Iesus Ad Lebenagu Mecia
Fan adec dana hoage Iesus fafalecian, Pita uqa fan adec bainat uqau ho didean alebean, uqa ihanec dana hoageu ilo dana uqau abi mel houqa dahu agoan ne nueanah. Odean Iesus madeanah, “Bainat ho uqau abengu men no! Isa ihoc mem isau ocolidemin, uqa engel isacanmeme adenigan suladealih. Oda hoqa, isa mem ou houqa totodec odeigan.” Odeafa, Iesus uqa dana ho dahu oafa meu mudeuteanah. Sain hoage Iesus faleinahgu, uqau ewel oc dana hoage unug cumnueadeinah.
Iudas uqa Iuda hoageu hanuqec ilo dana hoagecai, fan adec dana hoagecai, odan dana aid am ben bahig hoagecai faheinah. Hoage fan adec basin ecelag ho faladeccai, na qanun faladeccai faheinah. Iudas uqa Iesuscai soafa madeanah, “Fele! Iwalec dana.” Odede uqa ou leanah. Ho odean houqa, uqa Iuda hoageu hanuqec ilo dana hoage in haqa ec ho, hoage falenigan ec houqacan dado meanah. Odeanafa Iesus madeanah, “Iudas, ina oni lecgu ad lebenagu miteca a?”
Ierusalem hogu, Iesus uqa ewel oc dana uqadeu hoagecai Pasowa houqacan eli leleic elubaeinah. Sain Pasowa eli houqa leinahgu, Iesus uqa bret leih oadeafa, uqa fenadeanah. Ode uqa madeanah, "Heqa ociafa lecie. Heqa ho isa deweni, heuqa ho ageuan adica. Age ede odenigan hogu ho, isa agecen elaci ade odeigan houqacan isdeic donigan.” Hi ho odean ho Iesus uqa dodo uqa deweu ho, uqa esi hoagecen meme uqa Ifan ihandec uteian ecgu ho odeanah.
Pita uqa walde madeanah, “Ona unug hoage ois cuculiseic nuadenigan, isa qa qec!” Odan Iesus uqa Pita maudeanah, “Satan uqa age unug oadeian galedea, oda hoqa, Pita, inau wawin cefec ho ub ulenac, hocon isa inacanmimi inondicah. Gugufu bahin, qil wi ina esi isacan qei duga ec ho esi made ietdenafa, madu manafal esi eweian.”
Sain hoage eli ho le hedeciafa, Iesus uqacai, uqau ewel oc dana hoage ocobeic fohien ho weni oliw ecia hogu nueinah. Ode Iesus uqa madeanah, “Qil wi age unug esi isa cuculiteic nuadenigan. Louqec ede niea, ‘Isa esi sipsip ofadec dana houqa qeqemin, sipsip hoage unug qa pilisadeic nuadenigan.’”
Iuda ageu ilo dana hoage, ihanec ilo dana uqa gutimean hoage Iudas uqa Iesus hoage lebenagu meb qebil almeian hocon, hoage 30 silwa men aci ho Iudas idat mudec uteianah. Le ahun madec dana hoage etacub esi ode alesoian ec le madeinah iwe bahin ho ihoc mudec alesoanah. Iudas uqa wacu meu niean ois ecgu, uqa men aci ho oafa uqa wa nueanah. Uqa hananme el higu uqa hoage esuladeb, Iesus falenigan hocon hi megeanah.
Iudas uqa bret o hedeanafa, Satan uqacai soanah. Sain houqa ho wi, Iudas uqa hoage cuculade nueanah. Uqa Iuda hoageu hanuqec ilo dana ho esuladeb, hoage Iesus falenigan hocon uqa nueanah.
Inondec uqadeu hogu, sain uqa inonde hedeafa, uqa ehele ewel oc dana uqadeu hoagecai soanah. Odan hoqa, hoage qa hunieinah. Odan sain uqau inondec ietdec hogu soan houqa uqa madeanah, “Aiecie! Dana isa ad lebenagu miteian ho eia soa.”
