Iesus Uqa Abi Uqa Utec Houqa Hananmea

Odeafa Iesus uqa ne bileanah. Dana aid hoage unug uqa gugcai mecimecideinah. Hoage doinah, uqa Ifan uqau le houqa saniean ho Mesaiacan madea. Iesus uqa madeanah, “Qil bahin le isa sanie adical he, le houqau ihoc mudec ho qil hecet alesoa io." Dana aid unug hoage ona atage nean bileinah. Hoage madeinah, “Heqa ho Iosep melahat a!"

Dana aid mati bahin hoage siai meuqe dewena tean bilein hoagefa mehadeic Iesuscai soinah. Iesus uqa siai meuqe le totodec odenigan gagadi bahin madadeanahgu, siai meuqe hoage dana aid dewena gude ule alesoinah, odeic sain mati bahin siai meuqe hoage utaeic madeinah, “Ina Ifan Melah!” Dana aid am filfil niean ho, hoage ona atage nean, hoage Ifan binainig mudeinah.

Ode Iesus uqa Galili hatu ho iacul ocobean, dana aid am mati bahin uqacai soinah. Hoage dana aid sagcai, o, dewena lalegmec hondeg, ho gemacu ho, ini hoage mecie wahuqe hoagecai, ini obewahuqe hoagecai, ini dahmewahuqe hoagecai, odan ini le madewahuqe hondeg, ho unug hoage mehadeic socian, Iesus uqa hoage meu madeanah.

Iesus uqa le sanieanah, “Ifan uqa Kis uqau ho isa iteah, ode hocon isa ihoc ini sawen bileciacai hoage le meu bahin ho amasac qasali madadeigan, ini gihacadecgu bilecia hoage besadec onigan, ini ama galuc bilecia hoage esi ehele ihoc mecienigan, odan ini hoage gegehil adedeic meuqe mamadecian bilecia hoage besadec onigan. Ben uqa sain heuqagu uqa igecen walolomige lec ben bahin houqa ifaeian."

Nasaretde dana aid hoage, Ifan binainig utec aben hogude Iesus faleic ecele sibelu alesociafa, hoage mehuleic alfelam ocgu o wainah. Hoage uqa oc gude o tahulebil no qeb almeian hocon hoage mehuleic wainah.Odan hoqa, hoage ho odein houqa qei ihocleianah, Iesus uqa dana aid am ho gemacu ocobe nueanah, ode uqa Nasaret taun ho uculude nueanah.

Odean Iesus madeanah, "Gugufu bahin, Ifan uqau le ahun madec dana uqa dana aid taun uqau gude bahin hoage esi uqa qei doudeqilac odeic ahuadedeic uqa qei oisdulebilac. Ifan uqau le ahun madec dana Ilaiah bilean sain hogu, Israel hatugu aid wi hondeg mati bahin bileinah.Odan hoqa sain iar iet odan lagel 6 ho iacul wa qei neanah. Sain hogu, Ifan uqa Ilaiah Israelde aid wi hoil esuldeian qei sulduleanah, odeqeit, uqa hatu fil gude aid wi hoil esuldeian hocon sulduleanah."

Iesus uqa le odecet adi made wawa madeanah, “Odan Ifan uqau le ahun madec dana Elisa uqau saingu ho, Israelde dana aid mati bahin hoage dewena ganacgu sag aladesoinah. Odan hoqa, Elisa uqa hoagede hoil qei meu mudeanah. Uqa Israel uqau ad fiacul hoageu gude fan adec ilo dana weni Naman, uqa adi deweu ganac gude sag alade soin houqa qitigi mudeutean meu alesoanah.” Dana aid Iesus le mamadean dahmein ho, hoage ho Iudade dana aid, ode hocon, sain uqa le ho madean dahmeciafa, hoage uqacan gemana asisi bahin beanah.

Ode Iesus uqa dana 12 uqa hoage gawoade oadean houqa, uqa hoage uqau aposel ec madeanah. Aposel hoage ho Iesuscai ocobeic uqa hoage iwaladeanahgu hoage doc oinah.

Iesus uqa Satan uqau faninec soadein ho holimade hedeafa, uqa Kis Gun uqau gagadi odeccai, uqa haun ehelawe Galili hatu hogu uqa bileanahgu nueanah. Iesus uqa masa masa ocobe uqa iwaladeanah. Dana aid unug uqa doudeinahcai hoage uqacan wawa meu niniean, uqacan le meu adi madeinah.

Iesus uqa Nasaret taun hogu nueanah. Uqa mel alaniggu ho, uqa uqa taun hogu bile benanah. Iuda hoageu ufu delgu, uqa lo Iuda hoage eguleic Ifan binainig uteciacai hogu nueanah. Hoage uqa le ahun madec dana Aisaia uqau le louqec ho oldec mecian bileacai ho, uqa le hogude hoil sanieian hocon uteinah. Iesus uqa le louqec ho oldec bileacai ho uqa elueafa, uqa hogude le hoil dana aid sanieadeanah.

Ifan uqacan louqec totqec heuqa: Matiu 4:12-25; Mak 1:14-15, 35-39; 3:13-21: Luk 4: 14-30, 38 - 44