16. Kuetee ni chindee ñaha ya Ndioxi ni tau nihnu-guede ñayiu Israel.

Te ni saa ndau ni xihi teé Josué, te kue ñayiu Israel ni nduu saa ini-yu nuu ya Ndioxi, ña tun-ga ni kuini-yu kanchikuⁿ nihnu-yu chaa tnuhu ni kahaⁿ ya Ndioxi. Te kue ñayiu Israel na tuu-ga ni keñuhu-yu ñayiu cananeu ñuu-yu. Te ni nguita-yu ni kide kahnu-yu nchaa sa kachi-yu ñayiu cananeu kuu ndioxi-yu. Te ni daña-yu sa kide kahnu-yu ya Ndioxi, ya kuu Ndioxi ndisa. Te kue ñayiu Israel ña tuuga tee yɨhɨ ndaha ñaha xiiyu kahaⁿ-de doho-yu, te ni xoo kodana-yu nakuaa vexi ini meeyu.

Te dukaⁿ ni kide-yu chi ni daña-yu sa sandaa ini-yu ya Ndioxi. Te ya Ndioxi ni daña ñaha-ga xiiyu, te io ni ndoho-yu, chi nchaa ñayiu ña tuu kuu kini ñaha xiiyu ni kunuu-yu te ni dakee tɨhu ñaha-yu. Te nchaa ñayiu kuu uhu ini ñaha xii ñayiu Israel ni xoo duhu-yu nchaa sa ndeku ndɨhɨ-yu, te ni dandɨhɨ-yu nchaa sa kuu kuenda-yu, te io vai ñayiu Israel ni sahni-yu. Te ni xika kuehe kuehe kuia sa dukaⁿ ni daña-yu ña tuuga ni kuini-yu kɨndaa ini-yu ya Ndioxi, te io ni xoo dandoho ñaha kue ñayiu dukaⁿ ni xoo kuu uhu ini ñaha xiiyu. Te sata dukaⁿ te ñayiu Israel ni Ndioxi kuechi ini-yu sa ña tuu kide vaha-yu nuu ya Ndioxi, te ni kahaⁿ ndahu-yu nuu-ga sa na daku nihnu ñaha-ga xiiyu nuu kue ñayiu kuu uhu ini ñaha.

Te ya Ndioxi ni te doho-ga tnuhu ni kahaⁿ-yu nuu-ga, nuu ni taxi ndeku-ga ɨɨⁿ tee chindee tnuhu ñaha xiiyu kaku nihnu-yu nuu ñayiu kuu uhu ini ñaha, te dukaⁿ te kuvaha ini-yu kundeku-yu. Diko ña tuu vai nduu sa dukaⁿ ni kahaⁿ ndɨhɨ-yu ya Ndioxi te ni nukuitani tuku-yu ni ki de kahnu-yu nchaa sa ni ka duha tee ñuyiu donani-yu Ndioxi te ña dɨu Ndioxi kuu-xi. Te ya Ndioxi ni daña ñahaⁿ-ga xixu xia nu ni danaña-hu ncha madianita, kue ñayiu ku huhuⁿ ini ñaha ndeku yatni ndɨhɨ yu xiaⁿ, te kue ñayiu Israel ñatuu ni ndaku-yu huu ñayina.

Te kue ñayiu madianita ni xoo duhu-yu nchaa sa ni xoo kutu-yu nayiu Israel te usa kuia duka ni duhu ñaha ñayiu madianita xii yu te kue ñayiu Israel io ni xoo yuhu-yu nuu ñayiu madianita te ni xoo kɨhɨ vaha-yu xɨtɨ yau kuenda va nanihi ñaha nayiu madianita te sata dukaⁿ te ni ndaka ini-yu ya Ndioxi, te ni kahaⁿ ndahu-yu nun-ga sa na dakaku nihnu ñaha-ga xiiyu nuu ñayiu madianita.

