Ifan Uqa, Aisak Uqau Saiadeutea

Sain ecelag bahig bilecian nueanafa, Abraham uqa almeanah, odan Ifan uqa Abrahamcai le qel qetehi gagadi mudecgu le qel qetadean houqa unug felacadean Aisakcai wanah. Ifan uqa, Abraham uqau sihul sihul alesoian ho esi haniwade siewahuqe nieian ec le qel qeteanah. Odan hoqa, Aisak aidec Rebeka uqa mel qei baseanah, uqa aid fag obeanah.

Rebeka uqa memeg anagcai, uqa ebinagulcai, otigul ho uculade, uqa abi mel houqacai ehele Aisak uqau logu nueian ho uqa ois eanah. Aisak uqa aid ho fahe alesosoanafa bahig, uqa aid ho aidec bileuteian oanah.

Sain Rebeka uqa mel momodac ho basalean alesohinafa uqa fealean ho, mel matu houqa deweu ho logsiec, odean bagic acalac, odan hoage uqa weni Esau qeinah. Odean melah nacag houqa, uqa Esau faci gobisi ho faleancaitean alesoanah, odan hoage uqa weni Iakob qeinah.

Aisak uqa Rebekacan inondeanah, odean Ifan uqa ois ean, Rebeka uqa mel gob gob oaleian hocon wacucai meanah. Mel momodac elis hoale Rebeka wacugucut niniehi, hoalenanan uliman qehianah. Ode hocon, Rebeka uqa ho elaci alesoa ec ho, uqa Ifan ocolideanah.

Odean Ifan uqa Rebeka maudeanah, “Ina wawin gude dana mel elis hoaleu gude esi hatu elis alesohian. Hoalenanan esi uliman qehiafa, mel matu houqa esi mel milum ho ewel outeian.”

Sain Abraham uqa toia bahigme bileanahgu, uqa melah Aisak qa wele benmeafa, uqa dana meanah. Ode hocon Abraham uqa, uqau abi mel hoil suldean, ehele mil uqau sihul hondeg bileciaugu hogu, uqa hogude, melah Aisak uqau aid hoil ofahe uteian nueanah.

Sain abi mel houqa hi ecelagcai ocobe nue Abraham uqau sihul bileciaugu hogu alewanafa, Ifan uqa abi mel ho dado mudean uqa nue Rebekcai wanah. Aid houqa ahac dana ho Abraham otig.

Ifan uqacan louqec totqec heuqa: Gugqec 24: 1-25:26 hogude