21. Dios Promete al Mesías. Ya Ndioxi xi kachiga sa kixi Mesías.

Nde dihana Ya Ndioxi ni kachi-ga sa tenda-ga ya nani Mesías kixi nuu ñuyiu, te yaaⁿ kuu-ga Cristu. Te ni kachi-ga sa dihna-ga kexio te Adán ndɨhɨ ta eva ñuyiu, te ni kachi tukuga sa ɨɨⁿ ñani tuaha ta Eva kaku tuu nuu kuahaⁿ nuu vexi teeaⁿ dakee tɨhu duuⁿ-de sakuihna, chi dɨu xiaⁿ ni nduu xi koo ni danduhu-xi ta Eva. Te teeaⁿ kuude tee Mesías ya kuu xitoho Jesucristu.

Ya Ndioxi ni xahaⁿ-ga xii ndii Abraham sa ya kuu Mesías kada te kuuxi sa vaha sa kuuxi nchaa ñayiu ñuyiu. Te tnuhu ni kahaⁿ Ya Ndioxi kadaxi nduu na saa kexio Mesía-ya kuu xitoho Jesucristu ñuyinaⁿ, te dɨu yaaⁿ kada te nanihi tahu kue ñayiu xindeku nchaa xichi ñuyiu.

Te Ya Ndioxi ni xahaⁿ-ga xii tee Moisés sa nuu kuahaⁿ nuu vexi, te tendaha-ga ɨnga tee kahaⁿ tnuhu-ga nuu nayiu, te tee ten daha Ya Ndioxi kixi nani Mesías, kua-ga xitoho Jesucristu.

Ya Ndioxi ni xahaⁿ xii te Davii sa nuu kuahaⁿ nuu vexi te ɨɨⁿ kue ñani tnaha-de ku nuu-de kɨhɨ ndaha-de kue ñayiu kuu ñuu-ga nɨ kaa nɨ kɨhɨⁿ.

Te tee Jeremía tee ni kahaⁿ tuuhu-ga ni xahaⁿ-ga xiide sa saá nduu te ndeku ɨɨⁿ tnuhu sa vitna kada ndáá-ga nuu kuchaⁿ nuu vexi, diko tnuhuán ña tuu ɨɨⁿ ni kunxi ndɨhɨ tuuhu sa ni kide ndaa-ga ndɨhɨ ñayiu Israel yuku Sinaí. Te tnuhu sa vitna kahaⁿ-ga nuu kuahaⁿ nuu vexi kuuxi tnuhu sa kée ini nchaa ñayiu na kunde doho. Te davaaⁿ kue ñayiu kini nuu ñaha-yu xiiga, te kada kahnu ini-ga nchaa kuechi-yu; te ñayiuⁿ kuu-yu ñayiu ñuu-ga.

Te nchaa kue tee kahaⁿ tnuhu Ya Ndioxi nani Profeta ni kachiguede sa tee Mesías kuude dɨuni Profeta, chi kahaⁿ-de tnuhu Ya Ndioxi, te kuu-de dutu kunuu, te kuu-de tee kɨhɨ ndaha ñaha xii ñayiu. Te Profeta kuu tee kunde doho tnuhu kahaⁿ Ya Ndioxi te datnuni kuahaⁿde date kutnuhu-de ñayiu naduaa nduu tnuhu ni kahaⁿ-ga. Te Mesías tee ni kadi Ya Ndioxi tendaha-ga kixi ñuyiu kuu-de ɨɨⁿ Profeta oi vahu kada ndaa.

Nchaa kue dutu ñayiu Israelita ni xoo kuaña-guede xi Ya Ndioxi sa nduu tahu-ga sa kuenda nchaa ñayiu ñuu-ga. Te dukaⁿ ni xoo kada kue dutuaⁿ sa kuenda nchaa kuechi ñayiu ñuu-ga. Te kue dutuaⁿ ni xoo kakaⁿ tahn-gue-de nuu Ya Ndioxi kuenda nchaa ñayiu. Te ya kuu Mesías kuu-gá ya io kide ndaa, te kuu-ga dutu io kunuu, te meega kachi-ga sa kuu-ga datna ɨɨⁿ tahu sa io vaha sa kuuxi Ya Ndioxi. Te ya kuu Mesías kuu-ga ya kɨhɨ ndaha ñaha xii ñayiu, te dɨu-ga kada ndaa-ga kuechi nchaa ñayiu.

Te ya kuu Mesías io kunuu-ga taxi tnuni-ga datna ni taxi tuuní ndii Davii ndee sanaha. Te kunuu-ga taxi tnuni-ga nɨ hii ñuyiu nɨ kaa nɨ kɨhɨⁿ. Te yaaⁿ kada ndaa-ga nchaa kuechi ñayiu nakuaa nduu kuechi-yu, te meega kahaⁿ-ga nasa kunduu kuenda-yu.

Te nchaa kue tee ni xoo kahaⁿ tnuhu Ya Ndioxi nde sanaha io vai ni xoo kahaⁿ-guede kuenda ya kuu Mesías. Te Profeta Malaquías dihuaga kixi ɨɨⁿ tee io kene kava kahaⁿde tuuhu Ya Ndioxi, datnuni kixi ya kuu Mesías. Te Profeta Isaías ni kachi-de sa ya kuu Mesías kakude ñuyiua dakaku ñaha ɨɨⁿ xichi kuechi vitna ndeku ii vata kiniga-xi tee. Te Profeta Miqueas ni kachi-de sa ya kuu Mesías kaku-ga ñuu Belén.

