Yá Ndiòxí káná-gă té Moìsés
Te ní sáá nduu nĭ xíhí té Chèé, te nchaa kue ñani tnáhá-dĕ ní kèndóo-yu ndèkuní-yu nàcioⁿ Egiptú. Te vài kuíá ni xĭndekú-yu nàcióⁿ Egiptú, te ío ní káyá-yu, te ní xínàní-yu “Israèlitá.”
Te ní kuu tɨtnɨ sièndú kuíá ndékŭ-yu Egiptú, te kuehé víhĭ-yu ní káyá. Te kue ñáyiu Egiptú ñá túúgă ní ndàku iní-yu té Chèé sá ío kuéhé nĭ chindee ñàha-dé xiíyu kútnàhá ní xíndeku-dé. Te ní sáá nduu nĭ kixi yùhúnă ìní ñáyiu Egiptú, sá ío ní káyá ñáyiu Israèlitá. Te tée Faràón tée yɨhɨ ndaha nàcióⁿ Egiptú ní ngüíta-dé ní dàndóhó-dĕ ñáyiu Isràél, chi ní xóo dakàda chiuⁿ ñaha vihí-dé núú chíúⁿ nchàa ñáyiu Egiptú, ní xóo kada yika ñàha-dé kadá-yu chìuⁿ vée dakàá-yu vehe nàhnu.
Te ío ní xóo ndohó-yu núú chíúⁿ, diko Yá Ndiòxí ío ní chindee ñàha-gá xiíyu, te kue landú-yu ni kayágá-guexi.
Te tée Faràón ndèhe-dé sá tá kăyá víhíhă déhe ñáyiu Isràel kuáháⁿ. Te níxáhaⁿ-dĕ xii kue ñáyiu ñuú-dé, ñáyiu nàkeheⁿ déhe sá káhnĭ-yu nchaa déhe ñáyiu Isràel ná kàku meeni déhe tée kahní-yu te dàkee ñàhá-yu yúte nàni Niló.
Te ɨɨⁿ ñadɨhɨ isràlita ni daka ku-xi ɨɨⁿ dehe teé. Te mee-xi ndɨhɨ yɨɨ-xi ni chi vaha ñaha-yu xii-de.
Te ore ña tu-ga ni ndaku-yu chi vaha-yu dehe-yu. Te ni kahu ini-yu ni nduku-yu ɨɨⁿ yiká tɨkăni, te ni kide vaha-yu xɨtɨ-xi kuéndá sá vá yáha ndute, te xɨtɨ yiká-áⁿ ni chihi-yu déhe-yu te néhé-yu kuáháⁿ ni taxi ndekú-yu nuu ndute yúte nani nilú, te yatni yuhu yute kuxi nuu ni taxi ndeku-yu yika ñuhu déhe-aⁿ. Te duka ni kidé-yu kuenda sa kaku dehe-yu va kahni ñaha ñayiu Egiptú te deho sa kuehe xichi di dehexi-aⁿ ni xito dayuhu-xi nása yáha déhe líhli-aⁿ.
Te ɨɨⁿ déhe yoko té Faràón ní xiní-xi kàndodo yiká ñuhú déhe líhli-áⁿ nŭú ndute, te ní saháⁿ ndéhé-xí te ní xiní-xi ñùhu déhe yɨkɨⁿ-ăⁿ, te ní keheⁿ-xi déhe-áⁿ, te ní kachí-xi: “Déhe líhli-a kuu-dé dàtná déhe meè-í.” Te ní ndúkú-xí ɨɨⁿ ñadɨhɨ koto ñaha xìi déhe-áⁿdakàdi ñaha, te ñaha Isràlitá kúú-áⁿ. Diko déhe yoko té Faràón ñá túú ní kùtnuní iní-xi sá năná dĕhe-áⁿ kúú ñàha ni ndŭkú-xí dàkadi ñaha. Te satá n! Kee tée líhli-áⁿ dɨku, te ñaha ní xito ñaha xìidé ní nàkuáha kuèndá-aⁿ tée líhli-aⁿ xii déhe yoko té Faràón, te ní danání ñàha-xi Moìsés xiidé.
Te tée Moìsés ní kuu kàhnu-dé. Te ɨɨⁿ nduu ní xiní té Moìsés ɨɨⁿ Egiptú kání-dĕ ɨɨⁿ tée Isràel, te tée Moìsés ní taunihnu ñaha-dĕ chi ñaní tnáhá-dĕ kúú-dĕ, chi dɨuni tée Isràél kúú tĕe Moìsés.
