Dalie Wadau Mil Igis Adi Kakanec Hogu Obecia

Odean, Ifan uqa Moses uqa fohien hoil efeugu teafa, hogu uqa esi ihoc Ifan uqa Mil Abraham uteian le made qel qetean houqa feian ec maudeanah. Moses uqa amuggu adi Ifan mil Abraham uteian madean ho feanah, odan hoqa, Ifan uqa Moses uqa mil hogu wacun qei ois deanah. Odean Moses uqa almeanafa, Israel dana aid hoage uqacan 30 del ho gehel nieinah. Odan Iosua uqa hoageu hanuqec ilo dana qilde bileadeian alesoanah. Iosua uqa hoageu hanuqec dana meubahin, uqa Ifan uqa adi ihoc ec dodoude, uqa Ifan uqau le ho totodec odeanah.

Israelde dana aid hoage mil wadau igis adi kakanec hogu dalie ocobecian 40 iar nue hedeanafa, dana aid ini Ifan uqau le fedeinahcai hoage unug bahin alme hedeinah. Odeanafa, Ifan uqa dana aid hanuqe adean nueic, Uqa Abraham Mil uteian madean ho, hoage mil houqau medeu fahe soan hogu haun ehelawe alewainah. Ois, Moses uqa wele toia bahin mean hocon, Ifan uqa Iosua uqa Moses esuldulec, uqa dana aidcai mehade nueian hocon abi uteanah. Ifan esi sain hoil, uqa Ifan uqau le ahun madec dana Moses iwecet hoil suldeb soian houqacanafa uqa Moses le maude qel qeteanah.

Sain Israel dana aid hoage fahe Keinan uqau mil gadac niea hogu alesociafa, Moses uqa dana 12 hoage meciade feade oadeanah. Uqa Israel hatu uqau Masa gati 12 hogude, uqa osahi osahi oadeanah. Uqa dana 12 hoage nueic, hoage gaul ode obeqaeic, lokumecgu hoage Keinan mil adaha ho fenigan hocon, uqa isdec houqa adeanah. Hoage Keinande fan dana hoage gagadi odeccai, o ,gagadi odeccaiqeif houqacan hofa, lokume obe mecideic fenigan madadeanah.

Sain dana aid hoage le ho dahmeciafa, hoage silail mebah eciafa, wawawi einah. Hoage fan adecun elcel acicai hoageu ho oadeciafa, Keinan dana aid utum adenigan nueinah. Moses uqa hoage ub nuebilacan ahacadeanah, elacin, Ifan uqa hoage felacadeanah. Odan hoqa hoage Moses uqau le ho qei totodeinah.

Ifan uqa gemag asisi bahin beanafa, uqa Egule Le Madec Talabes hogu neanah. Ifan uqa madeanah, “Age isa facalisani bibileic isau le ho totodecun cuculeic, ageu doc ho totodecial hocon, dana aid unug bahin esi bilec gugcai qe hoage daliec wadau mil igis adi kakanec hogu obenigan. Odedeb Iosuacai Kaleb hoaleuangu hocon, dana aid ini iar hoageu 20 iar, o, holimdec tec hoage qa hogu almenigan hocon hoage qei Mil Abraham Oian Le Made Qel Qetec niea hogu wabilac."

Ifan uqa Israel dana aid madadeanah, “Age Keinande dana aid hoage Mil Abraham uteigan Le Made Qel Qetec niea hogu biladecia ho, age hoage unug bahin itacadebil nuadecial. Age hoagecai hoil ub wawa osahi meic wawa meu niecgu bilebilac, odeic age hoagecai ub obcobcebilac. Age hoageu Kadan ho unug bahin alocie golodeadeicial. Age isa madica he qei totode odefeic, age esi isa binainimi mudec ho cuculeic qa, age hoageu Kadan ho binainima mudenigan.”

Odan hoqa, dana aid hoage Kaleb Iosuacai aleu le ho dahmecun uleinah. Hoage Moses Aroncaicun gemana beanah, odeic hoage madeinah. “Ale elacicin, aben meuqe hegu ige mehige fahehianah. Ige Isip hogu bilemumehul, Ige fangu qei dana ige qigebil almememun, ige aidenigeilcai himenigeil qa, hoage oadeic begabeg abi dana aidcai alesonigan oadebih.” Odeic dana aid hoage, hoageu hanuqec dana fil hoil mecide febilafa, uqa haun ehelawe mehade Isip nueian galedeanah.

