Dana Haun Uqa Ehewanig Acalac Uqa Odacat Ageu Ilo Bile Ofadea

Del hoil, dana haun hoil, uqa ehewanig acalac uqa odacat ageu ilo bile ofadeacai, uqa Iesuscai faheafa, uqa Iesus ocolideanah, “Iwalec dana meubahin, Isa elaci haqa odicafa, isa gaidgaidun eac bilec houqa oigan?” Iesus uqa dana ho maudeanah, “Ina elacicin isacan ho ina 'meubahin' ec maiteca?” Osahi adi uqa ho meubahin bilea, odan houqa ho Ifan. Odeqeit, ina gaidgaidun eac bilec houqa oganmefe, ina Ifan uqau nun le niecia ho, ina ho totodec odegan.

Odan, dana houqa ocolieanah, “Nun le haqa ho isa totoadi odeigan?” Iesus uqa walde dana ho maudeanah, “Ub dana hoil qeu qageqil almewan. Dana aidenacilcai age, o, aid gemunacilcai age Ub walbig kobol mudebilac. Ub feleu mebilac. Ub ulec le madebilac, memacilcai, aniacil meumeu madeciale, odeb hoil uqa, uqa dodocon wacu niea iwe, uqa in hoil uqa utuqanig bilea houqacan hofa wacu nieian.”

Odan hoqa, dana haun ho uqa madeanah, “Isa mel alanig obinah gudecet, isa nun le he unug bahin totodi odinah. Isa elaci haqa qei odec ho isa odicafa, isa gaidgaidun eac bileigan?” Iesus uqa dana haun ho mecideafa, uqacan uqa ben ode wacu nieanah.

Iesus uqa dana ho maudeanah, “Ina tutucungu itotom adi obeganmefe ho, Ina nue ehewanin ho unug suladecafa, men aci hogude ogan houqa, ina ini sawen bilecia hoage ehawe adegan. Odeb, ina esi Ifan uqau meu ul hogu meubahig houqa ogan. Odecafa, ina so isa totoitece."

Sain dana haun houqa, uqa Iesus le houqa madean dahmeafa, uqa ben bahig wacu tuquleanah, elacin, uqa ho ehewanig acalac bileanah, ode hocon, uqa elcel uqadeu ho felacadecun ho uqa uleanah. Uqa Iesus cuculude uqa walde nueanah.

Odeanafa, Iesus uqa ewel oc dana uqadeu hoage madadeanah, “Dana ehewanig acalac bilea houqa, uqa Ifan uqau meu ul hogu wacun ho ben ode licideian! io, kamel uqa loto osim oc nil giloloc hogu qolude wacun ho qei licidewan, odedeb qa, dana ehewanig acalac houqa Ifan uqau meu ul hogu wacun ho uqa licideian.”

Odan sain ewel oc dana hoage Iesus le ho madean dahmeciafa, hoage tigaleciafa, hoage bidafu aqecgu madeinah, “Odemefe, in qa besulec oian?”

Iesus uqa ewel oc dana hoage meciadede madeanah, “Dana aid hoage dodo ho hoage etacub ho odewahuqe ec docia, oda hoqa, Ifan uqa elcel ho unug ihoc odeian niea.”

Pita uqa Iesus maudeanah, “Ige elcel igeu ho unug cuculeq ige ina totoiseunah. Houqacan amug ho ige elaci haqa ocun?”

Iesus walde madeanah, “Ini hoage unug isacan bahin hoage, lo hoageu ho uludeinahcai, odeic otialacilcai, ebinamacilcai ho uladeinahcai, odeic hoage himenacilcai, o, hoageu elcel muguma bilec ho uladeinahcai ho, hoage esi hondegan 100 holimde ho esi onigan, odeb, gaidgaidun eac bilec hofa esi onigan. Odeqeit, ini hoage qil benbenmemeic, wenimacai bilecia hoage esi wenima qitigi alsonigan, odeb, ini qil wenimacai qe bilecia hoage, Ifan uqau ilo bilec hogu ho, hoage esi wenimacai bilenigan."

Ifan uqacan totqec louqec heqa: Metiu 19:16-30; Mak 10:17-31;Luk 18:18-30 hogude