Iesus Deweu Fil Bahin Alesoa

Sain Mosescai Ilaia hoale Iesuscai le mamadecian, Pita uqa Iesus maudeanah, “Ige hegu meubahin nieqa. Ige ois lo talabes iet cefadecun, hoil qa inau, hoil qa Moses uqau, odeb hoil qa Ilaia uqau.” Pita uqa el le madean ho, uqa qei dodo madeanah.

Odean Mosescai le ahun madec dana weni Ilaia hoale amasac alesohianah. Dana elis heale milgu bilehian ho 100 iar mati bahin nue hedeanafa, etacub heuqa alesoanah. Hoale Iesus uqa esi adegu almeian niea, odan almec ho esi nag ode Ierusalem hogu alesoian ec houqacan hoale Iesuscai le madeinah.

Iesus uqa ewel oc dana iet hoagecai, hoage fohien ho efeu gude ehele noinah. Odean Iesus uqa hoage madadeanah, “Age etacub hegu alesoal houqacan, age asac in hoil ub maudebilac. Isa nag ode esi almeigan, odicafa isa haun ehalawe qaham eac bileigan. Ho hedebafa qa, age ois dana aid madadenigan.”

Sain Pita uqa le mamadean, fut hoil pahadec bahin houqa neafa hoage alilade lahuladeanah. Odedean, hau ohis de Ifan lelec madeanah, “Heqa isa melami, isa uqacan wawi niec. Uqacan ho isa wawi meu niea. Age uqau le ho dahmecial.” Odean ewel oc dana iet hoage cumunie qeleleic, hoage milgu batage ne niadeinah.

Odean Iesus uqa hoage qutuadede madadeanah, “Age ub cumuniebilac. Age aie tawecie.” Sain hoage mecie obadein ho, Iesus uqa adi qa hogu odecet adi tatawean feinah.

Del hoil, Iesus uqa ewel oc dana uqadeu iet, Pita, Iems, odan Ion, uqa hoage mehadean nueinah. (Ewel oc dana weni Ion he, uqa Ion dana Iesus wa loudec utean houqa qe.) Hoage fohien hoil ohis bahin hogu, hoage adi umuti bileic inondenigan hocon teinah.

Sain Iesus uqa inondedean, uqa amesac ho, cam uqau fuladec ho iwe bahin alesoanah, odan uqau loto elcel houqa fuladec senenea iwe seneneanah. Milgu dana aid hoil uqa senenec odaha bahin hoil qei mudewan.

Ifan uqacan louqec totqec heuqa: Matiu dac 17:1- 9; Mak 9:2-8; Luk 9:28-36 hogude