Iesus Na Babalecgu Qecia
Iesus uqa feleu dana elis hoalecai, hoage na babalecgu aqeciafa, hoale nanahai tatawehian uqa qa gemacu taweanah. Odan hoaleu gude hoil, uqa Iesus igaudeanah, odan hoqa, hoil houqa madeanah, “Ina Ifananun qe cumuniecauf? Ile qa dewenile lecai, dana heqa uqa deweu lecai qe.” Odede uqa Iesus maudeanah, “O Iesus, sain ina ilo bilegan hogu, ina isacan isdecale.” Odan Iesus uqa dana ho maudeanah, “Qil, ina isacai meu ulgu bileluan.”
Odean, Iosepcai Nikodemus, dana elis hoale ho Iuda ageu hanuqec ilo dana, odan hoale Iesus uqa ho Mesaia ec hocon hoale wawalai cefeccai, odan hoale Iesus deweu ganac ohian hocon hoale Pailat ocolide hianah. Hoale deweu ganac ho lotogu lelewaldehiafa, hoale fel hoil men mesib iwe ago isocian wanahcai hogu mudehianah. Odehiafa hoale fel ou houqa afaqehian hocon, hoale men ben hoil olicodehian fel ougu wanah.
Iesus uqau almec houqa dana aid hoage Ifancai wanigan hi ohiwe adeanah. Sain fan adec dana hoil, uqa qafane Iesus ofdec tawean ho, uqa elcel ho unug alesoan ho feafa uqa madeanah, “Gugufu bahin, dana heuqa ho deweu lecai qe uqa Ifan melah.”
Fan adec dana hoage Iesus uqau loto houqa onigan hocon hoage laki kad elicel ec iwe ho eliceldeinah. Sain hoage ode odein hogu hoage le ahun madec ede niea heuqa ihoc mudeinah, “Hoage isau loto alcal houqa, hoage gemacu ehawe oadedeic, toto isau houqacan qa hoage kat eliceldenigan.”
Odean Iesus uqa gagadi bahin lelec ohisgu utaeanah, “Heqa hedeah! Mem, isa ahun ho ina lebengu miga.” Odeafa uqa gati dum nonoan, doloc houqa alebe nueanah. Sain uqa almeanahgu, mim soanah, odan Ifan uqau gun logu, loto Ifan bilea hocai, dana aid filigan adec taweacai houqa ohisde qatane elisdeafa milus noanah.
Iuda hoageu hanuqec ilo dana hoagecai, dana aid am ho niean hoage qa Iesus igaudeinah. Hoage Iesus maudeinah, “Ina Ifan Melahmefe, ina esulisec ogan ho ina dodo na babalec cuculude nege! Odenafa, ige inacan wawige cefecun.”
Odean del hogu, cam qa tutu adi tatawean, hatu hogu qa unug, hau ohis ho gagatumene nieanah. Cam tutu adi taweanahgu hogu, gagatu hananme niean houqa, gagatu ho niniean nuean cam amug iet oanah.
Sain Fan adec dana hoage, Iesus igaude hedeciafa, hoage uqa na babalecgu qenigan hocon muhuleic nueinah. Hoage uqa odecian, uqa na babalec hogucut uqa esi almeiancai houqa cefeanah.
Fan adec dana hoage Iesus mehuleic, aben hoil weni “dana gati teful” ecia hogu mehule nueinah, odeic uqa lebencai faci ho nilgu na babalecgu qeinah. Odan hoqa, Iesus uqa madeanah, “Mem, he odecia hecen ub isdenac, elacin, hoage elaci odecia he qei dodoic odecia.” Odan Pailat uqa hoage le ede, "Iuda ageu King“ ec louqeciafa, hoage na babalecgu Iesus gati tawean teaugu hogu qebil taweian hocon madadeanah.
Ifan uqacan louqec totqec heuqa: Matiu 27:27-61; Mak:15:16- 47; Luk 23: 26-56; Ion19:17-42 hogude