Iesus Uqa Lasarus Almec Gude Tulidean Aiea

Lasarus uqa almean ho del 4 wele hedeanafa, Iesus uqa Lasarus uqau taun hogu fahe alesoanah. Mata uqa alewa nue Iesus qeledeafa uqa madeanah, “Ilo dana, ina afagu hegu bileumahmehul isa ebinami qei almealih. Oda hoqa, isa wawi cefica, ina uqacan elacicin dodo ocoliegan ho, Ifan uqa iseian.”

Odean Iesus uqa hau ohis meciean tetean madeanah, “Mem ina dahmiteca hocon isa heiteca ec maisica. Isa duga, ina gaid ode isau le dehmeitecacai, oda hoqa, isa dana aid he tawadecia he unug, heagecen bahin ho isa le he madica, odeb hogu hoage esi haciou ina isa sulitenah ec ho wawa cefenigan.” Odeafa Iesus uqa utaeanah, “Lasarus, ina fel iaculde alesogec!”

Jesus le wadacde madeanah, “Mata, ina isacan wawin cefefeg ina esi Ifan uqau gamunan houqa fegan ec ho maisicah!” Odeanfe hoage men olicoldecian wanah.

Iesus uqau ewel oc dana hoage waldeic maudeinah, “Ilo dana, Lasarus uqa huniefe ho, uqa esi meu mudeian.” Odan Iesus uqa le amasac qasale madadeanah, “Lasarus uqa almeah. Isa edicaifcig isa hogu qei bilin hocon isa elubaciga, ode hocon age ihoc isacan wawa cefenigan.”

Dana almec fel houqa ho, men mesib agocian iacul wac niea. Odan men hoil olicoldecian wa aba wacgu bileanah. Sain Iesus uqa fel hogu alewafa, uqa hoage madadeanah, “Men ocicoldebil wa nue.” Odan hoqa, Mata uqa madeanah, “Uqa almean ho niean del 4 oa, Cuhuli meuqe ho esi soian.”

Iesus uqa walde maudeanah, “ Almec Gude Ehelawe Aiecun houqa ho Isa, odan Eac Bilecun houqa ho Isa. In hoil uqa isacan wacu cefea ho, uqa eac bileian, uqa almeian hofa, uqa esi eac bileian. Dana aid unug ini hoage isacan wawa cefecia ho, hoage qei almebilac. Ina heuqacan wawin cefecauf?” Mata madeanah, “Io Ilo dana, isa ina Mesaiah, odan ina Ifan melah ec ho wawi cefica.”

Odean Maria uqa fahe alesoanah. Uqa Iesus facigu ne bileafa uqa madeanah, “Ilo dana, ina afagu hegu bileumahmehul, isa ebinami qei almealih.” Iesus uqa hoale ocolialeanah, “Lasarus hagu mudehiah Hoale uqa maudehianah, “Dana almec fel men mesib ho agoc hogu niea, ina fahe fege.” Odean, Iesus uqa qaleanah.

Hocon Lasarus uqa fel iaculde alesoanah! Uqa lelenigan loto elcel deweu lelewaldein houqa ho lelewaldec odecet adi bileanah. Iesus uqa hoage madadeanah, “Age uqa esulduleic, lelenigan loto elcel deweu lelewaldec nieadecia ho bacasadeutebil uqa eteg mudeian.” Dado gagadi odecai etacub alesowahuqe ho odean alesoan houqacangu, Iudade dana aid mati bahin hoage Iesusun wawa cefeinah.

Odan hoqa, Iuda ageu cufu fec ilo dana hoage qa gemana bean hocon, hoage adegucisai Iesuscai Lasarus aqalebil almehian hocon hoage le balieic ilamenigan hocon so eguleinah.

Del hoil Iesus uqa Lasarus uqa sag ben bahin oah ec le ho oanah. Lasarus uqa ebinag eliscai, Mariacai Mata, hoage Iesus uqa ho hoageu fiala bahig bileanah. Sain Iesus uqa le houqa dahmeafa, uqa madeanah, “Sag houqa odeb uqa qei almewan, oda hoqa, Ifan uqau gamunan houqa ois sihulai ie ifaeian.” Iesus uqa, fiacul heagecan ho uqa wacu niec, odan hoqa, uqa hagu bileanagu hogu ho, uqa ode hoage humudec ho del elis bileanah.

Sain del elis ho hedeanafa, Iesus uqa ewel oc dana uqadeu hoage madadeanah, “Ois ige ehelawe Iuda nueqe.” Odan hoqa ewel oc dana hoage madeinah, “Iwalec dana, cum bihin he dana aid hogude hoage qa ina qisebil almegan hocon odeinah.” Iesus madeanah, “Ige fialige Lasarus uqa wele amusehan huniea, hocon isa nuic uqa tulideigan.”

Ifan uqacan louqec totqec heuqa: Ion 11: 1- 46 hogude