11. Ña yiu Israel ni xexi-yu Pàá sa ña tuu yɨhɨ levadura.

Te ya Ndioxi ni xahaⁿ-ga xii tee faraón sa nu va daña-de kee ñayin Israel nacioⁿ Egiptu, te meega kada sa kuu nchaa kue de he dihna dehe tee ñayiu ñuu-de Egiptu. Te tnaha nchaa kɨtɨ-yu kuu-guedɨ. Te kuei ni teku doho te faraón nakuaa ni kahaⁿ ya Ndioxi kada-ga chi ni ki deni-de saa sani ini-de chi ña tuu ni sandaa ini-de tnuhu ni kahaⁿ-ga.

Te ya Ndioxi ni kide-ga nakuaa kaku nchaa dehe dihna dehe tee kue ñayiu sandaa ini ñaha xiiga. Nchaa ñayiu ndeku ɨɨⁿ ɨɨⁿ vehe ni kaxi-yu ɨɨⁿ mbee yɨɨ kɨtɨ kavahaga te kɨtɨaⁿ ni sahni-yu-dɨ.

Te ya Ndioxi ni xahaⁿ-ga xii nchaa ñayiu Israel sa nɨñɨ mbeeaⁿ dakaa huu-yu luha nɨ kaa ndee yuyehe-vehe-yu, te kuñu-dɨ dachiho-yu nuu ñuhu, te ndɨhɨni kaxi-yu ndɨhɨ pàá sa ña tuu yɨhɨ levadura. Te ni xahaⁿ tuku-ga sa na kundeku tuha-yu chi kee-yu nacioⁿ Egiptu ore nayaha kaxi-yu.

Te kue ñayin Israel ni kide-yu nchaa nakuaa ni xahuⁿ yá Ndioxi. Te dava niu ni yaha ya Ndioxi xɨtɨ ñuu nacioⁿ Egiptu te ni sahni-ga nchaa dehe dihna, dehe tee kue ñayiu Egiptu.

Te nchaa vehe ñayiu Israel ndee nɨñɨ nɨ kaa ndee yuyehe-yu. Te nchaa ñayiu ndee nɨñɨ mbee yuyehe-xiani kaku-yu.

Diko huyia Egiptu, ñatu ni sandaa ini-yu ya Ndioxi, te ni ñatuu ni kuini-yu te doho-yu nakua ni kahaⁿga xia nuu dukaⁿ ni kide-ga ni sahni-ga nchaa dehe dihna-yu dehe tee-yu.

Ni xihi nde dehe tee dehe dihna kue tee yɨhɨ vehe kaa, te ni xihi nde dehe dihna tee faraón. Te ío kuehe ñayiu Egiptu ni ndahyuyu sandɨhu ini-yu sa dukaⁿ ni xihi dehe-yu.

Te dɨuni niu ni xihi dehe-yuaⁿ te faraón ni kana-de te Moisés ndɨhɨ te Aarón te nixahaⁿ-de xiiguedei "i Chi kuahaⁿ te ndɨhɨni kee-ndo ndɨhɨ kue ñayiu Israel nacioⁿ Egiptu". Te tnaha kue ñayiu ñuu Egiptu ni kahaⁿ ndahu-ya nuu ñayiu Israel sa ndɨhɨni na kee-yu ñuu Egiptu.

Éxodo 11:1-12:32