Pitacai Ion Hoale Niqaniq Hoil Meu Mudehia

Dana aid am ben bahin hoage haciou bahin, dana meu mulec oancai houqa fecunceic fahadeinah. Pita uqa hoage madadeanah, “Age elacicin dana heuqa meu mulec oal hocon, age dolonacudean ona atage nea? Dana he ile dodo ileu gagadi odeccai, ileu meu bahin hogu qei meumulec oah. Hoqeit, heqa ho Iesus uqau gagadi odec houqacai, odan, uqa ihoc odeb alesoian ec wawige cefec igeu Iesus uqa igeacai houqa, dana heuqa meu mudec uteah.”

Hanuqec ilo dana hoage, Pitacai Ion hoale cumuniec qitigi tatawehi le madehian hocon hoage tigaleciafa, uluna ulean le qitigi bileinah, elacin, hoage fein ho, dana elis hoale ho masalde dana adi, hoale iwaldec doc ben hoil qei ohianahcai ho feinah. Odeciafa qa, hoage dana elis hoale ho Iesuscai bilehianah ec ho isdeic doinah. Hoage Pitacai Ion hoale qan bi fehian ec cumuniec le madale hedeciafa, hoale felacalecian aleso nuehianah.

Pita uqa hoage madadeanah, “Iesus uqa ho Mesaiah, uqau gagadi odec houqa dana he age amagu tawea heuqa meu mudeanah. Age Iesus na babalecgu qecian almeanah, odan hoqa, Ifan uqa Iesus almec gude tulidean, ehelawe aie eac bilea! Age uqa gegehildeinah, oda hoqa, age esuladec besadec ocun ho hi hoilcai qitigi, Iesus uqau gagadi odecgu, hi houqa adi ho niea!”

Qei giec bahin, Ifan uqa dana faci meuqecen obecun ihoqe houqa meu mudean, dana houqa hananme ocobe uqa bisole wa bisole so e ocobe, uqa Ifan weni ohisdec ho odeanah. Dana aid hoage Gun logu, wauqan aben gaul niec hogu niein hoage qa dolonacudean ona atage neanah.

Del etenan hogu, Iuda hoageu hanuqec ilo dana hoage Pitacai Ion mehaleic, ihanec ilo dana ben houqacai, Iuda hoageu ufu fec hanuqec ilo dana odacat hoageugu mehale wainah. Hoage Pitacai Ion ocolialeinah, “Ale el gagadi odec hagu dana faci meuqecen obewahuqe he meu mudehia?”

“Agecet adi ho, Iesus qebil almeian ec ho, age dana Rom gabman uqau hatu ilo bile ofdeacai houqa maudeinah. Age dana eac bilec igeacai houqa qecian almeanah, odan hoqa Ifan uqa, uqa almec gude tulidean aieanah. Gugufu, age etacub ho odein ho age houqau gug ho qei dodoic ho odeinah. Odanqa, Ifan uqa age kobol ho mudeinahgu ho, uqa Mesaia qa esi dain ben efefe almeian ec le ahun madec nieadecia houqa ihoc mudeanah. Hocon qil, age ahuldeunah eic wawa falideic Ifancai socie, odeb ageu silail ho wahio qeimudecadeian.”

Gun lo uqau hanuqec ilo dana hoage, le Pitacai Ion hoale mamade odehian houqacan hoage wawa meu qei nieanah. Hocon hoage hoale falaleciafa kalabusgu mealeinah. Odan hoqa, dana aid mati bahin hoage qa Pita le madean houqa gugufu ec dociafa, hoage wawa cefeinah, odan, dana adi hoage Iesuscun wawa cefein hoqa, haniwadec gadac ho benme teafa 5,000 ode oanah.

Del hoil, Pitacai Ion hoale Gun logu nuehianah. Sain hoale Gun lo iacul wacun aba ben hogu wawahi qa, hoale dana hoil uqa faci meuqe mean hocon obewahu qe houqa men acicin niniqe bibilean fehianah.

Pita uqa, dana faci meuqecen uqa obecun ihoqe houqa mecidulele maudeanah, “Isa men aci enacafan ina iseigan. Odeqeit, elaci isa eia houqa ina iseigan. Iesus uqau gagadi odecgu maisica ina aie obecec!”

Ifan uqacan louqec totqec heuqa: Aposel 3: 1 - 4:22 hogude