Iesus Uqa 5,000 Dana Aid Eli Adea

Lehiwme hedeanafa, ewel oc dana uqadeu hoage Iesus maudeinah, “Lehiwme hedesia, taun utuqanu hegu hoil qei nieadecia, Ina dana aid heage suladen nueic, hoage elaci hoil megadeic o lenigan.”

Ho hedeanafa, ewel oc dana hoage, dana aid hoage eli leleic leih uladein ho oadeic hagudeinah. Odan eli ho uladien houqa hoage gam 12 tacibil alebiean ihoc bahin bileanah! Eli ho unug soan houqa ho, bret 5 unica qei agoc hocai, ac wagude elis hogude soanah.

Odeafa Iesus uqa bretcai ac wagude ho fenadean alcal neinah. Uqa bretcai ac wagude fenadean ho oafa, uqa dana aid adenigan hocon, uqa ewel oc dana uqadeu hoage adeanah. Ewel oc dana hoage eli houqa qei qeimeanfecen, hoage ode dana aid eli hiwe adedeic nieinah! Dana aid hoage unug eli houqa lecian wawa faleanah.

Dana aid am hoqa, dana adi haniwadec ho 5,000, odan aidcai mel alcal hoage qa qei haniwadeinah. Iesus uqa dana aid hoagecen uqa ben bahin waloloma leanah. Iesus uqa hoage feadean ho, dana aid hoage ho sipsip iwe, hoageu ofadec dana ho qitigi hocon, hoage iful dalieic obecia iwe uqa ode meciadeanah. Hocon uqa hoage iwaladede, uqa dana aid hoage gemacude, ini sagcai ho, uqa hoage meu mudadeanah.

Odeanafa, Iesus uqa bret 5 unica qei agoc hocai, ac wagude elis ho oafa, uqa hau ohis meciean tetean uqa eli houqacan Ifan heitecah ec maudeanah.

Odan hoqa, Iesus uqa ewel oc dana uqadeu madadeanah, “Age, hoage elaci hoil adebil lecie!” Odan hoage le wadacde maudeinah, “Heuqa ige ade odecun madeca? Ige bret unica qei agoc ho 5, odan ac wagude alcal elis adi, houqa adi eia!”

Iesus uqa ewel oc dana uqadeu hoage, dana aid am hogude ho madadebil, hoage haniwadec nueb 50 obafa, hoage am osahi osahi mudeciafa, ne gigu bilenigan madadenigan hocon madadeanah.

Iesus uqa aposel uqadeu hoage masa filfil mati bahin hogu obebeic, hoage dana aid meu le sacadedeic, iwaladenigan hocon uqa suladeanah. Odan sain hoage ehelawe faheic Iesus bileanahgu sociafa, hoage el abi ade odein houqacan hoage Iesus maudeinah. Odean Iesus uqa hoagecai wa qalidec houqa nahaicisai nueciafa, aben kilie niec hogu hoage nag ode hiwe bilenigan hocon uqa madadeanah. Hocon hoage botgu tobe teciafa, hoage wa qalidec houqa leteic nahaicisai wainah.

Odan hoqa, dana aid mati bahin hoage Iesus uqa ewel oc dana uqadeucai hoage botgu nunuecian feadeinah. Hocon dana aid ini hoage nunuecian feadeinahcai hoage, Iesus uqa ewel oc dana uqadeucai hoage qei nue nahaicisai alewac ninieb, hoage asac hogu alewanigan hocon, hoage wa qalidec ho oimetil totodeic guculecgu adi nueic hoage asac hogu alewainah. Hocon sain Iesus uqa ewel oc dana uqadeucai hoage nueic hogu alewain ho, dana aid am ben bahin hoage wele hogu alewaciafa, humadeic nieinah.

Ifan uqacan louqec totqec heuqa: Matiu 14:13-21; Mak 6:31-44; Luk 9:10-17; Ion 6:5-15 hogude