Ifan Uqa Abrahamcai Le Made Qel Qetehia

Etacub ho alesoanfa, hogude 100 iar mati bahig nue hedeanafa, Ifan uqa dana hoil weni Abram, houqa le maudeanah, ‘Inau hatucai, inau sihul hondeg ho uculadec, Isa mil ifaiseigan hogu nuece. Isa esi eldec iseigan, odidi isa odemin inau gude sihul ho esi hatu ben bahig wenicai alesoian. Isa odemin, ina wenimincai inau sihul ho wenima esi ben bahig alesoian. Ini ina eldec isenigan ho, isa esi hoage eldec adeigan, odeb ini geldec isenigan ho, isa esi hoage geldec adeigan. Inaugu adicin qa, mil gude sihul unug ho eldec onigan."

Odean, Ifan uqa Abramcai, hoale le madehi qelqetehianah. Le made qel qete gagadi mudec houqa ho, dana elis, o dana am elis gemacu hoage wawa osahimeciacai. Ifan madeanah, “Isa esi ina dewengudecet dana mel hoil iseigan. Isa Keinan, mil ho, inau sihul sihul ho adica” Odan hoqa, Abram uqa dana melcai qitigi odecet adi bileanah.

Odean iar mati mati nueanah, odean hoqa, Abram uqa Saraicai, hoale dana melcai qitigi odecet adi bilehianah. Ifan uqa Abram uqa esi dana melcai bileian, odeb, esi uqa wacu gude sihul sihul ho habie hau ohis sulupai niea iwe nieian ec ho mamaude, uqa le ho made qel qeteanah. Abram uqa Ifan uqau le qel qetec houqacan uqa wacu cefean hocon, Ifan uqa Abram uqa tutu obec dana ec ho made amasacdeanah.

Hocon Ifan uqa hoageu le osahi adi ho, waldean hogude le filfil mati bahig aladesoinah. Ode uqa dana aidcai filigancadean qatiec, mil he unug ihoc wainah. Hoage haname taun ben ho cefein houqa weni Babel, houqau gug ho “daliec”

Del hoil Abram uqa Ifan Ohis Bahinag houqau inhandec dana, Melkisedek qeledeanah. Melkisedek uqa Abram eldec utete madeanah, “Ifan Ohis Bahinag, uqa haucai mil memeg bilea, houqa Abram eldec uteale.” Odean Abram uqa elcel uqau unug hogude qatanean am 10 alesoanafa, hogude am osahi oafa uqa Melkisedek uteanah.

Hocon Abram uqa Ifan ou totodec odeanah. Uqa aidec Sarai mehudeancaitean, abi dana uqadeucai, elcel uqadeu ho unugcai uqa oadeancaitean, uqa Ifan mil ifadeanahgu, mil ho weni Keinan ecia hogu nueanah.

Sain Abram uqa nue Keinan hatugu alewanafa, Ifan madeanah, “Walwaldedec he unug mecidece. Isa esi inacai, ina wawin gude sihul sihul bilenigan hoagecai, ina mil he fegahe unugcai ho esi age adeigan.” Odean Abram uqacai ini uqacai nuein hoage mil hogu bileanah.

Wa alec ho hedean, iar mati bahin nueanafa, dana aidcai mati bahi haun ehele milgu bileinah. Odan hoage unug le osahi adi madeinah. Hoage fulusdeic mil he unug ihoc wa nieian, Ifan madadean ho totodec odecun uculeic qa, hoage hoilgu adi gabande bibileic, taun ben hoil mudeinah.

Hoage ben ode muguma qeqeic qa, hoage Ifan le madean houqacan hoage qei doinah. Hoage hananmeic, lo hoil tutu adi ohis te hau qutudeian hofa cefeinah. Ifan fean ho, hoage odecet adi gabandeic kobol meuqe ho mudefeic ho, hoage ihocun esi silail kobol mati bahin ho mudadenigan.

Ifan uqacan louqec totqec heuqa: Gugqec 11 - 15 hogude.