Ion Anag Uqa Ion Basea

Sain Elisabet uqa wacucai bibilean, lagel 6 oanahgu, engel houqacat adi, uqa aid weni Maria ecia, odan aid houqa Elisabetcai hoale sihul osahi gude adi, engel houqa uqacai ququlubde alesoanah. Aid houqa danacai qei niec, odan uqa dana weni Iosep ecia houqa oian hocon ou qecian bileanah. Engel uqa madeanah, “Ina esi wawincai megafa, ina dana mel basegan. Ode ina uqa weni Iesus qegan. Uqa esi Ifan Ohis Bahinag Houqa Melah bileian, odeb uqau ilo bilec houqa ho gaid gaidcun nieian.”

Engel uqa Sakaria le wadacde uteanah, “Ifan uqa isa sulitean, le meubahin he ofahi isica. Ina le hecen qei gugufu ec dogal hocon, ina le qei madenac, nueb mel houqa alesoian.” Qei giec bahin, Sakaria uqa ou afaqean, uqa le qei madeanah. Odean engel uqa Sakaria cuculude, uqa nueanah. Ho hedean, Sakaria uqa ehele logu nueanah, odean uqa aidec qa wacucai meanah.

Sain Elisabet uqa dana mel momodon uqau ho baseanafa, Sakaria uqa aidec Elisabetcai hoale engel madaleanah iwe, dana mel momodon houqa weni Ion qehianah. Odean Ifan uqa Sakaria uqa haun ehele le madecun ho oisduleanah. Odan Sakaria uqa madeanah, “Ifan binainig utecie, elacin, uqa dana aid uqadeu hoagecen qei dahu eleah! Dana mel isau ina qa, esi ina Ifan Ohis Bahinag ho uqau le ahun madec dana bileca ec maisenigan. Ina esi dana aidcai hoageu silail houqa adegu agaseadec onigan houqacan madadegan dana bileca ec maisenigan!"

Maria walde madeanah, “Isa danacai qei niec he, heqa ade alesoian?” Odan engel uqa le silide maudeanah, “Kis Gun uqa esi inacai soian, odeb, Ifan uqau gagadi odecgu ina esi wawincai megan. Hocon mel momodon houqa ho gun, uqa Ifan melah bileian.” Maria uqa le houqacan uqa gugufu ec doafa, uqa engel le maudean ho ois uqacai alesoian ec madeanah.

Sain engel uqa Maria le maude hededeanafa bahin, Maria uqa Elisabet feian nueanah. Sain Maria uqa Elisabet feledulean Elisabet uqa le ho dahmemean bahin, Elisabet uqau mel momodon wacugu niean houqa ogowa eanah. Aid elis hoale ilam, Ifan uqa hoalecai etacub ho odean houqacan hoale wawalai meugu elubaehianah. Maria uqa lagel iet ho iacul, uqa Elisabet feian nunue obe hedeafa, Maria uqa ehelawe uqau logu nueanah.

Weleu Ifan uqa engelcai le ahun madec dana uqadeu hoage onagu uqa Israelde dana aid uqadeu hoage le madadeanah. Odan hoqa, 400 iar nuean hogu uqa le hoil qei madadeanah. Qeigiec bahin, engel hoil uqa Ifan uqa le ofale ihandec dana asacde weni Sakariacai le houqa o nueanah. Sakaria uqa aidec weni Elisabet, odan hoale ho Ifan uqau dana aid bilehianah, odan hoqa, Elisabet uqa aid fag hocon uqa mel qitigi bileanah.

Engel uqa Sakaria maudeanah, “Ina aiden uqa esi dana mel hoil oian. Ina dana mel houqa weni Ion qegan. Kis Gun uqau gagadi odec houqa esi uqaugu abioanian, odeb uqa esi dana aidcai Mesaiacan saiacadeuteian!” Odean Sakaria uqa le wadacde uteanah, “Isa aid isaucai ile ho toia bahin ho ilea ade melcai bileluan! Isa etacub ho alesoian ec hoil qei duga.”

Ifan uqacan louqec totqec heuqa: Luk 1 hogude