Te ní sani iní-dé sá vă yŏo ndèhe núu ní sahni-dé tée Egiptú te ní chìndúxi ñaha-dĕ. Diko ndèku ñáyiu ní xiní sa dúkáⁿ nĭ sahni-dé tée Egiptú te ní chìndúxi ñaha-dĕ.
Te tée Faràón ni nĭhí-dĕ tnúhu sa dúkáⁿ nĭ kide té Moìsés, diko ní káku-dé chi ní xinu-dé kuáhaⁿ-dé ndééñuú Màdián kuèndá sá vă nánìhí ñáhá kue sàndadú té Faràón kahni ñaha-guèdé xiidé.
Te ñuú núú xĭndeky té Moìsés yàkáⁿ ní kuu-dé toli ní xito-dé mbèé. Te ñuú Màdián chi xika kèndóo núú káá nàcióⁿ Egiptú. Te tée Moìsés ni tnăhá ndaha-dé ndɨhɨ ɨɨⁿ xichí ñùú nĭ ngúndekudé-áⁿ, te ní xóo úú déhe tée-dé ndɨhɨ ñadɨhɨ-dé.
Te ɨɨⁿ nduu ndèku té Moìsés yuku xìto-dé mbèé, te ní xiní-dé. ɨɨⁿ tnutàú nchìkúⁿ ñuhú te dìkó sàá ndáhá ìtá ñuhú, diko ña túú ngòyo nihnu tnutàú-áⁿ, te tée Moìsés ní dayátní-dĕ tnutàú-áⁿ, te òré ni dayátní-dĕ tnutàú nchìkúⁿ ñuhú-áⁿ, te ní tekú dóho-dé ní káháⁿ YăNdiòxí te xáhaⁿ-gă xiidé: “Moìsés, keñuhu chàú-n chi íí ndúúxí xĕnihnu-n chi iha ndèku-i”
Te ní xáhaⁿ tùku-gá xiidé: “Ndèhe-í sá ío ndòho kue ñáyiu ñuú-í, ñáyiu Isràél. Te yúhú tendaha ñàha-í xiin kɨhɨⁿ-n kăháⁿ ndɨhɨ-n té Faràón, te ndeñuhu-n ñáyiu Isràél, te vá kúndèkugá-yu ndohó-yu Egiptú. Te yúhú kuáha ñahà-í xiíyu ñuhu Cànaán kùndekú-yu, chi dɨu dukaⁿ nĭ Xáhàⁿ-i xii ndíi Abráhám, ndɨhɨ ndíi Isàác, ndɨhɨ ndíi Jàcób sá dɨu ñuhu-áⁿ kuăha ñahà-í xiíyu kùndekú-yu.”
Te tée Moìsés ní xikáⁿ tnúhú-dĕ nŭú Yă Ndiòxí te xáhaⁿ-dĕ xiigá: “Te núu ñáyiu Isràél ná ndùku tnúhu-yu núù-ísa yoo ní tahú chíúⁿ dùkaⁿ kada-í, te nása kúñahà-í xiíyu.” Te Yá Ndiòxí ní xáhaⁿ-gă xiidé: “Kuáháⁿ, te kúñaha-n xìíyu sá yŭhú kùú-í Ndiòxí Yá ní káháⁿ ndɨhɨ nchaa kue ñaní tnáhă-yu ní xíndeku ndéé sanaha, ndíi Abráhám, ndíi Isàáx, ndíi Jàcób, te dɨuni yúhú kùú-í Yá ní tendaha ñàha xiin kuăhá-n kăháⁿ ndɨhɨ-n-yu.”
Te tée Moìsés kɨxi yuhú iní-dé kɨhɨⁿ-dé káháⁿ ndɨhɨ-dé té Faràón, chi ní sani iní-dé sá vănìhí-dé tnúhu káháⁿ-dé. Te Yá Ndiòxí ní xáhaⁿ-găxii Aàrón sá chíndèe tnúhu-dé ñaní-dé té Moìsés. Òré ná kɨhỉⁿ-guedé káháⁿndɨhɨ-guedé té Faràón. Te Yá Ndiòxí ní danaha ñaha-ga xiiguede sa io nɨɨ iní té Faràón.
Éxodo 1-4