Te tee Profeta Isaías ni kachi-de sa ya kuu Mesías kundeku-ga ñuu Galilea, te kuaha ñahaga tnuhu ndee ini xii nchaa ñayiu ndɨhu inixi, te kuñaha-ga xiiyu sa daka ku nihnu ñaha-ga xiiyu nuu yika kuechi-yu. Te ni kachi tuku te Isaías sa ya kuu Mesías kada tatna-ga nchaa ñayiu kuhu, ñayiu doho, kuenda nakaaⁿ doho-yu, ñayiu kuaa, nakaaⁿ nuu-yu kundehe-yu.

Te tnaha ni kachi tuku te Profeta Isaías sa koo ñayiu kuu uhu ini ñaha xii ya kuu Mesías, te dakee tɨhu ñaha-yu diko a na kuu aⁿ na xiaⁿ kuu uhu iní ñaha-yu xiiga. Te dava-ga Profeta kaha tnuhu Ya Ndioxi ni kachi-guede sa kue tee kahni ñaha xii ya kuu Mesías dadɨkɨ-guede ndɨhɨ dihuⁿ kuenda kutnuni ndedakaa-guede kuu kuendaguede dóó-ga, te ni kachi tuku tee kahaⁿ tnuhu-ga sa dɨuni ɨɨⁿ tee xika kuu ndɨhɨⁿ-ga kuaha kuenda ñaha-de xiiga nuu kue tee kuu uhn ini ñaha xiiga. Te tee Profeta Zacarías ni xoo kaha tnuhu Ya Ndioxi nde sanaha ni kachi-de sa dɨuni ɨɨⁿ tee tnaha tnuhu ndɨhɨ ya kuu Mesías kuha kuenda ñaha-de nuu kue tee kuu uhu ini ñaha xii ga, sa oro uxi dihuⁿ kuixi, te kuaha kuenda ñaha-de xiiga nuu-guede.

Te ni kachi tuku kue tee ni xoo kahaⁿ tnuhu Ya Ndioxi ndee sanaha ni kahaⁿ-guede nakuaa kahni-guede ya kuu Mesías. Te Profeta Isaías ni kachi-de sa kuyichi ini-guede ya kuu Mesías te tɨu dɨɨ ñaha-guede xiiga, te kani ñaha-guede xii-ga chi io kuu uhu ini ñaha-guede. Te kúúxi-guede ɨɨⁿ puya yɨhɨ kaa nuuxi yɨkɨ naha-ga, te io ndoho-ga te kuu-ga, te kuei kuu-ga ɨɨⁿ ya ña tuu tnahi kuechixi diko dukaⁿ kada ñaha kue tee kuíhna ínixi. Te kue tee ni xoo kahaⁿ tnuhu Ya Ndioxi ndee sanaha, ni kachiguéde sa ya kuu Mesías ña tuu tnahí kuechi-ga, chi kuuga ya kide ndaa kuɨtɨ. Te dukaⁿ ndoho-ga te kuu-ga diko sa kuechi nchaa ñayiu ñuyiu. Te sa dukaⁿ na ndoho-ga te io uii io vaha kuu ini ñayiu na tuha ñaha xiiga. Te dukaⁿ kadaxi chi dukaⁿ ni kachi Ya Ndioxi kunduu sa io ndoho ya kuu Mesías.

Te tna ni kachi kue tee ni xoo kahaⁿ tnuhu Ya Ndioxi ndee sanaha sa ya kuu Mesías kuu-ga, diko Ya Ndioxi dandoto ñaha-ga tnuu nchaa ñayiu ni xihi. Te sa dukaⁿ kuú ya kuu Mesías, te ndoto-ga, xiaⁿ kee ndaaxi nakuaa ni sani ini Ya Ndioxi ka da-ga, te ka ku nihnu ñayiu nuu yika kuechi-yu va kɨhɨⁿ-ga-ya nuu uhu nuu udahu, te sata dukaⁿ te nguita Ya Ndioxi kada ndaa-ga ndɨhɨ ñayiu nakuaa sani ini-ga.

Nchaa kue tee ni xoo kahaⁿ tnuhu Ya Ndioxi nde sanaha ni kahaⁿ-gue-de kuenda ya kuu Mesías sa saa nduu ku-ga te ntoto-ga kuenda duka ndaku kaku nihnu ñayiu ñuyiu. Te ñayiuaa kuyu ñayiu ñuv-ga.

Ya Ndioxi ío tɨtɨ sa ni dateku tnuhu-ga nchaa kue tee ni xoo kahaⁿ tnuhu-ga nde sanaha kuenda ya kuu Mesías. Diko ya kuu Mesías ña tuu ni kexio-ga kutnaha ndekuga kue tee dukaⁿ ni nihi tnuhu-a chi ni kuu vihiga 400 siendu kuía sa dukaⁿ ni teku tnuhu-guede te datnuni Ya Ndioxi ni tendahaga ya kuu Mesías ni kixi-ga ñuyiuaⁿ. Tnuhuaⁿ kuuxi nuu ndɨhɨ sa ni kachi Ya Ndioxi kada-ga, te ni kide-ga te ni kee ndaaxi, chi ni saa nduu ni kide-ga, te ni kide-ga nduu tauxi kada-ga.

Génesis 3:15; 12:1-3; Deut. 18:15; 2 Samuel 7; Jeremías 31; Isaías 59:16; Daniel 7; Malaquías 4:5; Isaías 59:16; Daniel 7; Malaquías 4: 5; Isaías 7:14; Miqueas 5: 2; Isaías 9: 1-7; 35: 3-5; 61; 53; Salmo 22:18; 35:19; 69: 4; 41: 9; Zacarías 11: 12-13; Isaías 50: 6; Salmo 16: 10-11