Ifan Uqa Deiwitcai Le made Qel Qetea

Odan hoqa, uqau silail houqacan uqa qan bi feian hocon qa, dana mel uqau houqa almeuteanah. Odan sain Deiwit uqa bilean wanahgu ho, uqau sihul iacul ho, hoage nanan hoage acadeic bileinah, odean Deiwit uqau gagadi odeccai bilean ho weni ben bahin ode neanah. Deiwit uqa Ifancai gugufu bahinag qei taweanah, odan ho odean hofa, Ifan uqa le madec qel qetec uqau hogu gagadi taweanah. Deiwitcai Batseba bilehian wanafa, hoale dana mel hoil basehiafa, mel ho weni Solomon qehianah.

Saul uqa dana aid hoage Deiwitcun galeadean houqacan, uqa wacu meu hoil qei nieanah. Saul uqa sain mati bahin Deiwit qeb almeian odeanah, hocon Deiwit uqa lokume obeanah. Del hoil, Saul uqa Deiwit qeb almeian hocon uqa Deiwit memege obeanah. Deiwit uqa, Saul fewan hocon, uqa men iacul lokume bileanahgu, Saul uqafa men iacul hocotgu adi uqa iacul wanah. Odean hoqa, Saul uqa Deiwit qei mecideanah. Ois hogu, Saul uqa Deiwit emenug bahin wanahgu, Deiwit uqa ihoc Saul qeb almealihif hoqa, uqa ode qei odeanah. Uqa ho ucule qa, Deiwit uqa King alesoian hocon bahin uqa qei Saul qeb almewan ec ho, uqa Saul ifadeian hocon uqa Saul uqau loto medeu hoil ago oanah.

Deiwit uqa ilo bibile ofadean ho, uqa abi tutucun adi odede, uqa abi uqau houqa gaid ofdedean iar mati bahin nueanah, odean Ifan uqa Deiwit eldec uteanah. Odan hoqa, Deiwit sain toia meanahgu, uqa Ifan amuggu silail meuqe bahig hoil mudeanah.

Sain Deiwit uqa le ho dahmeanahgu, uqa qei giec bahin, Ifan uqa Deiwitcun doafa, uqa weni ben bahin nieiancai, uqa eldec mati bahin uteian le maude qel qetean houqacan uqa Ifan heitecah ec mamaude, uqa Ifan weni ohis deanah. Deiwit uqa Ifan uqa esi el saingu etacub ho odeian ho, uqa qei doanah. Odan hoqa, sain etacub ho alesoan hoqa, Israel hoage sain ecelagcai ho humudeic bibilecian nueanafa, 1000 iar oian odeanah, odean hogu Mesaiah uqa alesoanah.

Deiwit uqa fan adec dana wenicai, odan uqa ilo dana wenicai bileanah. Sain Deiwit uqa mel haun bileanahgu, uqa dana hoil docancai itoec, uqa weni Goliat ecia houqacai adehianah. Goliat uqa fan adecun iwaldec oanah, odan uqa dana gagadi, odan uqau docan ohis tec ho 3 mita ode taweanah. Odan hoqa, Ifan uqa Deiwit esuldean uqa Goliat qean almemean, uqa Israel dana aidcai oade madeanah. Ho hedeanafa, Deiwit uqa Israel uqau ad fiacul ho mati bahin aqe golodeanah, hocon ho uqacan dana aid hoage uqa weni ohis deinah.

Odean hoqa, Ifan uqa le ahun madec dana weni Natan suldean uqa le heuqa Deiwitcai o nueanah, "Ina fan adec dana hocon ina gun lo isau he qei cefeitenac. Ina melam uqa esi cefeian. Oda hoqa, Isa esi ina eldec ben bahig iseigan. Inau sihul sihul alesonigan ho gude hoil esi king bilecia iwe bile, uqa esi gaid gaidcun dana aid isadeu hoageu ilo bibile ofadeian!" Deiwit uqau sihul sihul alesonigan hogude in uqa esi gaid gaidcun ilo bibile ofadeian houqa ho Mesaiah. Mesaiah uqa ho dana Ifan uqa gawoan houqa, odeb uqa esi milgude dana aidcai hoageu silail gude, uqa esi besade oadeian.

