Ya Ndioxi ni ndatnuhu ndaa-ga ndɨhɨ te Davii nakua kada-ga sa kuuxi-de huu kuahaⁿ nuu vexi.

Dihna nuuga teé Saúl ni kunuu-de ni xɨhɨ ndaha-de kue ñayiu Israel, te teaⁿ io vii yuaha ni xindu-de, te dukuⁿde te kue ñayiu Isreal ni kuini-yu sa dukaⁿ kunduu tee kɨhɨ ndaha ñaha xiiyu. Te ɨɨⁿ uukuia dihna-de io vaha ni kide-de ni xɨhɨ ndaha-de ñayiu Israel chi ni sandaa ini-de ya Ndioxi. Diko sata ni xika kuia te ña tuuga ni kide vaha-de chi ña tuuga ni sadaa ini-de ya Ndioxi. Te sa dukaⁿ ña tuuga ni kide ndaade nuu ya Ndioxi ni nanduku-ga ɨnga tee da maga inixi ni nuu kuɨñɨ-de nuu te Saúl.

Te ya Ndioxi ni nanduku nihnu-ga ɨɨⁿ tee kuechi, tee Israel nani-de Davii tueaⁿ taxi tnuni-de kɨhɨ ndaha-de kue ñayiu Israel. Teé Davii kuu-de tee ñuu nani Belen te kuu-de toli xito-de mbee tata-de te ñuhu-de yuku ndɨhɨ mbee-de te ni sahni-de ndɨkaha-aⁿ, teni kee tuku ɨɨⁿ oso sahni-dɨ mbee-de te ni sahni-de osoaⁿ. Te Davii ni kuu-de ɨɨⁿ tee ndahu inixi, ña tuu ni xoo kada ninu-de meede, te ni kuu-de ɨɨⁿ tee kide ndaa, te io ni xoo kɨndaa ini-de ya Ndioxi.

Te ni saa nduu ni kuu-de ɨɨⁿ sandadu kunuu. Te teé Davii kutnaha kuu kuechide ni naa-de ndɨhɨ ɨɨⁿ tee kahnu dukuⁿ nani Goliat. Teé Goliat ni dakuaha-de kuu-de sandadu, te ni kuu-de ɨɨⁿ tee io ndee, te ni xinduu dukuⁿ-de uni metru: Diko ya Ndioxi ni chindee-ga te Davii ni sahni-de teé Goliat, ni dakaku-de kue ñayiu Israel nuu ñayiu kuu uhu ini ñaha xiiyu. Te sata dukaⁿ te io vai xito ni ndaku te Davii ni naa-de ndɨhɨ kue ñayiu kuu uhu ini ñaha xii nayiu Israel te kue ñayiu Israel ni kide ninu ñaha-yu xiide.

Te teé Saúl ni kuu kuendu ini-de sa dukaⁿ io ni kuu ini ñaha ñayiu xiite Davii. Te tɨtnɨ xito ni kuini te Saúl kahnide te Davii, diko ni xoo ngɨvaha-de nuu teé Saúl. Te ɨɨⁿ duu teé Saúl nanduku-de teé Davii kuenda kahni ñaha-de. Te ni sahaⁿ-de ni kɨhu-de ɨɨⁿ yau nuu sakɨhɨ vava tnahi-te Davii, te xɨtɨ yau-aⁿ yɨhɨ vaha teé Davii, diko teé Saúl ña tuu ni xini ñaha-de, yatni viina nuu te Saúl ni xindeku teé Davii, te xiaⁿ kahni-ñaha-de nuu sa kuu diko ña tuu ni kide-de. Te da mee te Davii ni xehnde-de luha yuhu doo teé Saul kuuxi datna ɨɨⁿ tuni sa kuuxi teé Saúl kuenda sa va kahni-de te Davii, dukaⁿ te saa-de kunuu-de kɨhɨ ndaha-de kue nayiu Israel.

