1. WADUGO TAARIIHA DEFTERE ALLAH

1 Raano Allah tagiri koo ɗume fuu e fuɗɗoode. Allah tagi duuniyaaru fuu e kowoni nder maaru, nder balɗe joweego'o. arel o tagi Lesdi ndi wala kooɗub dow maari sey niibre tan. Lesdi sohri ɗi wala kooɗume gam Allah tagaayiino kooɗume tawo. Ruuhu Allah ɗon yiilo dow ndiyamji.

2 Nden Allah wi'i : << Ɗal jayngol laato nden jayngol laati. >> Allah yi'i jayngol no bodngol nden O noddi ngol nyalowma. O senndi jayngol e niibre. O noddi niibre bo jemma. Allah tagi jayngol nyanɗe arande nde tatki

3 E nyanɗe ɗiɗabre Allah wi'i. << Ɗal senɗoode laato dow ndiyamji. >> Nden senɗoode laati. Allah noddi senɗoode nden Asama.

4 E nyalɗe tatabre, Allah wi'i : << Ndiyamji mobto inaare woore, gam joruɗum waŋga. >> Nden o noddi ɗum lesdi, nden ndiyamji boo o noddi ɗum maayo. Nden Allah yi'i ko tagi fuu ɗum boɗɗum.

5 Nden Allah wi'i : << Ɗal lesdi wurtina koo ɗiye fuɗaalooeji e leɗɗe nden ɗum laati non >>. Allah yi'i ɗum lati boɗɗum.

6 E nyalɗe nayabre, Allah wi'i : << Ɗal jayli laato e Asama naage e lewru, e koode ɗum laati. Allah tagi ɗum gam yaynanago lesdi e hollugo nyalowma e jemma, hollugo wakkaciji e duuɓi. Nden Allah yi'i ndum fuu ɗum boɗɗum.

7 E nyalɗe jowabre Allah wi'i : << Ɗal tagefooji mardi yonki laato nder ndiyam e solli lato e asama. >> Banih Allah tagri kooɗume ko yiinoto nder ndiyam e solli fuu. O Yi'i ɗi boɗɗi nden o barkiɗiniɗi.

8 E nyalɗe joweego'ore nde taguki Allah wi'i : << Tageefooji lesdiiji feere-feere fuu laato. >> Nden ɗum laati. O waɗi mardiiji e ladooji e diiwe. Allah yi'i ɗum boɗɗum.

9 Gaɗa ɗon, Allah Wi'i : << Baɗenma tagu dow Jaati meeɗen gam o nanɗa e me'en. O laamo dow lesdi e dow tageefooji fuu. >>

10 Nden Allah ho-nji lesdi o waɗi Tagu. Nden Allah hokki mo yoŋki. Allah noddi mo Aadamu. Nden Allah waɗi jarne mawɗe gam Aadamu jooɗo nder ma'aje gam reengoɗe e mo'ingoɗe.

11 Nder jarne ɗen, Allah waɗi leɗɗe ɗiɗi : Lekki yoŋki e lekki anndal boɗɗum e kalluɗum. Allah wi'i Aadamu << Awaawey nyamgo ɓikkoy leɗɗe ɗe nder jarne fuu say lekki gokkeyki anndal ko mbooɗi e koo mboɗa. Gam to a nyami ki a maayee. >>

12 Nden gaɗɗa ɗon Allah wi'i : << Ndum haa nayi gorko jooɗo feere mu'um.Gam nder tageefooji wala balleyɗum Aadamu.

13 Nden Allah waɗi Aadamu ndaani ɗoygol teddugol ɓawoɗon, Allah itti bessal ma'ako gotal waɗani mo Debbo nden o waddi mo to Aadamu.

14 Nde Aadamu yi'i mo say wi'i : << Rah oo woni nanɗuɗo e am. Mi noddey mo debbo gam o ittaama e gorko. >> Gam maajum gorko woorey baaba mu'um e inna mu'um o wonda e debbo maako.

15 Allah waɗi gorko e debbo ɓe nanda e maako.O barkiniɗiɓe o wi'i : << ɓe ɗanye ɓiɓɓe ɗuɓɓe e taaniraɓe kebbine lesdi ! >> Nden Allah yi'i kooɗume ko waɗi fuu ɗum boɗɗum ngoorey. Ndum fuu ɗum laati nder nyalɗe joweego'ore ɗe taguki .

16 E nyalɗe joweeɗiɗabre, Allah heyni kuuɗe mu'um fuu nde o waɗɗi. O barkini nyalɗe jooweeɗiɗabre o ceniiɗe gam e maare Allah heyni tatgo. Baanih Allah tagri Duuniyaru e kooɗume gonɗum nder maaru.

TAARIIHA KA'A ITTAMA E DEFTERE FUDDOODE 1-2