Ifan Uqa Abrahamcai Le Made Qel Qetehia

Wa alec ho hedean, iar mati bahin nueanafa, dana aidcai mati bahi haun ehele milgu bileinah. Odan hoage unug le osahi adi madeinah. Hoage fulusdeic, mil he unug ihoc wa nieian, Ifan madadean ho totodec odecun uculeic qa, hoage hoilgu adi gabande bibileic, taun ben hoil mudeinah.

Hoage ben ode muguma qeqeic qa, hoage Ifan le madean houqacan, hoage qei doinah. Hoage hananmeic, lo hoil tutu adi ohis te, hau qutudeian ec hofa cefeinah. Ifan fean ho, hoage odecet adi gabandeic kobol meuqe ho mudefeic ho, hoage ihocun esi silail kobol mati bahin ho mudadenigan.

Hocon Ifan uqa hoageu le osahi adi ho, uqa waldean hogude le filfil mati bahig aladesoinah. Ode uqa dana aidcai filigancadean, hoage qatiec mil he unug ihoc wainah. Hoage haname taun ben ho cefein ho, houqa weni Babel, odan houqau gug ho “daliec”.

Etacub ho alesoanfa, hogude 100 iar mati bahig nue hedeanafa, Ifan uqa dana hoil weni Abram ecia houqa le maudeanah, ‘Inau hatucai, inau sihul hondeg ho uculadec, Isa mil ifaiseigan hogu nuece. Isa esi eldec iseigan, odidi isa odemin, inau gude sihul ho esi hatu ben bahig wenicai alesoian. Isa odemin, ina wenimincai, inau sihul ho wenima ho esi ben bahig alesoian. Ini ina eldec isenigan ho, isa esi hoage eldec adeigan, odeb, ini geldec isenigan ho, isa esi hoage geldec adeigan. Inaugu adicin qa, mil gude sihul unug ho eldec onigan."

Hocon, Abram uqa Ifan ou totodec odeanah. Uqa aidec Sarai mehudean caitean, uqa abi dana uqadeucai, elcel uqadeu ho unugcai, uqa ho oadean caitean, uqa Ifan mil ifadeanahgu nueanah. Uqa mil weni Keinan ecia hogu nueanah.

Sain Abram uqa nue, uqa Keinan hatugu alewanafa, Ifan madeanah, “Walwaldedec he unug mecidece. Isa esi inacai, ina wawin gude sihul sihul bilenigan hoagecai, ina mil he fega he unugcai, isa esi age adeigan.” Odean, Abram uqacai, ini uqacai nuein hoage cai, uqa mil hogu bileanah.

Del hoil, Abram uqa Ifan Ohis Bahinag houqau inhandec dana, Melkisedek qeledeanah. Melkisedek uqa Abram eldec utete madeanah, “Ifan Ohis Bahinag, uqa haucai mil memeg bilea, houqa Abram eldec uteale.” Odean, Abram uqa elcel uqau unug hogude, uqa qatanean am 10 alesoanafa, hogude am osahi oafa uqa Melkisedek uteanah.

Odean iar mati bahin nueanah. Odean hoqa, Abram uqa Saraicai, hoale dana melcai qitigi odecet adi bilehianah. Odan, Ifan uqa, Abram uqa esi dana melcai bileafa, uqau sihul ho esi habie, hau ohis sulupai niea iwe nieian ec ho, uqa ehele le maude qel qeteanah. Odan Abram uqa, Ifan uqau le qel qetec houqacan ho, uqa wacu cefean hocon, Ifan uqa, Abram uqa tutu obec dana ec ho, uqa made amasacdeanah.

Odean, Ifan uqa Abramcai, hoale le madehi qel qete gagadi mudehianah. Le made qel qete gagadi mudec houqa ho, dana elis, o, dana am elis gemacu, hoage wawa osahi meciacai. Ifan madeanah, “Isa esi, ina dewen gudecet, isa dana mel hoil iseigan. Isa Keinan mil ho, inau sihul sihul ho adica” Odan hoqa, Abram uqa dana melcai qitigi, uqa odecet adi bileanah.

Ifan uqacan totqec louqec heqa: Gugqec 11 - 15 hogude.