Ñuhu nuu ni ka chi ya Ndioxi kundeku ñayiu Israel

Te ni saa nduu ni kexio ñayiu Israel nuu kaa ñuhu nani Canaán nuu ni kachi ya Ndioxi kundeku-yu. Diko teé Josué dihnaga ni tendaha-de uu tnaha kue tee ni sahaⁿ ngoto ndodo dayuhu ñuu Canaán, ɨɨⁿ ñuu yɨhɨ ndehu Jericó, te ni xini-guede sa io vaha ñuhu dokoi. Te ñuuaⁿ ndeku ɨɨⁿ ñadɨhɨ ndeku ichi dɨɨ ini nani-xi Rahab, xichiaⁿ ni chihi vaha-xi kue tee ni sahaⁿ ngoto ndodo ñuu-aⁿ ndodo ñuu-aⁿ, te ni chindee ñahu-xi ni ndee-guede ñuuaⁿ, ña tuu na ni tnaha-guede. Te dukaⁿ ni kide xichiaⁿ chi ni sandaa ini-xi ya Ndioxi. Te kue teeaⁿ ni xahaⁿ-guede xiixi sa koto ñaha-guede xiixi ndɨhɨ kue ñani tnahua-xi ndun na kɨhu ñayiu Israel danaa-yu ñuu Jericó.

koto ñaha-guede xiixi ndɨhɨ kue ñani tnahua-xi ndun na kɨhu ñayiu Israel danaa-yu ñuu Jericó. Te kue ñayiu Israel ni kexio-yu yuhu yute Jordan, te yuteaⁿ yaha-yu te kɨhu-yu nuu kaa ñuhu ni kachi ya Ndioxi kundeku-yu. Diko ya Ndioxi ni xahaⁿ-ga xii teé Josué: "kuñaha kue dutu na kodo nuu-guede yaha yute". Te ore kuange-guede ndute yahu-guede yute, te ni ngu*ɨnɨ ndute ña tuu-ga ni xicaxi, dukaⁿ te ni yaha ñayia Israel yute Jordan ni kene-yu ndaa ɨnga xio.

Te sata ni yaha-yu yuteaⁿ-te ni xahaⁿ ya Ndioxi xii teé Josué nakua kada ñayiu Israel naa-yu ndɨhɨ kue ñayiu ñuu Jericó. Te nchaa-yu ni saudaa iniyu kadayu nakuaa ni xahaⁿ ya Ndioxi. Te nchaa kae tee, ndɨhɨ kue dutu ni chihi doko-guede ñuu Jericó iñu nduu.

Te nduu usa kue ñayiu Israel ni xiko nduu-yu ñuu Jericó esa xito dɨuni nduu-aⁿ. Te nuu ndɨhɨna xiko nduu-yu ñuu Jericó, te kue teé Israel ni kamasaa-guede. Te kue dutu ni tɨu-guede kute. Te sa dukaⁿ ni kide-guede ni kanasaa-guede te ni tɨu-guede kutu.

Te ni ndɨhɨ sa ñuhu doko ñuu Jericó ni nkoyo. Te kue ñayiu Israel, nchaa na kaa na io ñuu Jericó ni danaa-yu, te tnahani nchaa ñayiu ñuu-aⁿ ni danaa-yu, chi dukaⁿ ni xahaⁿ ya Ndioxi kada-yu. Diko xichi nani Rahab chi ña tuu ni sahni ñaha-yu, ni kaku-xi ndɨhɨ nchaa kue ñani tnaha-xi, te ni ndɨhu tnaha-yu kueɨ ñayiu Israel ɨɨⁿ na ni kuyu. Te kue ñayiu xindeku ñau Canaán ni nihi-yu tnuhu sa kue ñayiu Israel ni danaa-yu ñayiu ñuu Jericó, te ni yuhu-yu chi ni sani iniyu sa tnaha-yu kɨhɨ ñayiu Israel danaa ñaha-yu.

Te ya Ndioxi ni xahaⁿ-ga xii kue ñayia Israel sa ña tua na tuuhu ndatnuhu-yu sa kuudeku vaha-yu ndɨhɨni ɨɨⁿ xichi ñayiu ñuu Canaán. Diko ɨɨⁿ xichi kue ñayiu ñuu Canaán nani Gabaonita ni dandahu-yu teé Josué ore ni xikaⁿ tnuhu-do nuu-yu ndee ñayiu kuu-yu, chi ni xahaⁿ-yu xiide sa ñadɨu nayiu Canaan kuu-yu dii xika kaa ñuu-yu. Te ni xahaⁿ-yu xii teé Josué sa nda tnuhu vaha-yu kuenda sa ña tuu naa kuu kundeku-yu. Diko teé Josué ndɨhɨ kue ñayiu Israel ña tuu nindaku tnuhu-yu nuu ya Ndioxi ndee meei kuu ñuu ñayiu gabaonita. Te dukaⁿ te teé Josué ni saha-de tnuhu ni ndatnuhu-de ndɨhɨ ñayiu gabaonita sa kundeku vaha-yu ndɨhɨ kue ñayiu Israel.