Sain hoilgu, sain dana aidcai hoage wacai qe bilecianfe, Ifan uqa Moses maudeanah, “Men le maudean, wa esi hogude alesoian.” Odan hoqa, Moses uqa Ifan maudeanah iwe, uqa ou qei totode mudeanah, uqa men le maudecun cucule, uqa dana aidcai unug amagu, uqa kobaigu men qe elis deanah. Dana aid hoage unug wa lenigan hocon men hogude wa alesoanah. Odan hoqa Ifan uqa Mosescun gemag beanafa madeanah, “Ina Mil onigan Le Qel Qetec niea hogu ina esi qei wanac.”

Dana 12 hoage Keinan hatu iacul 40 del obeciafa, hoage ehele faheinah. Hoage faheciafa dana aid madadeinah, “ Keinan mil ho meu bahinag odan elifo elcel mati bahin niea!” Odan hoqa, feleu mecie obec dana 12 hoageu gude dana 10 hoage qa madeinah, “Taun benben hoageu ho gagadi bahinag. Odan dana hogude hoage qa, itoec odan docanacai, hoage dewa tehiec bilecia! Ige hoage utum adeqaefeb, gugufu bahin, ige hoagecai ihoqe, hoage esi ige qige godenigan, odeic qigebil almecun!"

Qeigiec bahin Kalepcai Iosua, hoale feleu mecie obec dana 12 hoageu gude dana elis hoale madehianah, "Ho gugufu, Keinan dana hoage itoec, odan docanacai, odan dewena ho tehiec, oda hoqa, gugufu bahin ige esi ihoc hoage aqade golodecun! Ifan uqa esi igecen meme adeian!”

Ifan uqa hoage qei esuladean fan ho adeinah.Hocon hoage qanagileician, hoageu gude mati bahin aqecian almeinah.Odean Israelde dana aid hoage Keinan uludeciafa, walde soic hoage 40 iar wadau hogu dalie obeinah.

Ifan uqa gagadi odec dadomec uqaugu, uqa hoage men gude wa hofa adeanah. Uqa ho odean ho fefeciafa, Israelde dana aid hoage Ifancai Moses gonacaleleic, hoalecen gemana bebean le coinah. Ho odedecianafa, Ifan uqa le qel qetec uqadeu uqa Abrahamcai, Aisakcai, odan Iakobcai mudean houqacangu uqa hoage qei uladel.

Sain Israelde dana aid hoage 40 iar ho iacul wadau dalie obeinahgu, Ifan uqa hoage elaci hoilun qutuebilac hocon uqa saiade adeanah. Uqa bret hau ohisde weni "mana" ecia houqa ho eli lenigan saiade adeanah. Ifan uqa Israel hoage eqaf ufun lenigan hocon uqa hai weni kueil ecia, hai hoqa benahiac bahin qe, odan alanig bahin qe, uqa gemacu, houqa suladean hoage Israel ageu talabes nieadeinahgu noinah. Sain ho nieanahgu, Ifan uqa hoage dewa lahul denigan loto elcelcai, Sendel faimagu tacein ho, ub qeigiec silmeafa basilecadewan hocon uqa ofde adeanah.

Ifan uqa Israel dana aid hoagecai uqa le made qel qete gagadi mudean hogu, uqa hoage nun le uqadeu ho totode odenigan houqacan hofa madade hedeanafa, hoage Sinai fohien ho uludeinah. Ifan uqa hananme hoage mehade, Mil Abraham uteian Le Made Qel Qetean houqa totomudeic nueinah. Mil houqa ho weni Keinan eica. Tain tutu adi qafule tawean houqa hagie Keinan totomude nunuean hoage totodeinah.

Ifan uqa Abrahamcai, Aisakcai, odan Iakobcai, uqa Mil Abraham uteian Le Made Qel Qetean ho, uqa esi hoageu sihul sihul alesonigan hoage adeian ec madeanah.Odan hoqa, mil hogu ho dana aid filfil gude mati bahin hoage hogu biladeinah. Dana aid hoage ho, Keinan dana aid ec madadecia. Keinan dana aid hoage qei Ifan binainig mudeciacai, o, uqau le hofa qei totodec odeicai. Hoage ulec manecet ho binainima mumudeic, hoage silail kobol meuqe meuqe hondeg ho mati bahin mumudeic bileinah.

Ifan uqacan louqec totqec heuqa: Ehelawe Oc 16-17; Haniwadec 10-14; 20; 27; Nun Le 34 hogude