Sain Uria qecian almeanafa, Deiwit uqa Batseba oanah. Odan uqacai bilehian nueanafa, Batseba uqa Deiwit uqau dana mel baseuteanah. Deiwit uqa ho odean houqacan, Ifan uqa gemag asisi bahin beanah, ode hocon uqa le ahun madec dana weni Naitan, uqa Deiwit silail kobol meuqe bahin ho mudean houqacan maudeian suldeanah. Deiwit uqa ahuldicah ec doafa, uqa wacu falideanfe, Ifan uqa silail uqau ho agaseuteanah. Odan sain Deiwit uqa bilean wanahgu ho, sain meuqegu hofa, Deiwit uqa Ifan totodede, uqa ou ho totodec odeanah.

Nuean, Nuean, fan adec hoil nieanahgu Saul qecian almeanah, odean hogu Deiwit uqa Israel uqa king alesoanah. Uqa king meu bahin bileanah, odan dana aidcai hoage uqacan galeadeanah. Ifan uqa Deiwit eldec utetean, Deiwit elcel mudean ho meu meu adi alesoanah. Deiwit uqa fan ade mati bahingu acadean, Ifan uqa esuldulean, uqa Israel hoageu ad dana ho aqade golodeanah. Deiwit uqa hihinage Ierusalem oafa, uqa Ierusalem taun benahiac hogu uqau king bilec sain hogu abi gug filfil ho unug hogu nieian madeanah. Deiwit uqa king bilean sain hogu, Israel hatu hoqa gagadi odec ahulec odan ehewan acalac bileanah.

Deiwit uqa Ifan uqau gun lo hoil cefebafa, Israel dana aid hoage hogu sociafa, Ifan binainig mumudeic, uqa ihandec utenigan hocon isdec oanah. Elacin, 400 iar ode ho, dana aid hoage, Moses uqa hoage so egulenigan lo talabes cefe adeanahgu hogu soic, hoage Ifan binainig mumudeic uqa ihandec uteinah.

Del hoil, sain Deiwit uqau fan adec dana hoage unug bahin lo hoageu uculudeic, fan adec mati bahin nieinahgu hoage acade niniecian, Deiwit uqa, lo uqau gude meciean nuean aid galecai hoil wa loloan feanah. Aid houqa weni Batseba.

Batseba gemug, dana ho weni Uria, uqa ho Deiwit uqau fan adecun fan adec dana meu bahin bileanah. Deiwit uqa, Uria uqa fan adec aben ho ucule faheian madean uqa faheanafa, uqa nue aideccai bilehian hocon maudeanah. Odan hoqa, Uria uqa fan adec dana unug hoage ode acade niniebil, uqa logu nuecun ho uleanah. Odeanfe, Deiwit uqa Uria ehele suldean fan adec abengu nueanah, odede uqa, fan adec dana hoageu ilo dana ben houqa, Uria fan adec gagadi bahin nieaugu hogu mudeb, uqa qebil almeian hocon maudeanah.

Deiwit uqa hoilgucisai meciecun cucule qa, uqa itacub hoil ena suldean, uqa nue aid ho mehule fahe Deiwit uteanah. Odean Deiwit uqa aid ho falean niehiafa, uqa ehele lo uqaugu suldean nueanah. Sain nag bahin nueanafa, Batseba uqa wacucai hocon, uqa le houqa Deiwit suldeuteanah.

Saul uqa Israel ageu hanuqec King alesoadeanah. Uqa dana docancai, odan uqau meciec ho meu bahin odan galecai, dana aid hoage odahacan galeadeanah iwe bahin uqa alesoanah. Saul uqa iar ganicif hanuqecgu uqa Israel hoageu king bile ofadean hogu ho uqa king meu bahin bile adeanah. Odan hoqa, uqa fecec dana alesoanah, uqa Ifan ou qei totode odeanah. Ode hocon Ifan uqa dana hoil gawoanah, odeb esi sain utecgu dana houqa esi Saul uqau abengu uqa king alesoian.

Ifan uqa Israelde mel haun hoil, uqa weni Deiwit, uqa king Saul uqau aben oian hocon gawuleanah. Deiwit uqa sipsip ofadec dana uqa Bethlehem taun hogu bileanah. Sain filfilgu, Deiwit uqa memeg uqau sipsip ofadede, uqa laioncai, eqaf bea ecia hoale sipsip utum adehianfe, uqa hoale aqalean almehianah. Deiwit uqa amug mudec, odan uqa tutu obec dana, ode uqa Ifan uqa adi ec ho dodoude, uqa ou totode odeanah.

Ifan uqacan louqec totqec heuqa: 1 Samuel 10; 15 -19; 24; 31; 2 Samuel 5; 7; 11-12 hogude