Ni kuu uu xichi ñayiu Israel.

Te ni xika vaiga Kuia te ni saa nduu ni xihi teé Davii, te dehe-de teé Salomón ni nguita-de ni kunuu-de ni x+h+ ndaha-de ñayiu Israel. Te ya Ndioxi ni xika^ tnuhu-ga nuu-de nuu na kuu sa ioga kuini-de kuaha-ñaha-ga xiide. Te teé Salomón ni xika^-de nuu-ga sa xini tnu ni-de. Te ya Ndioxi io vaha ni kuu ini-ga, te ni kide ñaha-ga xiide ++^ tee ioga ni xindeku sa xini tnunixi ni xindeku ñuu ñuyiu. Teé Salomón ni kutuha-de kada-de t+tn+ nuu sa vaha, te ni kuu-de ++^ tee io ni xindekuku nd+h+ sa xini tnunixi, te x+h+ ndaha-de ñayiu Israel. Te ya Ndioxi io ni kide kuika-ga teé Salomón.

Teé Salomón ni dakaa-de vehe nuu ni kide kahnu ñayiu Israel ya Ndioxi, te d+u vehe-a^ ni kuini ndii tata-de ndii Davii dakaa ndii, te sani kide tuha ndii Davii nchaa sa na nd+h+ kaa vehe ya Ndioxi. Te sata ni dakaa teé Salomón vehe nuu chihi nuhu-yu ya Ndioxi te vehena ni xoo nakata ña-yiu ni xoo chihi ñuhu-yu ya Ndioxi te ni xoo kuaha ñaha-yu sa nduu tahu-ga, te ña tuuga ni xoo kada kahnu-yu ya Ndioxi nuu ni xoo nataka-yu. Te ya Ndioxi ni xindeku-ga nd+h+ ñayiu Israel vehe mu ni xoo kada kahnu ñaha-yu xiiga.

Diko teé Salomón ni saa nduu na tuuga ni kuini-de k+h+^ ndaa ini-de ya Ndioxi, te ni nguita-de ni kuu ini-de kue ñayiu d+h+ +nga ñuu, te vai ñayiu d+h+a^ ni tnaha ndaha nd+h+-de chi ni xinu datna uxi sienda ñayiu d+h+ ni tnaha nd+h+-de. Vai ñayiu d+h+a^ kuu-yu ñayiu +nga nacio^, te nehe-yu sanda-yu sa kachi-yu kuu ndioxi-yu vexi, te ni kide kahnuni-yu nchaa xia^. Te teé Salomón ta sahnu-de kuaha^, diko tnahani de ni chihi ñuhu-de sa kuu ndioxi ñayiua^.

Te ya Ndioxi ni kundee^-ga vaha-de nuu-ga. Te ya Ndioxi ni kachi-ga sa na yaha kuu teé Salomón te chihi dava-ga nacio^ Israel kuuxi uu xichi te nd+ d++^ kundeku kue tee k+h+ ñdaha ñaha xii ñayiu Israel.

Te sata ni xihi teé Salomón te dehe-de teé Roboam ni kunuu-de ni x+h+ ndaha-de ñayiu Israel, diko ni kuu-de ++^ tee ña tuu natu sani vaha inixi, te nchaa ñayiu Israel ni nataka-yu te ni kachi-yu sa d+u-de kuu-de te k+h+ ndaha ñaha xiiyu. Te duka te ni ndaka^ kuechi-yu nuu-de sa io ni xoo dandoho ñaha ñaha tata-de xiiyu nuu chiu^ chi io ni xoo dakaka-da chiu^ ñaha-de, te io vai dihu^ ni xoo chahu-nd+ nuu-de kuenda impuestu.

Diko teé Roboam na tu ni kaha^ vaha-de chi nixaha^-de xiiyu sa uu^ga kada ñaha-de xiiyu chi dandoho ñaha-ga-de xiiyu dakuxi sa ni kide ñaha tata-de xiiyu.