Te ni saa nduu ni xihi teé Saúl nuu naade ndɨhɨ ñayiu kuu uhu ini ñaha xii ñayiu Israel. Dukaⁿ te teé Davii ni saa-de ni kunuu-de kɨhɨ ndaha-de ñayiu Israel, ni kuu-de ɨɨⁿ tee ni kide vaha, te nchaa ñayiu Israel io ni kuu ini ñaha-yu xiide. Te ya Ndioxi io ni xito ñaha-ga xiide, ña tuu nani xoo kumani xiide, te dɨu ya Ndioxi ni kide ña tuu tnahi ni kee tɨhu-de nuu nchaa sani xoo kada-de. Te io vai xito ni naa-de ndɨhɨ ñayiu kuu uhu ini ñaha xii ñayiu Israel, te nixoo ndaku de huu nayiu-aⁿ chi ya Ndioxi io ni chindee ñaha-ga xiide. Teé Davii ni ndaku-de ni nihi-de ñuu Jerusalen ni kuu ñuu-de ni taxi tuuni-de. Te nɨni ni kunuu teé Davii ni xɨhɨ ndaha-de ñayiu Israel te io ni nihi ndee-de, te ni kuu kuika-de.

Teé Davii ni kuini-de dakaa-de ɨɨⁿ vehe nuu kada kahnu ñayiu Israel ya Ndioxi, te xiaⁿ kaaha-yu xi ya Ndioxi sa nduu tahu-ga te ni kuu datna kumi siendu kuia sa ñayiu Israel kide kahnu-yu ya Ndioxi, te saha ñaha-yu sa nduu tahu-ga, te dɨuni vehe sa ni dakaa ndii Moisés, dɨuni xiaⁿ ni xoo kada kahnu-yu ya Ndioxi.

Te ya Ndioxi ni tendaha-ga te kahaⁿ tnuhu-ga nani Natán nehe-de tnuhu-ga kuahaⁿ nuu teé Davii te xahaⁿ-de: "yoho kuu-n ɨɨⁿ tee xini naa, xiaⁿ nuu va kuu dakaa-n vehe nuu kada kahnu ñaha ñayiu xii. Dehe-n teeaⁿ dakaa-de vehe-i. Diko yuhu io chindee naha-i ñatuu tnahi na kumani xiin. Diko ɨɨⁿ ñani tnahaⁿ kaku tuu nuu kuahaⁿ nuu vexi, tee-aⁿ taxi tnuni-de kɨhɨ ndaha-de nchaa kue ñayiu ñin-i nɨkaa nɨkɨhɨⁿ", daha ni xahaⁿ ya Ndioxi xii teé Natan ni xiide teé Davii. Te ñani tnaha ndii Davii tee taxi tnuni nɨ kaa nɨ kɨhɨⁿ nuu kuahaⁿ nuu vexi nani-de Mesías. Te teé Mesías kuu-de tee ni kachi mee ya Ndioxi taxi tnuni-de, teeaⁿ dakaku nihnu-de nchaa ñayiu xindeku ñuyiu nuu yika kuechi-yu.

Te sata ni teku doho teé Davii nakua nduu tnuhu ni kahaⁿ ya Ndioxi, te io ni kudɨɨ ini-de te ndɨhɨni ni, ndakaⁿ tahu-de nuu ya Ndioxi, te ni kide kahnu ñaha-de xiiga, chi io ni kide ninu ñaha-ga xiide teni kachi-ga sa io koto ñaha-ga te ña tuu tnahina kumani-xii de. Teé Davii ña tuu ku tnuni ikide na ama kada ya Ndioxi nchaa nakuaa ni kahaⁿ-ga. Diko kuenda nchaa sa ta kuu vexi, te ñayiu Israel kundetu-yu kuehe kuia te kexio teé Mesías, kudana te ku yaa kue diko uxi siendu kuia te kadaxi nakua ni kahaⁿ ya Ndioxi.

Te Davii ni taxi tnuni-de diko io vaha ndaa ni kide-de na tuu na ni ku mani-de nuu ñayiu ndɨ nchaa kuia ni kunuu-de, te ya Ndioxi io vaha ni kide ñaha-ga xiide. Diko teé David sa ni kuu sakuehe-de te ni kide-de sa ña tau-de kada de nuu ya Ndioxi.

