Dana Melun Le Qel Qetec

"Ina aiden Sarai uqa esi dana melcai bileian. Dana mel houqa esi le qel qetec houqacan dana mel bileian. Uqa weni Aisak qegal. Isa esi uqacai le qel qete gagadi mudeluan, odep uqa esi hatu hoil wenicai alesoian. Isa esi odemin, Ismael uqafa hatu hoil wenicai alesoian. Odea hoqa, Isau le qel qete gagadi mudec houqa ho esi Aisakcai bileian." Odean Ifan uqa Abram ec weni ho falide weni Abraham qeanah, houqau gug ho, “Mati bahin ageu ahia”. Ifan uqa Sarai weni hofa falide Sarah deanah. Houqau gug ho “King o Kuin atec”.

Odan utuqanu bahin hogu, Abraham uqa gout nacag hoil gehugu hadagieafa tatawean feanah. Ifan uqa Aisak uqau abengu ho, uqa mecmec nacag houqa ihandecun saiadeanah. Abraham uqa wacu elubaecgu uqa sipsip manafal nacag houqa oafa ihandec mudeanah.

Sain hoale ihandec mudec aben hogu alewahiafa, Abraham uqa melah Aisak hibawoafa, uqa ihandec mudecun alta ohalec hogu mudean nieanah. Uqa melah qeb almeian odedean bahin Ifan uqa madeanah, “Ulece! Ub dana mel deweu dain utenac! Qil isa duga ina isacan wawingu isdec ben bahin niniean hocon ina melam osahi ho adi, ho ina isa itecun ho qei ulecah.”

Ifan madeanah, “Isa Ifan Gagadi odec Ahulec, isa inacai le made qel qeteluan. Odean Abram uqa gatelac cefe dum noanah. Ifan uqa Abram le edefa maudeanah, “Ina esi hatu matibahig ageu Ahia bilegan. Isa esi inacai, inau sihul sihul alesonigan hocai, Keinan mil houqa ademin, mil ho hoage muguma alesoian; odep isa esi gaid gaid hoageu Ifan bileadeigan. Ina sihul inaugu bilecia ho, dana mel ho unug dewa ganac ageadecal.”

Sain Abrahamcai Aisak hoale ihandec mudehian aben hogu nunuehi qa, Aisak uqa memeg ocolideanah, “Mem, ile ihandec mudeluan lai besilig qagewal hoqa qa eia, odea hoqa, sipsip qa aia?” Abraham walde maudeanah, “Melami, Ifan uqa esi ihandec mudecun sipsip haun ho saiadeian.”

Del hogu Abraham uqa dana mel hondeg uqacai bilecia ho, uqa hoage unug bahig dewa ganac ago adeanah. Odan iar osahi ode hedeanafa, sain Abraham uqa 100 iar bibilean, Sarah uqa 90 iar bileanahgu uqa Abraham uqau dana mel baseuteanah. Hoale Ifan madalean iwe ho totodehi, mel weni Aisak qehianah.

Sain Aisak uqa mel haun bileanahgu, Ifan uqa Abraham uqau wacu cefec ho feian hocon meudeanah, “Ina melam Aisak osahi ho adi, ho ogafa qen almebafa isa ihancitece.” Abraham uqa haun ehele Ifan ou totodeanah. Uqa melahgu ihandeian hocon elcel saiadeanah.

Odean Ifan uqa Abraham maudeanah, "Ina elcel unug itecun ho oisecgu adi bileca, ina melam osahi adi hofa itecun qei ulecah, isa ina eldec iseigan le qel qetica. Inau sihul ho esi sulupai hau ohis niecai ho holimadec nieian. Milgude sihul sihul unug esi inau sihul houqacangu hoage eldec onigan, elacin, ina ho isa oni totodec bahin odecah.

Abram Saraicai hoale Keinan hatugu alewahiafa bilehian 10 iar nueanah. Hoale melcai qe odecet adi bilehianah. Ode hocon Abram aidec Serai uqa Abram maudeanah, “Ifan uqa isa melcaime bilecun qei oisteanah, odan isa wele toia bahin migal hocon, isa melcai mewahuqe, odeqeit, heca, isau abi aid Haga, ina uqa onafa, uqafa ina aiden bileiseian, odep uqa esi isau mel hoil baseiteian.”

Hocon Abram uqa, Haga uqa aidec bileuteian oanah. Odean Haga uqa dana mel hoil baseanah, odean Abram uqa mel ho weni Ismael qeanah. Odan hoqa, Sarai uqa Hagacan gonaeanah. Sain Ismael uqa 13 iar bileanahgu, Ifan uqa ehele Abram le uteanah.

Ifan uqacan louqec totqec heuqa: Gugqec 16 - 22 hogude.