Ndɨ uxi tnuhu ndoho

Te Moisés ndɨhɨ ñani-de the Aaron ni sahaⁿ-guede ni kahaⁿ ndɨhɨ-guede the faraón, te nixahaⁿ-guede. "Duha kahaⁿ ndioxi ñayiu Israel, te kachi-ga"; sadaña-nna kee ñayiu Israel ñuu-n, duha kachi-ga. Diko te faraón ña tuu no tedoho-de tnuhu nixahaⁿ te Moisés ndɨhɨñani-de. Te sa dukaⁿ nixahaⁿ-guede xii the faraón te uuⁿ-ga ni dakada chiuⁿ ñaha-de xiiyu.

Te ña ni dañade kee-yu ñuu-de. Te ya Ndioxi ni tendaha-ga uxi tnuhu ndoho sa kuuxi ñayin Egiptu, te dukaⁿ ni kide ya Ndioxi kuenda kutnu ini te faraón sa meega io kahnu kuu-ga te ndaku-ga kide-ga nchaa sakuini-ga kada-ga, te ñadɨu te faraón, the ni nchaa ndioxi ndeku ñuun-de ñatuu na nindakuxi kadaxi.

Te ya Ndioxi ni ndadaga nɨñɨ ndute yute Nilo, te ña tuu ni ni daña te faraón kee ñayin Israel ñuu-de.

Ni tendaha tuku ya Ndioxi lahva nɨhii nacioⁿ Egiptu, te tee faraón ni kahaⁿ ndahu-de huu te Moisés sa ha xokani-de nchaa lahva, te dukaⁿ nikide te Moisés ninaa nchaa kɨtɨaⁿ. Diko te faraón ni ndudíí ni tuku ini-de, ña tuu ni daña-de kee ñáyiu Israel ñuu-de.

Dukaⁿ te ya Ndioxi ni tendaha-ga kuehe vihí chukuⁿ lihli, ndɨhɨ chukuⁿ nahnu ñuun Egiptu. Te tee faraón ni kana-de te Moisés ndɨhɨ te Aaron, te ni xahaⁿ-de xiiguede sa ha danaa-de nchaa chukuⁿ. Te tee Moisés ni kahaⁿ ndɨhɨ-de ya Ndioxi, te ní xokuɨñɨ nchaa chukuⁿ-aⁿ diko te faraón ni nduu díini tuku iní-de te ña tuu ni daña tuku-de kee ñayin Israel Egiptu.

Te ya Ndioxi ni kide-ga sa nchaa kɨtɨ ìó yuku kuu kuenda ñayiu Egiptu ni tuɨɨ ñaha kuehe xi gue-dɨ te, te ni xihi-guedɨ. Diko ni nduu diini tuku ini-de te ñá ni daña tuku-de kee ñayiu Israel.

Te yá Ndioxi ni xahaⁿ-ga xiite Moisés sa kute huu-de yaa nuú tachí huu ndeku tee faraón, te nchaa nayiu Egiptu ni kene-ya ndɨhyɨ tehyu, diko ñayiu Israel chí ña tuuni kene-yu. Te ow Ndioxi ní kídé-gá ní nduu dii ìnì te faraón, te ná ní daña-de kee ñayiu Israel.

Te yá Ndioxi ni kide-gá ní kuuⁿ ñɨñɨ ní danaaxi vai nchaa sani*xitu ñayiu Egiptu, te tnaha ni sahnixi chaa ñayiu ñatuu youɨhɨ xɨtɨ vehéxi. Te faraón ní Kanade te Moisés ndɨhɨ te Aarón te ní xahaⁿ-de xiguede: "yuhu io vai kuechi-i. Te vitna te chi takee kuáháⁿ". Te tee Moisés ni kahaⁿ ndɨhɨ-de ya Ndioxi, te ní ngu inɨ ñ±ñɨ, ha tuuga ni kuuⁿ.

Diko te faraón ní kidení tuku-de sa ñatuu tau-de kada-de, ní nduu diini tuku ini-de. Ña tuu ní daña tuku-de kee ñayiu Israel.

Te yá Ndioxi ni daki xi-ga kuehe vihitɨka nchama nacioⁿ Egiptu. Te ndeaa sa hí xitu nayiu Egiptu sa nì kaku ña tuu ni ndɨhɨ danaa ñɨñɨ, nchaa ni dandɨhɨ tɨka nchama-ha ni xexi-guedɨ.

Dukaⁿte ya Ndioxi ni kide-ga ni kunee meeni nuu xindeku ñayiu Egiptu, uni nduu ni xindauu nee. Te ña ni kutnuniga huu-yu kee-yu vehe-yu. Diko nuu ndeku kue ñayiu Israel chi ñatuu ni xinduu nee.

Te kuei ni kuu ɨɨⁿ nuu tnuhu ndoho sa dandoho xi te faraón ndɨhɨ kue ñayiu yɨhɨ ndaha-de te ni dukaⁿ ñatuu kuini-de daña-de kee ñayiu Israel. Te sa dukaⁿ ñatuu kuinite faraón tedoho-de tnuhu kahaⁿ ya Ndioxi nuu ni tendaha-ga ɨɨⁿ diina tnuhu ndoho sa dandoho ñahaxi xiide ndɨhɨ ñayiu ñuu-de, te tnuhu ndoho-aⁿ kadaxi ndixi tuu ini-de te na dama sa xini tuu ni-de.

Éxodo 5-10