Te ɨɨⁿ nduu ɨɨⁿ tee Israel nanide Gedeón da quee dɨɨⁿ-de nchaa sa ni xitu ñayiu Israel kuenda sa va duhu ñayiu madianita. Te nu kide chiuⁿ-de ni kexio ɨɨⁿ espiritu xinu kuechi nuu ya Ndioxi te ni xahaⁿ-xi xiide: "ya Ndioxi ndeku ndɨhɨ ñaha-ga xiin chi ña tuu daña ndee-n-ga te yɨɨ ini-n, vitnate kɨhɨⁿ-n chi dakaku hihnu-n ñayiu Israel nuu ñayiu madianita" duha ni xahaⁿ espiritu-a xii te Gedeón.

Diko tátá te Gedeón ndeku ndɨhɨ-de ɨɨⁿ xito líhli nuu kandodo sa ni kaduha te ñuyiu kachi-yu kuu ndioxi, ki de kahnu-de. Te ya Ndioxi ni xahaⁿ-ga xii teé Gedeón sa kɨhɨⁿ-de dan dua-de xito tihli nuu kandodo sa kuu Ndioxi tata-de. Diko teé Gedeón ni yuhu-de ñayiu sandaa ini nchaa sa kachi-yu kuu ndioxi-aⁿ. Nuu ni xindetu-de ndee ni kɨndɨkɨⁿ, te ni sahaⁿ-de ni dandua-de xito nuu kandodo ndioxi tata-de te ni da kochi-de. Te yatnini nuu ni xindeku xito ni kandodo sa kachi-yu kuu ndioxi yua te Gedeón ni ka duha-de ɨɨⁿ huu danani-yu nuu naa-nuu kada kahnu-yu ya Ndioxi, te xia* ni sañaⁿ ha-de xi ya Ndioxi sa nduu tahu-ga ni kide kahnu ñaha-de xiiga.

Te nduu tnee neheni kue ñayiu ni kide kuenda-yu sa ña tuuga xito nuu ndeku ndioxi-yu sa chihi ñuhu-yu te ni xitnaha-yu yo ni sahaⁿ ni dandua, te ni dakachi. Te io ni kudeeⁿ-yu, te ni nihi-yu tnuhu tee dukaⁿ ni kide. Te ni sahaⁿ-yu nda ichi vehe te Gedeón kuenda kahni ñaha-yu xiide ni kuu diko tata te Gedeón ni xahaⁿ-de xiiyu: "¿Na kuenda kuini-ndo kuu ndɨhɨ-ndo ndioxi-ndo? te nuu ndisa sa ndioxi kuu-xi te chi daña na kotoxi meexi". Te sa dukaⁿ ni xahaⁿ tata te Gedeón xiiyu, xiaⁿ ñatuu ni sahni-yu te Gedeón.

Te dukaⁿ te ni nguitani tuku nayiu madianita duhu-yu nchaa sa xitu ñayiu Israel. Te kue ñayiu madianita chi io kuche-yu ni va yoo ndaku kahu ñaha xiiyu. Te teé Gedeón ni nadatakade ñayiu Israel kuenda naayu ndɨhɨ kue ñayiu madianita. Te teé Gedeón ni xikaⁿ de nuu ya Ndioxi sa na kada-ga uu nuu sa kada-ga kuenda kutnuni ndaa ini-de sa chindee ñaha-ga xiide dakakude ñayiu Israel nuu ñayiu madianita.

