Wa Alec

Ifan madeanah, “Isa le madi qelqetica, isa dana aidcai hoage kobol meuqe bahin odenigan houqacan bahin isa gugufu bahin haun ehele mil qei bahin geldeminac, o, isa qei odemin wa alecgu mil he ifulifuldewan. Dana aidcai age mel alcal gudecet silail ahulec bilenigan hofa, isa ho qei odeminac.”

Sain Noa uqa bot iaculde alesoafa, uqa Ifan ihandecun alta mudeafa, uqa eqaf ihandec mudecun ois ec niea hogude leih oadeafa, Ifan ihandec uteanah. Ifan uqa ihandec houqacan wacu meu nien, uqa Noa himeculcai eldec adeanah.

Noa uqa Ifan madeanah iwe totodeanah. Uqa melahul iet hoagecai, hoage bot mudecun hi Ifan madadeanah iwe ode bahin mudeinah. Bot ho ben bahinag hocon, hoage mumudecian iar mati bahin nueanah. Noa uqa wa alec houqa soian ec ho, uqa dana aidcai dahia faleanah, ode uqa hoage silail kobol ho uculeic, falide Ifancai sonigan hocon madadeanah. Odean hoqa, hoage uqau le houqacan qei wawa cefeinah.

Wa nene niean ho hedeanafa, bot qa wa ohis atae tatawean nuean lagel 5 oanah. Odan sain hogu wa sananme side noanah. Odan sain hoil, bot uqa fohien hoil taitac bileanah. Odan hoqa, mil unug qa wa odecet adi otae nieanah. Odean ehele lagel ied hedeanafa, fohien gatina ho amasacme nuadeinah.

Elcel unug mil kakanecgu eac niein hoqa almemecian, dana aidcai odan eqaf filfil hoagecai, bot iacul bilein hoage qa qei almeinah. Bot qa wa ohis atae obeanah, odean uqa elcel unug iacul niein hoage wa le almebilacan esuladean meu bileinah.

Ifan uqa Noa uqa bot houqau ecelag ho 140 mita ode mudeian, odeb babagalain uqau ho 23 mita, odeb ohis tec uqau ho 135 mita ho mudeian maudeanah. Noa uqa bot ho nagu mudeian, ode batal iet ohaleb ohis teian, odeb aben mati bahin agiadeian, ode qaqas hoil mudeian, ode wasali waian aba hoil ohonawec mudeian maudeanah. Bot hogu, Noa uqa himeculcai, odeb eqaf filfil mil gude obecia hoagecai, hoage wa alec nieian hogu qei fadalebilac, hoage meu adi bilenigan.

Odean wa hananme neanah, wa nean ho odecet adi nene nieanah, wa nean ho, 40 asilcai, 40 wi ho sadeccai qe ode adi nene nieanah. Wa mil iaculdefa gehcai alebeanah. Odan mil hegude elcel unug niean ho, unug wa oade taceanah, aluh ohis bahig hoagefa, odecet adi oade taceanah.

Ufudid ho nuen lagel elis hedeanafa, Ifan uqa Noa maudeanah, “Inacai, ina himenalcai, eqaf unug hoagecai, qil bot cuculude alesocie. Ina himenalcai, ahinal ho mati bahin fulusdeciafa milgu ihoc wa nieian.” Hocon uqa sihul uqadeucai bot iaculde alesoinah.

Odeafa Ifan uqa wal hahawan bahig mudean houqa ho, uqau le qel qetean houqacan dado meanah. Sain unug wal hau ohis aleso niefe, Ifan uqa le qel qetec houqacan dahu soian, odecet adi dana aidcai uqadeu hoagefa dahia soian.

Ifan uqa Noa himeculcai, eli hoage lenigancai, eli eqaf hoage lenigancai, ho am ihoc hagudenigan bahin madadeanah. Sain elcel unug ho saiadec hedec niean, Ifan uqa Noa uqa dodocai, uqa aideccai, uqa melahul iet hoagecai, hoage aidelacilcai, hoage bot iacul wanigan sain soa ec ho, uqa Noa maudeanah. Danacai aid hoage unug gabandec ho 8 hoage bot iacul wainah.

Ifan uqa eqaf unug gude manafalcai, ufinocai, odan hai hoagefa odecet adi oadeafa, hoage bot iacul waciafa, wa aleian ho hoage meu adi bilenigan hocon uqa suladean Noacai wainah. Ifan uqa eqaf manafal 7, odan ufino hofa 7, eqaf hondeggu hoage Ifan ihandec utecun ho ois ec niea ho odeafa, suladean bot iacul wainah. Sain hoage unug bot iacul wacianafa, Ifan uqacat adi aba meneanah.

Ehele 40 del hedeanafa, Noa uqa wa side hedeanahafo feian hocon uqa hai hoil weni alog ecia houqa suldeanah. Alog uqa mil kakanec feigaeafa, uqa halupapawe nunue fafaheceanah. Odan hoqa, uqa mil kakanec hoil qei feanah.

Noa humude bilean ufu hoil ehele oanafa, uqa ufudid suldean nue ietdeanahgu, sain hogu ufudid uqa ul mude bileian aben fean hocon uqa ehele qei faheanah. Wa qa wele side noanah.

Ho hedeanafa, Noa uqa hai hoil ufudid ecia houqa suldeanah. Odan hoqa, uqafa mil kakanec hoil qei qeledeanah. Ode hocon uqa ehele Noacai faheanah. Odan ufu osahi nueanafa, Noa uqa ehele ufudid suldean nueanah. Odan ufudid uqa na weni oliw ecia houqa leben hoil olohugu ocuteafa faheanah!

Sain ecelagcai nuean nuean, dana aidcai mati bahin milgu bileinah. Hoage meuqe alesociafa kobol meuqe bahin ho mumudeic, bileinah. Kobol meuqe ho nue ben bahin meanfe, Ifan uqa mil gude dana aidcai unug wa alec ben bahiggu qeimudeian hocon isdec mudeanah.

Odan hoqa, Noa uqa Ifanun dodo bilean hocon, Ifan uqacan wacu nieanah. Noa uqa ho tutu obec dana, uqa dana aidcai kobol meuqe bahig mudecia hoage gemacu bileanah. Ifan uqa wa alec suldeian isdec mumude bilean houqacan uqa Noa maudeanah. Uqa Noa uqa bot ben bahin hoil mudeian hocon maudeanah.

Ifan uqacan louqec totoqec heuqa: Gugqec 6 - 8 hogude.