Yá Ndiòxí ni kuini-gá sa kúú tee Isaac nduu tahu ñaha-gá

Te Abraham sa ni sahnu vihi-de, te dehe-de te Isaac sa ni sahnude ni kuu.de ɨɨⁿ tee, te tee Abraham ni tendaha-de ɨɨⁿ tee xinu kuechi nuu-de kuahaⁿ-de ɨɨⁿ xichi nuu xindeku nani tnaha-de, kuenda yakaⁿ ndukude ɨɨⁿ xichi kúú ñadɨhɨ te Isaac.

Te tee kuahaⁿ chiuⁿ-a ìó kuehe ni xikade te ni saa-de nuu kuahaⁿ-de, te mee Yá Ndiòxí ni sanu ichi ndaa-gá te kuahaⁿ chiuⁿaⁿ nuu ndeku ɨɨⁿ xichi nani Rebeca. te xichi-aⁿ kúú-xí dehe ñani, nani te Abraham.

Te tee kuahaⁿ chiuⁿ a ni kahaⁿ ndahu.de nuu ta Rebecca nuu va kundee inixi kandeka ñaha.de kɨhɨⁿ vehe te Abraham, kuuxi sanude-kandeka ñaha dehe-de tee Isaac. Te ni saha xi tnúhu dandooxi nchàa ñayiu kúú ndɨmeexi te kɨhɨⁿ xi kandekaxi te Isaac, te sata ni kexioxi te ni tnandaha xi ndɨhɨ te Isaac.

Te vaiga nduu ni xindeku te Abraham te ni xihide. Te nchàa nakua ni kendoo Yá Ndiòxí ndɨhɨ te Abraham kadaga, nchàa tnuhuaⁿ ni nayahaxxi ni kendoo ndɨhɨ te Isaac dehe ndii. Yá Ndiòxí ni xaha-gá xii ndii Abraham sá ìó kuehe ñani tnaha ndii kaya, diko ñadɨhɨ te Isaac ta Reveca ña tuu ndaku koo dehe-xi.

Diko te Isaac ni kahaⁿ ndɨhɨ-de Yá Ndiòxí kuenda sa koo dehe-xi, te Yá Ndiòxí ni te doho naha-gá te Isaac te ni nguhuⁿ nde uu dehe-xi. Te ndɨ nduu dehe ta Reveca ni sahnuguexi xɨtɨ-xi, te ni xikaⁿ tnuhu-xi nuu Yá Ndiòxí na kuenda dukaⁿ nde uu dehe-xi.

Te Yá Ndiòxí ni xahaⁿga xii ta Reveca: "Uu ñuu kahnu kunguexi, chi na kakuguexi te kaya kuehe vihi ñani tnaha-guexi. Te na kakuguexi te tee na kaku dihna, kunu kuechi-de nuu tee na kanchiku kaku."

Te ni saa nduu kaku dehe ta Reveca, dehe ni kaku dihna, tɨ kuehe ñɨɨ.de te kaa.de idi, te ni danani ñaha-yu Esau xiide, te dehe kúú uu danani ñahayu Jacob xiide, te teeaⁿ chi ore ni kakude te takaa ndee-de deyu nañi-de te Esau ni kaku.

Tnúhu ndèé sanaha ndèé nuu tutu tnúhu Yá Ndiòxí Génesis 24:1-25:26