Te sa dihna teé Gedeón ni xahaⁿ-de xii ya Ndioxi sa kakaⁿ-de ɨɨⁿ doo yadi nuu ñuhu, te kuini-de sa va na ngoyo yuy datnee diko meeni nuuⁿ doo-aⁿ na ngoyo, te va ngoyo nuu ñuhu, te ya Ndioxi ni kide-ga sa ni xikaⁿ-de nuu-ga kada-ga. Te sa kuu uu ni kikaⁿ-de nuu-ga kada-ga kuuxi sa ɨnga ninaⁿ na tundaa, te na kunduu vide nuu ñuhu, te doo-a na kunduu yichi, te ya Ndioxi ni kide-ga sa ni xikaⁿ-de nuu-ga kada-ga te nuu ndɨ nduu sa ni xikaⁿ teé Gedeón nuu ya Ndioxi ni kide-ga, xiaⁿ ni kutnuni ndaa ini-de sa chi ndee ñaha-ga xii de dakaku-de ñayiu Israel nuu ñayiu madianita.

Oko uxuu mil sandada israelita ni taka nuu ndeku teé Gedeón, diko ya Ndioxi ni kachi-ga sa ni xido kuehe-guede. Nuu teé Gedeón ni na tendaha-de oko uu mil-guede kuanuhu-guede vehe-guede, chi kue tee-aⁿ yuhu-guede naa-guede naa-guede ndɨhɨ kue tee madianita. Diko ya Ndioxi ni xahaⁿ-ga xii teé Gedeón, io vai sandada ndeku ndɨhɨ-n, tete Gedeón ni na tendaha-de nchaana-guede kuanuhu-gue vehe-guede, te ni kendoo uni siendu duhana-guede.

Te nin-aⁿ ni xahaⁿ ya Ndioxi xii teé Gedeón: "kuahaⁿ nuu xideku ku tee madianita, te yakaⁿ kunde doho-n nakuaa ndua tnuhu kahaⁿ-guede, te ore na kunde doho-n tnuhu kahaⁿ-guete, te va yuhuga-ni". Te ninaⁿ ni sahaⁿ te Gedeón nuu xindeku sanda madianita, te ni teku doho teé Gedeón kahaⁿ ɨɨⁿ sanda duaⁿ kani-de kuendu nuu ɨɨⁿ tee tnaha tnuhu ndɨhɨ-de nakuaa ni kahaⁿ sani-de. Te tee kahaⁿ ndɨhɨ-de ni xahaⁿ-de: "Na kuaa ni kahaⁿ sani-n kee xi sa kue sandadu madianita va ndaku-guede naa-guede ndɨhɨ kue sandada teé Gedeón, chi kuita-guede. Te ore ni teku doho teé Gedeón nakuaa ndatnuhu kue tee madianita te ni kachido sa io kahnu kuu ya Ndioxi"

Te dukaⁿ te kuanuhu-de nuu xindeku kue sandadu-de, te ni dakahñu ñaha-de ɨɨⁿ kaa kutu xiguede, te ɨɨⁿ kaa kɨdɨ ñahu, te ɨɨⁿ kaa ɨtɨ sa kutnuni nuu-guede. te niu-aⁿ ni xika-guede kuahaⁿ-guede ni chihi doho-guede nuu xindeku kue sandada madianita, te ni ei ore xi xidi-gue ni chihi duko ñaha-guede. Te teé Gedeón ndɨhɨ-de uni siendu sandadu, te ndeñuhu itɨ-guede ni chihi-guede xɨtɨ kɨdɨñuhu nehe-guede kuenda sa va kini kue tee madianita ñuhu-guede.

Te orea kue sandada teé Gedeón uuⁿ ni ni ta hu-guede chaa-guede kɨdɨ nehe-guede, te meena itɨ nchikuⁿ ñuhu ni natuu dayehexi, te ni dakahaⁿ-guede kutu-ne he-guede, te ni kana saa-guede, te ni kachi-guede: "ɨɨⁿ yu chi kuenda ya Ndioxi te ɨɨⁿ yuchi kuenda teé Gedeón".