Diko kue ñayiu Israel ni kudeeⁿ-yu sa dukaⁿ ni dandahu ñaha ñayiu gabaonita, te kuei ni kudeeⁿ-yu diko ni ndatnuhu-yu sa kundeku vaha ndɨhɨ maha-yu, chi dukaⁿ ni kachi ya Ndioxi kada-yu. Te ni xika nduu te kue tee kunuu yɨhɨ ndaha ñaha ɨnga xichi ñayiu ñuu Canaán, nani amorrea, kue teé-aⁿ ni nihi-guede tnuhu sa kue ñayiu gabaonita ni ndatnuhu-yu ndɨhɨ kue ñayiu Israel sa kundeku vaha ndɨhɨ tnaha-yu. Te kue ñayiu amorreu ni na dakata tnaha-yu ni kuu vai-yu, te ni xika-yu kuaha-yu ni naa-yu ndɨhɨ kue ñayiu Gabaón. Te kue ñayiu gabaonita ni tendaha-yu tnuhu kuanaⁿ nuu teé Josué xikaⁿ-yu sa nuu va kuudee ini-de chindee ñaha-de naa-yu ndɨhɨ ñayiu amorreu chi ña ndaku-yu.

Te teé Josué ni na danihi tnahade kuu te Israel, te ni xuhuⁿ-guede ichi niu kuaha-gue-de nuu xindeku kue nayiu gabaonita xindeku kue ñayiu gabaonita. Te kanee dukaⁿ-ga-ni sahaⁿ-guede ni naa-guede ndɨhɨ kue ñayin amorreu.

Te ya Ndioxi ni chindee ñaha-ga xiiguede nduua. Te ya Ndioxi ni kide-ga, sa va kutnuni kue teé amorreu te ni dakuuⁿ-ga ñɨñɨ nahnu te io vai ñayiu amorreu ni xihi ni sahni ñaha ñɨñɨ.

Te ya Ndioxi ni kide-ga ni nguɨnɨ nchika-nchii, nde ni-ndɨhɨ kue ñayiu amorreu ni danaa nayiu Israel chi mee ya Ndioxi kide-ga sa duka ni ndaku-yu ni danaa-yu nayiu ñuu-aⁿ.

Te sata dukaⁿ ni kuu ni xitu kue ñayiu amorreu te ni nda nchita tɨtnɨga xichi ñayin cananeu, ni nanihi tnaha-yu kuenda kɨhɨⁿ-yu naa-yu ndɨhɨ kue ñayiu Israel. Diko teé Josué ndɨhɨ ñayiu Israel ni ndaku-yu ni naayu ndɨhɨ kue nayin Cananeu, te ni ndɨhɨ-yu ñi sahni kue ñayiu Israel.

Te sata ni yaha ni naa-yu, te ya Ndioxi ni da kahñu-ga ɨɨⁿ ɨɨⁿ xichi ñayiu Israel ñuhu kuu kuenda-yu ñuhu sa ni kachi-ga kuu kuenda-yu. Dukaⁿ te kuenda sa kuvaha ini-yu kuudekuyu nuu ni ngoo-yuaⁿ, te ya Ndioxi ni kide-ga sa ña tuu na kuu nɨ kaa xiko nuu ni ngundeku-yu-aⁿ.

Te ni saa nduu ni sahnu teé Josué te ni xahaⁿ-de xii kue ñayiu Israel ni nataka-yu. Te ni dandaku ini ñaha-de xiiyu nakua kada-yu kundeku-yu sa io kindaa ini-yu ya Ndioxi, va na kuaaⁿ naaⁿ-yu nchaa sa vaha ni kide ñaha-ga xiiyu kutnaha ni xindeku-yu yuku Sinaí. Nchaa nchoho ñayiu ni ni sani ndaa inixi sa va daña ndeendo kundeku-ndo ndɨhɨ ya Ndioxi, te kanchi nihnunindo ncha ndudu sa sanu ichi ñaha xiindo, te chi kada. Va daña ndeendo kada-ndo.

Josué 1-24