Odede, Iesus uqa wa gat hoil oafa madeanah, “Hegude ho lecie. Heuqa ho isa logani, ho wawige osahi me Le Qel Qetec Qildec houqau, hoqa silail agaseian hocon ebuseah. Sain unug age lenigan ho, age isacan isde dodoic ede odenigan.”
Odeafa, Iesus uqa ewel oc dana uqadeu ho madadeanah, “Ageu gude osahi hoil uqa esi isa ad lebenagu miteian." Odan uqau ewel oc dana hoage dolona cudean telececiafa, hoage in uqa esi etacub edaha odeian ec ho ocolieinah. Odan Iesus uqa madeanah, “Dana hoil isa uqa bret ufuf he uteigan, houqa esi isa ad lebenagu miteian.” Odeafa, uqa bret oafa Iudas uteanah.
Ho odean, Pita uqa Jesus maudeanah, “Isa almecun nieian hofa, isa inacan qei duga ec ho qei mademinac!” Odan Iesus uqau ewel oc dana odacat hoagefu unug hoage le odecet adi madeinah.
Iesus uqa ede inonde ietdeanah, “Mem isau, ona ihocmefe, ina isa ub uliten gihaitec oigan wagatgu bilea he leminac. Oda hoqa, dana aid ageu silail agaseadecun hi hoilcai qeimefe houqa ho ois, inau doc niea ho totodec ho ulen alesoale.” Iesus uqa wacu ben bahin ulumendeanah. Odan uqa muhul qean houqa log iwe neinah. Ifan uqa engel hoil Iesus gagadi mudeian hocon suldeanah.
Odean Iesus uqa, ewel oc dana uqadeucai, hoage aben hoil weni Getsemani ecia hogu nueinah. Iesus uqa ewel oc dana uqadeu hoage ub fanincadegu wabilac hocon, uqa hoage inondenigan madadeanah. Odeafa, Iesus uqa umuti bileafa inondeian hocon wanah.
Gaid iar unug, Iuda hoage Ifan uqau olohon ho meheladean houqacan (Pasowa), hoage isde dodoic eli leleic elubaeciacai. Eli leleic elubaec heuqa ho, weleu bahin, 100 iar mati bahin wele hedeanahgu hogu, Ifan uqa hoage ahiacil hoage Isip hogu begabeg abi dana aid bibilecian, uqa adegu hoage esulade odean houqacan isde dodoic eli leleic elubaeciacai. Iesus hahawan bahin hananmeafa, uqa amug amasac ocobe meu le qasale dana aid madadede, iwaladede obean ho 3 iar nueanafa, hoage Ifan meheladean houqacan isdedeic eli lec ho, uqa ewel outec dana uqadeu hoagecai ilam Ierusalem hogu hoage eli ho leleic houqacan isdenigan ec madadeanah. Odeb uqa hogu esi qebil almeian ec ho madadeanah.
Iesus uqau ewel oc dana hoil, uqa weni Iudas. Iudas uqa ho, uqa aposel hoageu men aci badam houqa ofdeanah. Odan hoqa, uqa men acicin wacu niec bahin hocon, uqa gaid ode men aci badam iaculde feleu oahan. Sain Iesus uqa ewel outec dana uqadeu hoagecai, hoage Ierusalem hogu nue alewaciafa, Iudas uqa Iuda hoageu hanuqec ilo dana hoagecai nueafa, uqa hoage men aci utetebil, men aci houqacan wadodociec hoqa, uqa esi Iesus hoage lebenagu meb qebil almeian ec madadeanah. Iudas uqa doanah, Iuda hoageu hanuqec ilo dana hoage ho, Iesus uqa ho Mesaiah qe ec ho mamadeic, hoage uqa qebil almeian hocon le baliein ho uqa wele doanah.
Ifan uqacan louqec totqec heuqa: Matiu 26:14 - 56; Mak 14: 10-50; Luk 22:1-53; Ion 12: 6; 18:1-11 hogude