TE ya Ndioxi ni kide-ga ni dana-gue sa ni kide-guede, chi da ndɨ meeguede ni naa-guede te ni sahni tnaha-guede. Te ndɨhɨni ni daketu tnuhu tnaha ñayiu Israel nuu nchaa kue tee ndeku vehexi ni xika-guede kuahaⁿ-de nuu xi naa-gue-de kuenda chindee tnaha-guede naa-guede ndɨhɨ kue tee madianita. Te vai ñayiu madianita ni xihi nuu ni naa-guede. Te dava-ga ñayiu ni kaku ñatuu ni xihi ndaku kue tee Israel ni keñuhu ñaha-guede, nuu kuu kuenda-guede. ɨɨⁿ siendu oko mil ñayiu madianita ni xihi ɨɨⁿ ni duu. Te ya Ndioxi ni dakaku-ga ñayiu Israel.

Te kue ñayiu Israel ni kuini-yu sa teé Gedeón kunuu-de kɨhɨ ndaha naha-de xiiyu. Dike teé Gedeón na tuu ni kuini-de sa dukaⁿ kada-yu. Te ni kikaⁿ-de nuu-yu ɨɨⁿ uu dehe dihuⁿ kuaaⁿ sa xinehe ña yiu madianita ni kuu te ni keheⁿ-yu ni kuu kuenda-yu. Te kue ñayiu Israel ni saha-yu teé Gedeón kuehe vihi dihuⁿ kuaaⁿ.

Teé Gedeón ni kaduha-de ɨɨⁿ sa kanehe chiuⁿ, te io vii te io vaha ni kaduha-de, datna kaa sa kanehe chiuⁿ dutu kunuu. Diko kue ñayiu Israel sata ni xinu sa ni kaduha teé Gedeón, te da xiaⁿ ni ngüita-yu kide kahnu-yu, ni kide-yu datna ɨɨⁿ ndioxi. Te sa dukaⁿ ni kide-ñayiu Israel nuu ya Ndioxi ni dandoho ñahua tuku-ga xiiyu, chi ni daña ñaha-ga xii yu, te ña tuuga ni ndakuyu naa yu ndɨhɨ kue ñayiu kuu uhu iñi ñaha. Te sata dukaⁿ te ni nandio kava tuku-yu ni kahaⁿ ndɨhɨ-yu ya Ndioxi, te ni taxi ndeku tu ku-ga ɨnga tee ni taunihnu ñaha xiiyu.

Te io tɨtnɨ xito dukaⁿ ni kide-yu, chi ni xoo kadayu sa ña tuu tan-yu kada-yu, te ya Ndioxi ni xoo dandoho ñaha-ga xiiyu, te ni ni xoo ndixi kuechi ini-yu saña tuu kide vahaha-yu, te ya Ndioxi ni xoo taxi ndeku-ga kue tee ni xoo dakaku ñaha xiiyu. Te vai kuia dukaⁿ ni kide ya Ndioxi ni tendaha-ga vai kue te ni dakaku ñaha xii ñayiu Israel nuu kue ñayiu ni kuu uhu ini ñaha xiiyu.

Te ni ni saa ndeu te kue ñayiu Israel ni xikaⁿ-yu nuu ya Ndioxi, sa na taxi ndeku-ga ɨɨⁿ tee kɨhɨ ndaha naha xiiyu, chi dukaⁿ ndeku kue tee yɨhɨ ndaha ñaha xii ñayiu davaga nacioⁿ te ni xahaⁿ ñayiu Israel xii ya Ndioxi sa kuini-yu ɨɨⁿ tee kɨhɨ ndaha ñaha xiiyu, te na kunduu dukuⁿde, te kuu nduu ndee-de kuenda ndaku-de kanu ichi ñaha-de xiiyu ore naa-yu ndɨhɨ kue ñayiu kuu uhu ini ñaha xiiyu. Diko ya Ndioxi ña tuu ni kuuaha ini-ga nakua kuini-yu kundau tee kɨhɨ ndaha ñaha xiiyu, diko ya Ndioxi vaha ini-ga chi day ni kide-ga nakua kuini-yu.

Jueces 1-3; 6-8