Ni ndee (ñayiu Israel nacioⁿ Egiptu)

Te io ni kudɨɨ ini ñayiu Israel sa ni ndee-yu nacioⁿ Egiptu. Ni xehende na ini-yu tnuhu xinu kuechi muñayiu Egiptu, te kuahaⁿ-ya kundeku-yu nuu ni kachi-ya Ndioxi nkundeku-yu. Te kue ñayiu Egiptu ni xoo kuaha-yu ñayiu Israel nchaa sa ni xoo kakaⁿ-yu nuu-yu, te ni xoo kuaha naha-yu dihuⁿ kuaaⁿ, dihuⁿ kuixi, te nandɨ davagasa yáhú ni xoo kakaⁿ-yu te ni xoo kuaha ñaha ñayin Egiptu. Te tnaha davaga ñayin ɨnga nacioⁿ ndeku nacioⁿ Egiptu ni sandaa ini-yu ya Ndioxi, te ni chihi tnaha-yu ñayiu Israel ni kee-yu Egiptu kuahaⁿ ndɨhɨ ñàhá-yu.

te ya Ndioxi ni tendaha-ga ɨɨⁿ viko yodo nuuxi nuu-yu kuahaⁿ danehe ñáhaxi i*chi kɨhɨⁿ-yu te nduu ni xoo kuxi kuandahu te niu ni xoo nduu-xii ñuhu dayehexi ichi kuahaⁿ-yu. Te ya Ndioxi ña tuu tnahi ni daña ñaha-ga xii yu kuhuⁿ meeyu ichi. Sa ni kideni-yu sa ña tuu ni daña-yu sa konchiku nihnu-yu ya Ndioxi.

Te nuu saku ni nduu sa ni ndee ñayiu Israel Egiptu, te ni ndixi kuechi ini-de sa dukaⁿ ni daña-de ni ndee ñayiu Israel, te ni xahuⁿ-de xii kue ñayiu ñuú-de sa ña tuu ni kide vaha-de ndɨhɨ-yu ni daña-yu ni ndee ñayiu Israel, chi ña tuuga ñayiu chindee ñaha xii yu nuu chiuⁿ-yu, te tee faraón ni kuini-de ndɨhɨ ñayiu ñuú-de sa nakuiko ñayiu Israel kunu kuechi tu ku-yu nuu-de ndɨhɨ ñayúu ñuu-de. Te tee faraón ío nixinduu ñɨɨ inide kuenda sa kini ñayiu sa io kunuu-de. Diko ya Ndioxi ioga kunuu-gá te kahnu kunn-ga, dakuuxi te faraón ndɨhɨ nchaa ndioxi-de.

Te tee faraón ndɨhɨ nchaa sandadu-de ndendaha-gue de kue ñayiu Israel kuahaⁿ kuenda nada kuiko ñaha-guide xiiyu nuhu-yu Egiptu kunu kuechi tuku-yu nuu-guede. Te ore ni xini kue ñayiu Israel kue sandadu te faraón to kuyatni ñaha-guede xiiyu, te xi xuku-yu yuhu la mar tɨkueche, te ni sani ini-yu sa ña tuuga ndee ichi kɨhɨⁿ-yu. Te io ni yuhu-yu te ni xitnaha-yu: "¿Na kuèndāni ndee-o Egiptu? ite vitna te iha kuu-o."

Te tee Moisés ni xahaⁿ-de xii ñayiu Israel: Va yuhu-ndo chi ya Ndioxi ndɨhɨ ñaha-ga xioo te dakaku ñihnu ñaha-go duka na te ya Ndioxi nixahaⁿ-ga xii tée Moisés kuñahaⁿ xii kue ñayiu sana dayatni-yu mar.

Dukaⁿ te ya Ndioxi ni na dama-ga xio ni na taxindeku-ga viko-godo nuu nuu-yu ni na taxi ndeku-ga nchita sata-yu kuenda-sa ua kini ñaha-ga tée faraón ndɨhɨ kue sandadu xii ñayiu Israel.

