Ion Uqa Iesus Wa Loudec Utea

Ion uqa Iuda ageu ufu hogude ilo dana hoage madadeanah, “Age man imat iwe! Age kobol meuqec ageu ho uculeic wawa falidecie, odeic age dumana ho falidecie. Na unug meu meubahin qei faleacai houqa, esi ago lai iecgu tahuleian. Ion uqa le ahun madec dana hoage le heuqa madein ho ihoc mudeanah, “Fege isa esi isau le o nuec dana uqa ina qei nuecgu, uqa asac hanuqe le o nueian. Uqa esi inau hi saiadeiseian.”

Ifan uqa Ion wele maudeanah, “Kis Gun uqa esi neafa, in hoil uqa ina wa loudec utegan houqacai bileian ho, dana houqa ho uqa Ifan melah." Ifan uqa osahi adi. Oda hoqa, sain Ion uqa Iesus wa loudec utean hogu, Ion uqa mem ec ho uqa lelec dahmeanah, ode, melah ec ho, uqa mecideanah, ode Kis Gun ec ho, uqa feanah.

Sain Iesus uqa wa loudec houqa o hede, uqa wa iaculde alebeanafa, Ifan uqau kis houqa hai weni ufudid ecia ho iwe alesoafa, uqa ne Iesus tatacan bileanah. Odean hocotgu adi, Ifan lelec hau ohis aleso madeanah, “Ina isa melami, ina isa uluni aci bahin, inacai ho isa wawi meubahin niea.”

Sain dana aid mati bahin hoage Ion uqau le madec ho dahmeciafa, hoage silail kobol hoageu ho uculeic wawa falidecian, Ion uqa hoage wa loadec adeanah. Iuda hoageu ufu hogude ilo dana hondeg mati bahinag hoagefa Ion uqa wa loadec adeian hocon soinah. Odan hoqa, hoage silail kobol hoageu ho qei uculeic wawa falideinah, o, hoageu silail hofa qei qasaleic madeinah.

Ion uqa Iesus maudeanah, “Isa edaha ho ina wa loadec ho isewahu qe. Ho qeit ina qa isa wa loadec itecun ho ihoc.” Odan hoqa, Iesus uqa madeanah, “Ina isa wa loadec ho itegan, elacin, etacub ode odecun ho ihoc hi niecgu. Ode hocon, Iesus uqa silail hoil qei mudeanahcai, odan hoqa Ion uqa Iesus wa loadec ho uteanah.

Iuda leih hoage Ion uqacat ho Mesaiah ec ho hoage ocolieinah. Ion uqa walde madadeanah, “Isa Mesaiah qe, odeqeit, dana hoil isa totoitec ena soa. Uqa gagadi odec ahulec, ode hocon, isa edaha ho uqa faci gude sendel tacea ho, isa bese huleutewahu qe."

Del etenan hogu, Iesus uqa Ion uqaugu wa loudec oian hocon faheanah. Sain Ion uqa Iesus feafa, uqa madeanah, “Fecie, hoca Ifan uqau sipsip nacag, uqa esi mil gude dana aid ageu silail ho agase tahuleian.”

Sekariacai Elisabet melamalai Ion uqa ben meafa, uqa le ahun madec dana alesoanah. Uqa mil wadau hogu ninie, uqa cun musahcai sis kimum leadeanah. Ode uqa loto elcel kamel bagicgu mudec houqa taqoanah.

Dana aid mati bahinag hoage mil igis adi kakanec wadau hogu Ion dahmulenigan hocon soinah. Ion uqa le sacadede uqa madeanah, “Age kobol meuqe ho uculeic wawa falidecie, elacin, Ifan uqau meu ul ho utuqanu mea!”

Ifan uqacan loqec totqec heuqa; Metiu 3; Mak1:9-11; Luk 3: 1-23 hogude