Polcai Sailas Hoale Filipai Taun Hogu Bilehia

Pol uqacai Kristen ilo odacat hoage, taun benben mati bahingu nueadeic, hoage Iesusun le meu bahin houqa dana aid sacadedeic, hoage iwaladeinah. Hoage wawa cefec tamanec ho niadein hogude wawa cefec bilein hoage gagadi madeccai, iwaldecgu hoage le mati bahin hofa louqeic adeinah. Le ho louqadein hogude ho, leih qa Baibel uqau buk alesoinah.

Polcai Sailas hoale ocobe nunuehian, begabeg abi aid houqa odecet adi benahiac utae nieanah, “Dana heale ho Ifan ohis bahinag houqa abi dana obehia. Hoale age besadec onigan hocon madadehia!” Aid houqa sain mati bahin uqa ode adi odeanfe, Pol uqa wele gemetandeanah.

Qei giec bahin, mim gagadi bahin soanah! Kalabus lo hogu aba wac qetutqec nieadein ho unug bahin batawade nueinah, odan ini kalabusgu bileadein hoage unug sengu hibawoadec bilein ho, sen ho besade batageinah.

Hoage Polcai Sailas oaleciafa, kalabus lo hogu aben dana hoil uqa aleso nuecun ihocqec hogu mealeinah, odeic hoale faimalai hofa tofeinah. Odan hofa hoale ho odalein ho fefehiafa hoale wi tu gemacu ho, hoale Ifan weni ohisdec seg ho siladehianah.

Polcai Sailas hoale gaid ode dana aid hoagecai, inondec aben hogu eguleic le madeinah. Del unug sain hoale ocobe hogu nunuehian, begabeg abi aid hoil, uqa siai meuqe hoil wacu noancai houqa hoale totoaleanah. Siai meuqe houqau odecgu, aid houqa dana aid hoageu bilec esicin houqacan uqa madadeanah. Ode hocon, aid houqa dana aid hoageu bilec esi ade nieian houqacan madadec abi ho odeanahgu, uqa ini uqau ilo bileutein hoageu men aci ben bahin mudeadeanah.

Hocon ini begabeg abi aid houqa memeg mudein hoage, Polcai Sailas oaleciafa, ini Rom hatu uqau ilo biladein hoageugu mehaleic wacian, hoage hoale aqaleleic kalabusgu mealeinah.

Odan del etenan hogu, taun ben hogude ilo bileadecia hoage, Polcai Sailas kalabus gude felacaleleic qa, hoage hoale Filipai taun ben ho ulude nuehian bahin madaleinah. Polcai Sailas hoale nue Lidiacai, hoale fialacil odacat hoagecai, meciade obe hedehiafa hoale taun ben houqa ulude nuehianah. Odan Iesusun le meu bahin houqa ode qage pilisade nunuean, wawa cefec tamanec houqafa maticai ode alade soinah.

Nuean, nuean,del hoil, sain begabeg abi aid houqa hananme benahiac utaenahgu, Pol uqa falide aid ho mecidede, uqa siai meuqe ho aid ho deweugu bilean houqa maudeanah, “Iesus uqau gagadi odec hogu maisica, aid ho deweu gude alesoge.” Odan hocotgu bahin, siai meuqe houqa aid ho cuculude aleso nueanah.

Dana ini begabeg abi aid ho memeg mudein hoage gemana asisi bahin beanah! Hoage begabeg abi aid uqa siai meuqe houqacai qe ho, uqa dana aid hoageu bilec esicin ho hoil qei madadewan ec ho wele isdec oinah.

Kalabus ofadec dana houqa huniean ho aieanah. Odan sain uqa kalabus lo ho uqau aba wac qetutqec ho batawadec feafa uqa asisi bahin cumunieanah! Uqa isdean ho kalabus hoage wele cum bisoleciah ec ho isdeafa, uqa dodo qeb almeian hocon isdec mudeanah. (Uqa doanah, uqa kalabusgu bilecia ho ois adeb cum bisolade feic, ini Rom gabman uqau ilo bileadecia hoage esi uqa qebil almeian.) Odan hoqa, Pol uqa dana ho feafa uqa bencai utaeanah, “Ulece! Ina ub dewen dain utenac. Ige unug eia.”

Kalabus ofadec dana houqa, odan uqa himecul unugcai hoage Iseusun wawa cefecianafa, hoage wa loadec oinah. Odean kalabus ofadec dana houqa, uqa Polcai Sailas lehiw eli lec ho alean lelehian, hoage unug ilam wawa meu niean elubaeinah.

Kalabus ofadec dana houqa deweu unug qelelean uqa Polcai Sailas aleugu wafa uqa ocolieanah, “Isa esulite besitec oiganmefe ho, isa elaci haqa odeigan?” Pol walde maudeanah, ”Iesusun wawin cefece, uqa Ilo Dana, oden inacai, ina himenalcai, age esi besadec ho onigan.” Odean kalabus ofadec dana houqa Polcai Sailas mehale lo uqaugu nueafa, uqa hoale dewenalaigu iomalai nieadein houqa eldealeanah. Pol uqa dana ini dana houqau logu bilecia ho unug, uqa hoage Iesusun meu le houqa sacadeanah.

Sain Saul uqa Rom hatu uqau hatu alcal Rom facalisanig bilein ho iacul obeanahgu ho, uqa Rom hoage uqa weni "Pol" qein houqa sain hogu uqa haname Rom weni utein ho madeanah. Del hoil, Pol uqa fiac Sailascai, hoale Iesusun le meubahin houqa, hoale Filipai taun hogu qasale madehian hocon nuehianah. Hoale taun ben ho sibelu, wa ben ho utuqanu, aben dana aid hoage inondenigan hocon eguleinahgu hogu nuehianah. Hoale hogu, aid hoil weni Lidia decia ho, uqa ecel idadmeme suldeacai qeledehianah. Aid houqa Ifanun wacu niniean uqa Ifan binainig mudeanah.

Ifan uqa Lidia uqa Iesusun le houqacan uqa wacu cefeian hocon Lidia odean wacu aieanafa, Lidia, uqa himeculcai hoage wa loc oinah. Uqa Polcai Sailas hoale uqau logu niehian hocon madaleanah, hocon hoale uqa himeculcai ageu logu ilam nieinah.

Ifan uqacan louqec totqec heuqa: Aposel dac 16:11- 40 hogude