Te datnuni ni xahaⁿ ya Ndioxi xii te Moisés: Ndonehe tatnun te dakaa-u nuu ndute lamar kachi-ga xahaⁿ-ga xiide te ore dukna ni kide-de te ni kée ke daba ndute lamar ni kaaⁿ ichi te ya Ndioxi ni xahahaⁿ-ga xii tee Moisés: kuñaha xii ñayiu na yaha-yu ichi ni kaaⁿ xɨtɨ lamar tɨkuehe kachi-ga xahaⁿ-ga.

Te mee ya Ndioxi ni daxoo koo-ga ndute lamar texio, texio kuenda ni kaaⁿ ichi ñuhu yichi ni xaha kue ñayiu Israel.

Te ya Ndioxi ni ndada ninu-ga viko ore yaha ñayiu Israel ichi ñuhu yɨchi xɨtɨ lamar, te dukaⁿ ni kide-ga kuenda kini aha te faraón ndɨhɨ kue sandadu-de xii yu yaha-yu ichi nchi xɨtɨ lamar.

Te sa ni xini te faraón nchii ichi xɨtɨ lamar nuu ta yaha ñuyiu Israel te faraón tnahani-de ndɨhɨ sandadu-de kuangegue-de ichi xɨtɨ lamar nchi kuⁿ-guede ñayiu Israel kuahaⁿ. Te ta kudava-guede kuha-guede ichi xɨtɨ lamar, ove kue ñayiu Israel sa ni kene-yu ndee ɨnga xio yuhu lamar. Diko kue tee Egiptu ña tuu ni yaha vaha-guede, chi carru-guede ni ngɨtuuxi sa ndehyu, te ni kachi-gue-de sa ya Ndioxi tau nihnu-ga ñayiu Israel.

Te kue ñayiu Israel su ndeku-ya ndaa ɨnga xio yuhu lamar, te ya Ndioxi ni xahaⁿga xii te Moisés; sa dakaa-de ta tnu-de nuu ndute lamar te ore dukaⁿ ni kide-de te ni nanihi tnahani ndute, te xiaⁿ ni ni keendoo te faraón ndɨhɨ sandadu-de ni ndɨhɨ-guide ni kaha.

Te sa ni xini ñayiu Israel sa ni xihi kue tee Egiptu, te ni sanda ini-yu sa ya Ndioxi ío xito ñaha-ga, te du kuⁿ ni sandaa ini-yu sa te Moisés kuude ɨɨⁿ tee kahaⁿ-de nchaa na kuaa xahaⁿ ya Ndioxi xii de.

Te kue ñayiu Israel io ni kide kahnu-yu ya Ndioxi kuenda sa nidakaku ñaha-ga xii yu ña tuu ni xi hi-yu, te tnaha sa ni dakaku ñaha-ga xiiyu nuu io ni xoo ndoho-yu, te vitna ndeku-yu sa kunu kuechi-yu nuu ya Ndioxi. Te io tɨtnɨ ndudu ni xitu-yu ni kide kahnuyu sa ni kee-yu nuu dukaⁿ io ni xoo ndoho-yu to tnaha io ni xitayu ndudu ni kide kahnu-yu ya Ndioxi, chi dɨu-ga ni dakaku nihnu ñaha-ga xiiyu nuu te faraón ndɨhɨ kue sandadu-de.

Te ya Ndioxi ni xahaⁿ-ga xii kueñayiu Israel sa nuu kuia nuu kuia kada-yu viko. kaxi-yu paa ñatuu yɨhɨ levadura kuenda sa va kunaa-yu sa mee-ga io ni chindee ñaha-ga te ni xito ñaha-ga xiiyu ni kaku-yu nuu kue sandadu Egiptu ndɨhɨ kuenda sa ni ndeñuhu ñaha-ga xii nuu io ni xoo ndoho-yu. Te ni kide-yu viko pascua viko xexi-yu paa sa natuu yɨhɨ levadura, te ni sahni-yu ɨɨⁿ nbee yɨɨ kɨtɨ ío vaha kaa te ni xexi-yu-dɨ ndɨhɨ pàá sa ña tuu yɨhɨ lavadura-aⁿ.

Éxodo 12:33-15:21