Iesus Uqa Haun Ehelawe Ifan Bileaugu Nuea

Dana elis hoale Iesus uqa hoalecai nieian ec ho maudehianfe, uqa ode odeanah. Sain hoage lehiw eli lec ho lenigan bileinahgu, Iesus uqa bret qei agoc unica hoil oafa, uqa houqacan Ifan heiteca ec maudeafa, uqa houqa feneanah. Qei giec, hoale uqa Iesus ec ho mucidefe dohianah. Odan hoqa, sain hogucut bahin, hoale fefehian uqa hoale amalai fale lasideanah.

Del 40 ho niean ho iacul, Iesus uqa sain mati bahin uqa ewel oc dana uqadeu hoageugu uqa amasacme alesoanah. Sain hoil, uqa dana aid haniwadec 500 holimdec hoageugu hofa, uqa sain osahigu adi, ihocnan adi, uqa hoageugu amasacme alesoanah! Uqa hi maticaigu, uqau ewel oc dana hoage uqa eac bilea ec ho feic donigan ifacadeanah, ode uqa Ifan uqau ilo king bilec houqacan iwaladeanah.

“Ifan uqau le louqadec niea hogu, le louqec hoilafa niea hoqa, dana aid unug hoage qisolmeadec hoageuan agaseadec oniganmefe ho, hoage qisolmec kobol ho cuculeic wawa falidenigan ec ho, isau ewel oc dana hoage esi dana aid ho qasaleic madadenigan ec niea. Hoage esi Ierusalem hogu hanameic ho odenigan, odeciafa, hoage dana aid am filfil, masa masa unug nieadecia hogu nuadenigan. Age elcel he alesocian ama usugu fein houqacan qasale madenigan niea.”

Odean Iesus uqa, Ifan uqau legu Mesaiacan ade madea ho, uqa ho silide madaleanah. Uqa Ifan uqau le ahun madec dana hoage mamadeic, Mesaiah uqa esi dain ben bahin efefeb, uqa qebil almeian, oda hoqa, uqa esi del ietgu uqa haun ehelawe aieian ec madein houqa uqa hoale dahialai batawe aleanah. Sain hoage faheic taun dana elis hoale hogu niehian ec made dohian hogu alesoin houqa, wele kesikes soanah.

Iesus uqa madeanah, “ Ifan uqau legu isacan louqec niea ho, unug esi ihoc mudec alesoian ec ho isa age madadinah.” Odede uqa hoage Ifan uqau le houqau gug ho donigan hocon, uqa hoageu isdec ho fiagecadeanah. Ode uqa madeanah, “Mesaiah uqa esi dain ben bahin efeian, ode uqa almeian, ode uqa del ietgu almec gude haun ehelawe aieian ec madec ho weleu weleu bahin louqein ho niea."

Dana elis hoale dodo maudean maudean ehianah, “He ho Iesus! Ode hocon sain uqa Ifan uqau le ho silide maileahgu ho, ile wawile ho ben ode aieah!” Qei giec bahin, hoale ehelawe wade Ierusalem nuehianah. Sain hoale nue alewahiafa, hoale ewel oc dana hoage madadehianah, “Iesus uqa eac bilea! Ile uqa fewah!”

Sain ewel oc dana hoage le houqacan mamadecian, qei giec Iesus uqa lo faman wauqan qetec niea hogu, uqa hoageugu amasac alesoafa, uqa madeanah, “Age wawa meu nieale!” Ewel oc dana hoage uqa dol ec ho isdeinah. Odan hoqa, Iesus uqa madeanah, “Age elacicin cucumuniec, wawa elis mecia? Age isa lebenicai faimi meciadecie. Isa qa dewenicai, odan dol hoage qa dewenacai qitigi!” Uqa dol qe ec ho, uqa hoage gugufu ec doudenigan hocon, uqa hoage elaci hoil utebil leian hocon uqa hoage ocoliadeanah. Odan hoage ac wagude hoil, namec niean houqa fenec niean ho utecian uqa leanah.

Iesus uqa ewel oc dana uqadeu hoage madadeanah, “Hau ohisde uqau gagadi odec ho unugcai, odan mil gude uqau gagadi odec ho unugcai, ho unug woladec ho isa adi itec niea. Hocon nueic, dana aid am filfil gude ho unug, Mem wenigucai, Melah wenigucai, Kis Gun wenigu, hoage wa loadec adedeic, elcel unug isa totodec odenigan madadin houqa, age hoage ho totodec odenigan iwaladebil, hoage ewel oc dana isadeu alesonigan. Isdeic docie, isa esi gaid ode agecai bileigan.”

Iesus uqa almec gude aieanafa, del 40 oan uqa ewel oc dana uqadeu hoage madadeanh, “Age Ierusalem hogu bibilebil nueb, sain Kis Gun uqa agecai faheian hogu, Mem uqa age gagadi odec adeian.” Odeafa Iesus uqa hau ohis teanah, ode uqa tain hoil iacul hoage ama fale lasidean hoage uqa qei feinah. Iesus uqa elcel unugun ho, uqa ilo bile ofdeian hocon, uqa Ifan uqau leben meulifain houqa uqa bileanah.

Del Ifan uqa Iesus almec gude tudiean aieanahgu hogu, Iesus uqau ewel oc dana elis hoale ocobehi taun hoil utuqanu niean hogu nuehianah. Sain hoale ocobe nuehianahgu, hoale Iesuscai elaci alesoan houqacan totqeqehi nuehianah. Hoale isdehian ho Iesus uqa gugufu uqa Mesaiah ec ho dohianah, odan hoqa, uqa qecian almeanah.Ois qil qa, aid hoage uqa ehelawe eac bilea ec madeinah.Hoale etacub haqacan bahi wawalai cefecun ho qei dohianah.

Jesus uqa hoale gemacu alesoafa, uqa hananme hoalecai hi obeinah, odan hoqa, hoale uqa ec ho qei fe dohianah. Uqa hoale elacicin mamade odehian houqacan ocolialeanah. Odan hoale del ganicif wele hedean hogu, elcel unug Iesus deweugu ade alesoan houqacan hoale uqa maudehianah. Hoale uqa hoil gude faheal hocon, uqa Ierusalem hogu elaci alesoan houqacan qei doa hocon maudewa ec ho dohianah.

Ifan uqacan louqec totqec heuqa: Matiu 28:16-20; Mak 16:12-20; Luk 24:13-53; Ion 20:19-23; Aposel 1:1-11 hogude