Ifan Uqa Iesus Almec Gude Tulidean Aiea

Qei giec bahin, mim gagadi bahin soanah. Engel hoil, uqau fuladec ho fefelaec ie fuladea iwe, uqa hau ohisde alesoanah. Uqa men Iesus felacgu wacun aba wac ho afaqec bilean houqa colicoldean wanafa, uqa men ho taitac bileanah. Fan adec dana Iesus felacgu qafanein hoage, asisia bahinag cumunieciafa, hoage qatage milgu neic almec dana iwe niadeinah.

Sain aid hoage le meubahin houqa ewel oc dana hoage madadenigan hocon qei nue alwac hi gemacu ocobecian, Iesus uqa hoagecai amasac alesoanah. Odan hoage uqa binainig mudeinah. Odan Iesus uqa madeanah, “Ub cumuniebilac. Age nueic, ewel oc dana isadeu hoage Galili nuenigan madadecie. Hoage esi hogona feitenigan.”

Del Iesus lelecianafa, del etenan soian houqa ho Iuda ageu ufu del, odan Iuda hoage del hogu ho, hoage dana felanagu qei nueciacai. Ode hocon, ufu del houqa hedeanafa, eteu wele bahin aid ganicif adi hoage, Iesus felacgu nuecifa, hoage wel elcel dedemancai hondeg ho Iesus deweu gana loudenigan hocon hoage nuenigan saiadeinah.

Aid hoage ben bahin cucumunieic, hanai qa hoage ben bahin ode elubaeinah. Hoage ewel oc dana le meubahin houqa madadenigan hocon guculecgu adi nueinah.

Sain aid hoage faheic Iesus felacgu alesocianafa, engel uqa hoage madadeanah, “Ub umuniebilac. Iesus hegu qei niea. Uqa almec gude aieian madeanah iwe, uqa almec gude aieah! Felacgu iacul mecie fecie.” Aid hoage Iesus felacgu meciecian iacul wanafa, hoage Iesus deweu ganac meinahgu ho mecideinah. Iesus deweu ganac hogu qei nieanah!

Odean engel uqa aid hoage ede madadeanah, “Age nuec ewel oc dana madadecie, ‘Iesus uqa almec gude aieah, odeb, age Galili qei nuec, uqa asac esi hanuqe Galili nueian.’”

Fan adec dana hoage Iesus na babalecgu qecian almeanafa, Iuda hoageu hanuqec ilo dana hoage qei wawa cefeciacai hondeg, hoage Pailat maudeinah, “Iesus ulec dana hoqa mamade uqa esi almec gude del iet hedebafa uqa aieian ec madeanah. Onacal uqau ewel oc dana hoage uqa deweu ganac ho feleu ofale nunueic, hoage uqa almec gude aieah ec madebilac, ode hocon, in hoil uqa felacgu qafaneal.”

Pailat uqa madeanah, “Age fan adec dana leih oadeic, felac ho gagadi bahin ihoc ofdenigan meadecie.” Hocon hoage men felacgu, aba wacgu bilean houqagu, hoage dado mudec gadac hoil meinah. Odeic hoage in hoil fahe deweu ganac ho feleu owan ecgu hoage fan adec dana hogu meadeinah.

Ifan uqacan louqec totqec heuqa: Matiu 27:62-28:15; Mak 16:1-11; Luk 24:1-12; Ion 20: 1-18 hogude