26-01

Ba’ad Isa nasar min Cheytan

Isa ma sawa achia al ma adiile al Cheytan jarraba lee hu yi sawi wa be misil da hu annasar.

26-02

Madinat al Nazirath bakan al wildo fooga

Isa mawlud fi Bethlaham, lakin Yusuf wa Mariam humman jaiin min Nazirath. Humman gabbalo Nazirath fi wakit al Isa sabi wa aacho hinak ba’ad da

Beet al Ibada

Da ma haykal al kabiir hana Medinat al Khudus al Yahuud ga’idiin yi jiibu fooga dahayahum. Buyut dugag katiir ga’idiin fi madaiin al Yahuud ya’abudu wa yi sallu sawa fi kulu usbuh. Dol bas al amaakin.

Farwa al maktub foga risaala

Zaman da, al nass ga’idiin yaktubu risaala wa al kutub fi l- farwa tawiila wa yi lawluwa.

Farwa al maktub fooga risaala hana Nabi Ichaya

Di nuskha min kitaab (farwa al maktub foga risaala) al Ichaya kataba gablu miyat al siniin al faato.

26-03

Bachchir lee l- masakin

Kalam da maanata yi guul lee l- masakin wa al mhtajin gaal di risaala al adiile al ti guul Allah yi sa’idhum.

Nanti hurria lee l- masjunin

Kalam da maanata yi bachchir lee nass al bariin fi sijin kadar humman yalgo hurria.

26-04

Kalam al gareeta da wakta tamma

Isa dayir yi guul kadar kalam yi kussa Al Masiih al hu garra da tamma fi l- wakit da. Da maanata gaal Isa da bas hu Al Masiih.

Da ma wileed hana Yusuf wa?

Al nass ma sa’alo lee ya’arfu kadar hu da wileed hana Yusuf wala ma hu. Humman sa’alo kikeef hu yakdar yabga Al Masiih achan humman fakkaro kadar hu da wileed hana nadim aadi.

26-05

Mafi Nabi naasa yistakhbalo fi balada

Ankun Isa antahum masaal be kalam al Yahuud. Masaal da maanata al nass ma ya’arfu sulta hana Nabi al kibir fi usudhum. Achan Isa kibir fi Nazirath, wa al nass hinak ma dayiriin yi amunu be kadar hu bas Al Masiih.

Amar lee l- Nabi Aliaas saad mara armala ajnabia

Isa ga’id yi hajji fi tarikh hana ahad al gadim al yi khussa Nabi Aliaas. Allah anta al armala di akil fi wakit hana ju lee achan ti rabbi Aliaas.

26-06

Iliyaas

Iliyaas da hu Nabi hana Allah al jaa ba’ad Aliyaas. Misil Aliyaas, Iliyaas harajahum lee l- muluk al Israiliin al ga’idin yi aznubu diid Allah wa sawa ajaayib al Allah anta law sulta lee yi sawim.

Illa chaffa baras hana gadi Naama

Batam Isa ga’ad yi hajji fi tarikh hana ahad algadim. Allah chaffa Naama achan hu ta’a lee Iliyaas wa tabakh chey al hu oora lee yi sawi.

Zi’ilo minna mara wahid

Al Yahuud ma dayiriin yasamo nadim yi guul Allah barak nass barra mnuhum, zi’ilo mara wahid min chey al Isa gaala.

26-07

Isa chagga usuthum

Al jamaa fatacho Isa lee yakurbu wa yaktulu. Ma na’arfu kikeef Isa chagga usuthum wa faat. An kun Allah laffat fikirhum wala sadda uyunhum lee yi chufu Isa. Al muhim, humman ma gidiro sawo lee Isa chey al humman fakkaro lee yi sawu.

26-09

Al mchotiniin

Al nass dol induhum chawatiin al ga’idin bi suguhum.

Inta Ibn Allah!

Hatta achawatiin irifo kadar Isa hu Ibn Allah.

26-10

Al rusul

Isa ikhtar atnachar min talamiza wa sawahum rusul. Humman gado maa Isa aktar min talamiza al akhariin. Wa ba’ad Isa anta al rusul suita aktar min al anta lee talamiza al akhariin.