Te ɨɨⁿ nduu nchaa kue sandadu-de ña tuu-guede ndeku vehe-guede chi kuahaⁿ-guede naa-guede ndɨhɨ kue tee ñatuu kuu kini ñaha xii kue ñayiu Israel. Te teé Davii ndeku-de vehe-de te ni ndakoto-de ndaa kehe vehe-de, te sa ñuhu-a ndaii luha ni xini-de ɨɨⁿ ñadɨhɨ xichi-xi, te io vii kaa-xi, te nani-xi Betsabé.

Te yɨɨ-xi nani-de Urías, te keude sandada te vaha xini-de naa-de, te ña tuu-ndeku-de chi kuahaⁿ-de nun naa-guede. Te teé Davii ni tahu chinⁿ-de ɨɨⁿ ñayiu ni sahaⁿ ngana ñaha xii ñadɨhɨ-aⁿ. Te ni kexio-xi nuu ndeku-de te ni kaa-de ndɨhɨ-xi, te dukaⁿ te ni na tendaha-de-xi kuanuhu-xo vehe-xi. Te ña tuu vai nduu nikuu sa ni kahaⁿ ndɨhɨde-xi, te ni tendaha-xi tnuhu kuahaⁿ nuu-de te xahaⁿ-xi sa ñuhu dehe-xi.

Te teé Davii ni na kana-de teé Urías yɨɨta Betsabé nuu ndeku-de naa-de, te ni xahaⁿ-de sa na kundekuna-de ndɨhɨ ña dɨhɨ-de. Diko teé Urías ña tuu ni kuini-de chi dava-ga kue sandada kuu ndɨhɨ-de ndekuu-gue-de naaguede ndɨhɨ kue tee kuu uhu ini ñaha. Dukaⁿ te teé Davii na tendaha-de teé Urías kuahaⁿ tuku-de naa-de, diko ni xahaⁿ-de xii tee kunuu nuu kue sandadu sa na tendaha-de teé Urías kɨhɨⁿ-de nuu xindeku kue tee naa ndɨhɨ-guede, kue tee kuihna-ga kuenda yakaⁿ kahni ñaha-guede xiide.

Te sata ni sahni-guede teé Urías te teé Davii ni nakeheⁿ-de ñadɨhɨ ndii Urías ta Betsabé ni tnandaha ndɨhɨ ñaha-de. Te ni saa nduu ni kaku dehe teé DAvii ndɨhɨ ta Betsabé. Te ya Ndioxi ña tuu tnahi ni kuvaha, ini-ga sa dukaⁿ ni kide teé Davii, te ni tendaha-ga tee kahaⁿ tnuhu-ga nani Natán ni sahaⁿ-de nixahaⁿ-de xii teé Davii sa io kahnu kuechi ni kide de nuu ya Ndioxi. Te sata dukaⁿ ni xahaⁿ teé Natán xii teé Davii, te io ni ndixi kuechi ini-de sa dukaⁿ ni kide-de, te ya Ndioxi ni kide kahnu ini-ñahaⁿ-ga xiide te dukaⁿ te teé Davii ni nu kuhuⁿ ichi-de, io ni sandaa ini-de ya Ndioxi ni xoo tnɨɨ-de nchaa tnuhu ni kahaⁿ-ga te kuei nandɨ sa ña tuu vaha ni xoo yaha-de diko natuu tnahiga ni daña ndee-de ya Ndioxi.

TE ya Ndioxi ni dand+hu-ga ini teé Davii, chi ni daña-ga ni xihi dehe dihna-de, te ñu tuu tnahi-ga ni xindeku vaha-de nd+h+ kue ñayiu vehe-de. Te kuei ña tuu suni ucha ni kuundaa-de nuu ya Ndioxi. Diko mee ya Ndioxi ehi ni kideni-ga nchaa sa vaha ni kaha^-ga kada-ga sa kuu xi-de. Te ni saa nduu ña tuuga ni kunuu te vavii, diko ni xoo +nga dehe-de nd+h+ ñad+h+-de, te teea^ ni danani ñaha-yu Salomón.

1 Samuel 10; 15-19; 24; 31; 2 Samuel 5; 7; 11-12.