Samariade Dan Meubahinag Houqau Houqa Totoqec
Iesus uqa nun le houqacan doc dana houqa le walde maudecgu uqa le hoil totqeanah, “Iudade dana hoil, uqa Ierusalemde Ieriko nueian hocon uqa hi totode ocobe nueanah."
“Ode Samariade houqa Iuda de dana houqa ohisde uqau donki taitac mudeafa, uqa dana ho mehule hi ho qesigu lo hoil idatmeme nieciacai hogu mehule nueafa, uqa hogu ofdean bilehianah.”
“Uqa totodec, dana hoil hi ho totode ocobe noan houqa ho Samariade dana, (Samaria hoage ho Iuda sihul, odan hoage hatu hoil gude aidcai dana oadeinah. Samaria hoage Iudacai fedadan ecgu bilecia.) Odan hoqa, sain Samariade houqa Iudade dana ho feafa, uqa ben bahin wololoc leanah. Hocon uqa esuldule, uqa iofuful ho leladeuteanah.”
Odan hoqa, nun le houqacan doc dana houqa, uqa dodocon ho tutu obec dana ec ho ifaeian hocon. Uqa ocolieanah, Odac dana handeg ho uqa isa utuqani isacai bilewa ec ho doigan?”
“Ho hedeanafa qei giec, Liwai hoil uqa hi ho totode ocobe noanah. (Liwai hoage ho Iuda sihul uqau feifei hoil, odan hoage ihandec mudec dana hoage esuladecian, Gun logu abi odeciacai.) Liwai uqafa dana elcel feleu outeteic qe cefecian nue niean ho, uqa ho qei fec iwe meme, uqa hi lete nawaicisai wafa, uqa hi totode ocobe nueanah.”
“Sain uqa hi ocobe nunuean, feleu dana odacat uqa utumdeinah. Hoage uqau elcel ho unug alaudade oic, hoage uqa qecian qecian almeian odeanah. Odedeic, hoage uqa uculudeic nueinah.”
“Ho hedeanafa, qei giec Iuda ageu ufu uqau ihanec dana hoil, uqa hi hocot adi totode ocobe noanah. Sain ufu houqau ilo dana houqa, dana ho elcel feleu outeteic qe efecian nue niean ho, uqa in hoil esuliteian ecgu niean ho, uqa qei fec iwe meme, uqa hi nawacisai wafa uqa odecet adi hi totode ocobe nueanah.”
“Del etenan hogu qa, Samariade houqa, uqa hagu nueian isde nuean ho uqa ho ihoc mudeian hocon uqa nueanah. Uqa men aci leih in uqa lo idatmeme nieciacai ho ofdec bilea houqa utete maudeanah, ‘Ina dana he ofden bilehial, odeb ina men aci he ulical he holimdec ganic ulegan ho, isa esi haun ehelawe faheigangu, ina men aci ganic uleacal ho, isa esi wadacdec iseigan.’”
Odeafa, Iesus uqa nun le houqacan doc dana houqa ocolideanah, “Ina ade isdeca? Dana iet hogude, el dana haqa ho uqa dana elcel feleu outeteic qe cefecian nue niean houqacai utuqanig bileacai?” Odan doc dana ho madeanah, “Dana in uqa dana ho waloloc lean houqa.” Odan Iesus uqa nun le doc dana ho maudeanah, “Inafa nuec odecet adi odece.”
Del hoil, Iuda uqau nun le houqacan doc dana hoil, uqa Iesuscai soafa uqa Iesus temdecgu madeanah, “Iwaldec dana, isa elaci bahin mudicafa, isa eac bilec gaidgaidun houqa oigan?” Iesus uqa walde maudeanah, “Ifan uqau nun legu houqacan louqec ho ade niea?”
Nun le houqacan doc dana uqa, Ifan uqau nun le houqa ede madea ec uqa walde madeanah, “Ina ulunin unug, dolonin unug, gagadi odec inau unugcai, odan doc inau ho unug, ina Ben ahiac inau, uqa inau Ifan, ina uqacan adi wawin nieian, odec ina, ina dodocon wawin niea iwe ode adi ina in uqa inacai utuqanin bilea uqacan ina wawin nieian.” Iesus uqa maudeanah, “Ina ho ihoc bahin madeca! Ina ho mudecafa ina gaidgaidun eac bilegan.”
Ifan uqacan louqec totqec heuqa; Luk 10: 25 - 37 hogude