Yá Ndiòxí xikaⁿ tahu-gá te Jacob kuenda kuuxí sá vǎha xiide.

Te tee Esau ndɨhɨ ñanide te Jacob. Ta sahnuguede kuahaⁿ. Te tee Jacob. Ni tnaha ini-de kendoo-de vehe kaduhade sa kaxi-yu, te tee Esau ni xoo tnaha ini-de kɨhɨⁿ-de yuku xikandee kahni-de kɨtɨ yuku. Ta Reveca io-gá ni kúú ini-xi dehe-xi te Jacob, te tee Isaac ni kúú ini-de te Esau.

Te ɨɨⁿ nduu ni nasaa te Esau vehe sa ni sahaⁿ-de yuku xikande, te xihi vihi-de doko, te ni xahaⁿde xii nani-de te Jacob: "Kahaⁿ ndahu-i nuu-n, nuu vaa kundee ini-u taxi-n luha sa ni kaduha-n kaxi-i chi xihi vihi doko." Kachi-de xahaⁿ de. Te ni xahaⁿ te Jacob xii te Esau: "Dihnaga taxi-n nchàa tahu-n chi tee dihna kuu-n." Duha ni xaha-de xii ñani.de. Te tee Esau ni saha.de nchàa tahude xii ñani.de te Jacob; te tee Jacob ni sahaⁿ-de ñani-de te Esau sa ni kaduha-de ni xexi-de.

Te Isaac ni kuinide kada ii-de dehe-de de Esau ni kúú, diko ta Reveca ndɨhɨ te Jacob ni sahaⁿ-yu ni dandahu-yu te Isaac, chi te Jacob ni kekuihnu-de doo te Esau, chi no taxindekude nɨɨ chiv ndèé idi kaha dukuⁿ-de, ndɨhɨ dukuⁿ ndaha-de.

Te tataguede te Isaac sa ni sahnu vihide, ñatuuga kutnuni nuu-de. Te te Jacob ni sahaⁿ-de nuu ndeku tata de te Isaac, te ni xahaⁿ-de: "Yuhu kuu-i te Esau, te vexi-i nuu-n kuenda kada li ñaha-n." Cachide xahaⁿ de xii tata-de. Dukanⁿ te tee Isaac ni tuɨɨ-de ndaha. Te Jacob ndɨhɨ dukuⁿ-de ni kutnuni ini-de sa ndee-de idi, te ni tnahni.de doo.de. Te tee Isaac ni sani inide sa dɨute Esau te ni kídé ii ñaha-de.

Te sa dukaⁿ ni kúú, te tee Esau ni kúú uhu ini-de te Jacob, kuenda sa ni daudahu-de tataguede ni duhu-de nchàa sa nduu tahu-de ni kúú. Te ni sa ni inide sa kahni.de ñanide te Jacob nayaha kúu tataguede te Isaac.

Diko ta Reveca ni kutuuni ini-xi sa de te Esau sani ini-de Kahnide ñani-de. Te ni ndatnuxi ndɨhɨ te Isaac, t ni xikuⁿ-yu te Jacob kuahaⁿ-de xika, nuu xindeku kue nani tnaha nana-de kundeku-de ndɨhɨ-yu.

Yaka ni xindeku te Jacob ndɨhɨ kue nani tnaha nana-de kuehe. Kuia, te yakaⁿ ni tnandaha-de te ni xoo uxuu dehe tee.de te ɨɨⁿ ñadɨhɨ. Te Yá Ndiòxí ìó ni xide vǎha ñaha-gá xiide.

Te ni kúú vihi-gá oko kuia sa ni keede vehe-de ñuu Canaan datnuni na kuikode kuañuhu-de, ndɨhɨ-de ñadɨhɨ-de, laudu-de, nchàa ñayiu xinu kuechi nuu-yu, ndɨhɨ nchàa mbee-de.

Diko kɨyuhu ini-de chi sani ini-de sa sanini ini te Esau kahni ñaha-de. Te Jacob ni tendaha-de kue tee xinu kuechi nuu-de ndekaguede vai mbee kuahaⁿ nduu tahu te Esau. Te ore ni kexio kue tee kuahaⁿ chiuⁿ-a nuu te Esau, te ni xahaⁿ-guede: "Te Jacob tee xinu kuechi nuu-n ni tendaha ñaha-de xiindɨ vexi-ndɨ, ndeka-ndɨ nchàa kɨtɨu vexi kuenda nduu tahu-n-guedɨ te va kuyaa-de te nasaa-de.

Diko te Esau ña tuuga na sani ini-de chi sa ni kídé kahnu inide sa ni kídé ñaha ñani-de, te ndɨ nduu-guede kudɨɨ iniguede nanihi tnaha-guede. Te ìó vǎha ni kúú ini te Jacob ni xindekude ñuu Canaan. Duka te ni saa nduu ni xihi te Isaac, te tee Jacob ndɨhɨ te Esau ni chiuduxi-guede tata-guede. Te nchàa tnúhu ni xahaⁿ Yá Ndiòxí xii ndii Abraham nakuua kadega nuu kuaha nuu vexi sa kúú xi nchàa nani tnaha ndii, chaa tnuhu-aⁿ ni nayahaxi nduu tahu te Jacob.

Tnúhu ndèé sanaha ndèé nuu tutu tnúhu Yá Ndiòxí Génesis 25:27 - 33:20