Ifanec
Ifan uqa dana aidcai uqa ahunig iwecet mudaleanhah. Uqa eldec aleafa, uqa madaleanah, “Ale wawalai gude Himenalacilcai, ahialacil dogialacilcai, hoage mati bahin alesoaciafa, mil he unugcai ihocwanigan!” Odan Ifan uqa elcel unug uqa mudean ho meu bahig feafa, uqa elcel houqa unugun bahin uqa wacu meu nieanah. Heqa unug alesoan ho, Ifanec del nieadein ho gemacu, del osahi hogude nuen del kesinub hogu etacub he unug alesoanah.
Sain Adam uqa aid houqa feafa uqa madeanah, “Hedeah io! Heuqa ho isacat iwe! Uqa ho ‘Aid’ ec madecun, elacin, uqa ho dana gude mudean alesoanah.” Ode hocon dana uqa memeg anagcai ulaleafa, uqa aideccai gabamde osahi alesohia.
Del iet hogu qa, Ifan ougu madean wa uqa filigande umuti niniean, mil kakanec nieanah. Mil kakanec hoqa weni, “mil” eanah. Ode uqa wa hoqa weni, “macas” eanah. Ifan uqa elcel ifanean ho, mecidean ho meubahin feanah.
Odean Ifan madeanah, “Ois, ige qil ige ihoconige, igecet iwe isdec silecai ho mudadecun. Hoage esi milcai, eqaf unug ageu ilo bileic ofadenigan.
Elcel ifanec del kesinub (6) hogu qa, Ifan uqa madeanah, “Eqaf gug filfil milgu obeciacai ho unug alesociec!” Odean Ifan madeanah iwe bahin alesoinah. Eqaf leih qa manan, odan leih qa mil ohis wawagu obeciacai, odan leih qa uih ho alesoinah. Odan Ifan mecidean ho meubahig feanah.
Elcel ifanec uqau del elis oan hogu qa, Ifan uqa ougu madean ifanec hau uqa ohis aleso niniean, mil qa facalis nieanah. Uqa wa ohis niea hocai, wa milus niea ho filigan alec ho hau mudean alesoanah.
Del besib (5) hogu qa, Ifan uqa elcel unug wa iacul obecia hocai, hai unugcai ho, uqa ougu madean alesoinah. Ifan uqa fean ho meubahin, ode uqa eldec adeanah.
Hocon Ifan uqa odean, Adam uqa hu kat bahin nieanah. Odean Ifan uqa Adam qesigude fehil hoil oafa, hogude uqa aid mudeanah. Odeafa uqa mehule o wa Adam uteanah.
Ifan uqa abi unug qeimudeanafa, del itanub (7) houqa soanah. Ode hocon, Ifan uqa el abi abi odean ho hedean, itanub houqa eldec uteafa, gun mudeanah, elacin, del hogu qa, uqa abi oan hondegun uqa huen mudeanah. Ifan uqa elcel unugun mil hegu niecia hocai, hau ohis nieadecia ho, Ifan uqa infaneanah.
Odean Ifan madeanah, “Ois, mil ina oden, na gug filfilcai, elifocai, eli lec etacub filfilcai alesoadeciec!” Odean ode alesoadeinah. Odan Ifan uqa elcel ifanean ho, mecidean ho meubahin feanah.
Elcel ifanec del sibou (4) hogu qa, Ifan uqa ougu madean, camcai, lagelcai, sulupaicai, hoage alesoinah. Ifan uqa hoage wi ho mil fuladec utenigan mudadeanah. Ode asilcai wi uqau gadac nienigancai, ode sain filfilcai iar osahi osahi hoageu gadac mec nieian ifaenigan mudadeanah. Ifan uqa elcel ifanean ho, mecidean ho meubahin feanah.
Hocon Ifan uqa mil ufai odacad oadeafa, uqa hogu dana mudeafa, uqa eac bileian houqa dana ho iacul fudean noanah. Dana houqa ho weni Adam. Ifan uqa abi hoil mudeafa, uqa Adam abi hogu bibile, uqa abi ho ofdeian hocon uqa abi hogu mudean bileanah.
Odean Ifan uqa madeanah, “Dana uqa adi umuti bilecun ho meu hoil qe.” Odean hoqa, eqaf unug hogude, hoil uqa Adam esuldecun ho qitigi.
Ifan uqa abi ho gemacu, uqa na elis uqa abianala filfil hondeg elis efaleanah. Na hoil qa eac bilecun, odan na hoil qa, doc meucai, doc meuqe ho ocun. Ifan uqa Adam abi ho iaculde, na unug ageu meu houqa ois leian ec ho maudeanah. Odeafa qa, na doc meuancai, doc meuqecen ocun hogude houqa, uqa ub lewan ec ho maudeanah. Uqa na hogude meu ho lefe, uqa esi almeian ec ho maudeanah.
Elecel unug ede gugqe alesoanah. Ifan uqa milcai hau Ifanean hocai, elcel unug hogu niea ho. Uqa del 6 gu adi Ifaneanah. Ifan uqa mil ifane hedean ho, milgu elcelcai qitigi, gagatu adi nienah. Etacub hoil qei alesoc gaul nieanah. Odean hoqa, Ifan uqau Kis adi qa wa ohis wawa soso e nieanah.
Odean Ifan madeanah, “Fuladec alesoale!” Odan fuladec aleso nieanah. Ifan uqa mecidean ho, fuladec houqa meubahin, odan uqa hoqa weni ho, “asil” eanah. Uqa asilcai gagatu ho filigan aleanah. Ode uqa gagatu hoqa weni “Wi” eanah. Ifan uqa fuladec houqa, elcel ifanec uqau del hanuqec hogu ifaneanah.
Ifan uqacan louqec heuqa: Gugqec 1-2