Melahcaf ho ina maigece?”
Iesus madeanah, “Io Isa, odeb isa esi Ifancai bibileu, isa hau ohis fafahemin age esi feitenigan.” Odan ihanec ilo dana uqa gemag bean, deweu launec loto uqadeu ho basiladede, uqa Iuda cufu houqau hanuqec ilo dana odacat hoage utae madadeanah, “Ige in hoil ehele so le uqau ho meian hocon ub isdemunac! Uqa Ifan melah ec ho mamadean age dahmeciah. Ageu gehilec ho ade?”
Iuda hoageu ufu hogude hanuqec ilo dana hoage unug ihanec ilo dana ho maudeinah, “Uqa ihocun almeian!” Odeciafa, hoage Iesus amug ahiteinah, ode uqa ifole qeinah, uqa qeqeic uqa igaudeinah.
Sain Pita uqa lo sibelu humade tatawean, abi aid hoil uqa Pita feafa maudeanah, “Inafa ho Iesuscai bilenah!” Pita uqa ho qei duga ec madeanah. Sain nag ode nueanafa, aid hoil uqa ehele le houqacat adi maudeanah. Odan Pita uqa haun ehele ho qei duga ec madeanah. Odean ho unug itqecgu qa dana aid hoage madeinah, “Ige doqa ina Iesuscai obehianah, elacin, ale ilam ale Galilide adi.”
Odean Pita uqa le uqau houqa gagadi mumude uqa madeanah, “Isa dana heuqa doudicacaimefe ho, Ifan uqa ois isa geldec iteian.” Odan qei giec bahin madu manafal hoil eweanafa, Iesus uqa waldeafa Pita meciduleanah.
Pita uqa alewa nueafa, uqa ben bahi wacu dodoan qaleanah. Ho odedean, Iudas, uqa Iesus ad lebenagu meanahcai uqa fean ho, Iuda hoageu hanuqec ilo dana hoage Iesus uqa ois almeian ec madein ho fean hocon, Iudas uqa wacu ben bahi dodoan uqa alewa nueafa uqa deweu qeanah.
Etenangu eteu weleu, Iuda hoageu hanuqec ilo dana hoage Iesus mehuleic Pailatcai wainah. Pailat uqa ho Rom gabman uqau hatu houqa ofdec gabman ilo hogu bileanah. Hoage doin ho, Pailat uqa esi Iesus uqa deweu lecai hocon uqa ois qebil almeian ec madeian ec ho doinah. Pailat uqa Iesus ocolideanah, “Ina Iuda ageu king a?”
Iesus uqa walde maudeanah, “Ina madecal ho ode adi, oda hoqa, isau ilo bilec houqa ho milgu ilo bileciacai hoageu iwe qe. Ode mehul ho, isau ewel oitec dana hoage esi isacan memeic fan adebih. Isa mil hegu sun ho isa Ifan uqau gugufu le houqa madeigan hocon sunah. Dana aid unug ini hoage gugufu le houqacan wawa nieacai hoage ho isau le dahmeciacai.” Odan Pailat uqa madeanah, “Elaci haqa ho gugufu le?”
Pailat uqa Iesus le maude hedeafa, uqa alesoafa dana aid am ho niean hogude ho madadeanah, “Isa mecidical ho, dana heuqa deweu lecai qe.” Odan hoqa, Iuda hoageu hanuqec ilo dana hoagecai, dana aid am ho niean ho hoage utaeinah, “Uqa na babalecgu qebil alme!” Odan Pailat uqa walde madeanah, “Uqa deweu lecai qe!” Odan hoqa, hoage ho bencai ode utaeinah. Odean Pailat uqa made ietdeanah, “Uqa deweu lecai qe!”
Pailat uqa dana aid am ho niean ho, hoage adociec hoil ub osobilac hocon uqa cumunieanah. Ode hocon uqa fan adec dana hoage Iesus na babalecgu qenigan ec ho uqa ois ec madeanah. Romde fan adec dana hoage Iesus wakidedeic, hoage uqa king ageu lotocai ec ho launudedeic, king ageu galab gatinagu bileacai hondeg houqa etacub duduncaigu mudeciafa houqa tean Iesus gatigu launudeinah. Odeciafa hoage uqa igaudedeic madeinah, “Fecie, Iuda ageu king!”
Ifan uqacan totqec louqec heqa: Metiu 26:57-27:26; Mak 14:53 -15:15; Luk 22:54-23:25; Ion 18:12-19:16 hogude