Te uxi tribu nacio^ Israel ni kee d++^-yu ñatu ni kuini-yu kh ndaha ñaha teé Roboam. Úú duhana tribu ni kuini-yu k+h+ ndaha ñaha teé Roboam. Uu tribua^ ni kuuyu tribu Juda, ni x+h+ ndaha teé Roboam.

Te nd+ uxi tribu ñayiu Israel ni kee d++^ ñatu ni tnaha ini k+h+ ndaha ñaha teé Roboam, ni taxi ndeku-yu ++^ tee nani Jeroboam kunuu-de k+h+ ndaha ñaha-de. Ñayiua^ ni ngundeku-yu ñuhu kaa ndaa xio kuha nakuaa kene nchikanchii te ni danani-yu xia^ nuu y+h+ ndaha ñayiu Israel taxi tnuni-yu.

Diko teé Jeroboam ña tuu ni kide ndaa-de nuu ya Ndioxi, ña tuuga ni sandaa ini ñaha-de xiiga, te ni kide sa kue ñayui Israel ni kide-yu sa ña tau-yu kada-yu. Teé Jeroboam ni ka duha-de uu sa danani-yu ndioxi, te ña d+u ndioxi kuuxi, kuenda sa xia^ chihi ñuhu ñayuu y+h+ ndaha-de, te va kada kahnuga-yu ya kuu Ndioxi ndisa x+t+ vehe vehe ñuhu kue ñayiu Judá.

Te kue ñayiu nani reinu Judá nd+h+ ñayiu nani reinu Israel, ni ngoo-yu ni kuu uhu ini tnaha-yu, te texio texio ni naa-yu.

Te nchaa kue tee ni ngundeku saani x+h+ ndaha ñahu xii kue ñayiu Israel ña tuu ni kuu-gueda kue tee vaha, chi io ni xinduu kuihna ini-guede. Vai kue tee ni kunuu-a ni sahni ñaha dava-ga kue tee Israel xii guede, kuenda sa tnaha kue tee-a^ ndee ini-guede ku nuu-guede k+h+ ndaha-guede ñayiu Israel.

Nchaa kue tee ni ku nuu ni x+h+ ndaha ñaha xii ñayiu Israel ni xoo chihi ñuhu ndioxi sani kaduha mee-yu, te d+uni duka^ ni kide nchaa ñayiu Israel ni xoo chihi nuhu-yu sa ni danani-yu ndioxi ni kaduha mee-yu. Ore ni xoo kada kahnu-yu nchaa sa ni danani-yu ndioxi, te ni xoo ka dayu sa natu vaha-te ndee landu lihli ni xoo kahni-yu nduu tahu ndioxi-yu.

Nchaa kue tee Judá ni kunuu ni x+h+ ndaha ñaha xii kue ñayiu Israel ni kuuguede ñani tnaha ndii Davii. Dava kue tee ni ku nuu ni x+h+ ndaha ñaha xii kue nayiu Israel ni kide vaha-guede ni x+h+ ndaha-guede ñayiu Israel chi ni kide guede nakuaa ni kuini ya Ndioxi, te duka^ ni chihi ñuhu ñaha-guede xii mee ya Ndioxi. Diko nchaa dava-ga kue tee Judá ni kunuu ni x+h+ ndaha ñaha xii ñayiu Israel na tua ni xinduu vaha ini-guede, mee ni sa ña tuu vaha ni xoo kada-guede, te duka^ mee ndioxi sa ni kaduha mee ñayiu ni xoo chihu ñuhu-guede. Te dava kue tee ni kunuu-a^ ni sahni-guede dehe-guede dehe-guede kuenda nduu tahu ñaha sa danani-yu ndioxi te na d+u ndioxi kuuxi. Te io vai ñayiu Judá duka^ ni kide-yu, na ni kuinigayu kada kahnu-yu ya Ndioxi ndisa chi meena sa ni kaduha mee-yu ni danani-yu ndioxi te na d+u ndioxi kuuxi, meena xia* ni xoo kada kahnu-yu.

1 Reyes 1-6; 11-12.