22. DANYEEKI YUHAANA

1 Nde ɗuɗɗum Allah ndon wolwani annabo'en gam ɓe wolwana ummatoore ma'ako. Ammaa ko waaɗi duuɓi keme nayi(400) njaɓɓiɗi Allah wolwanay yimɓe mu'um. E ree'irde duuɓi keme nayi ɗin, Allah liiloyi Malaa'ikaajo to Liimanjo bi'eteeɗo Zakaariya. Zakaariya e Debbo mu'um Aliisabatu teddini Allah. Ɓe fuu ɓe nayee'en Debbo on meeɗay dango.

2 Malaa'ikaajo wi'i Zakaariya : << Debbo ma'a danyey ɓiɗɗo gorko a hokkey mo inndi Yuhaana >>. Allah hebbiney mo Ruuhu ceniiɗo, o anndiney ummatooje no hebtirta kisnoowo! Nden Zakaariya tonti : << min e Debbo am faa min naywi min danyay, noye mi anndirta ko mbi'i ɗa ɗum gooŋga ?

3 Malaa'ikaajo tonti Zakaariya wi'i: << Allah liiloyi yam gam mi wi'i ma habaaru belɗum ɗum. Ammaa gam a jaɓɓay, a heɓɓata wolwuugo fa ɓiŋgel ngel danye >> ɗon e ɗon Zakaariya muga. Nden Malaa'ikaajo majjiri Zakaariya. Nden Zakaariya hawti e Debbo mu'um o heɓɓi reeɗu.

4 Alissabatu heɓɓi reedu, lewru joweego'oru ma'ako Malaa'ikaajo wangani Mariyaam, denɗu Alisaabatu, Mariyaam o annda gorko ammaa Yuusufu yiiɗi hooɓo mo. Malaa'ikaajo wi'i mo a heɓɓey reedu a danye ɓiɗɗo gorko, a noddey mo Yeesu. O laatooto ɓiɗɗo Allah ɓaŋgiɗo, o Laamoto faa abada.

5 Mariyaam tonti mo : << Wi'i noy ɗum laatorto, mi annda gorko ? >> Nden Malaa'ikaajo waŋginani mo ɗum wi'i : << Ruuhu Ceniiɗo e bawɗe Allah warey dow ma'a nden ɓiŋgel ngel laatooto Ceniiŋgel e ɓiŋgel Allah. >> Mariyaam hooli ko Malaa'ikaajo mbi'i ɗum.

6 Ɓaawo Malaa'ikaajo wolwani Mariiyam o yahhi sumpago Alisaabatu. Alisaabatu nde nani hinnore Maariyam, ɓiɗɗo mo nder redu maako diiwi gam belɗum.Rewɓe ɓen fuu ɗiɗo nani belɗum gam ko Allah wadni ɓe. Mariiyam jooɗodi e Alisaabatu koowaɗi Lebbi tati. Nden o hooti wuuro ma'ako.

7 Ɓaawo maajum Alisaabatu danyi ɓiŋgel gorel. Zakaariya e Debbo mu'um noddani ɓiŋgel innde Yuhaana bano Malaa'ikaajo mbi'i no ɓe. Nden Allah waɗi Zakaariya wolwi. Zakaariya wi'i : << Mi yeeti Allah nde o wari wallugo lenyol. An ɓiɗɗo am a laatooto Annaboojo Allah ɓaŋgiiɗo. A mbi'an lenyol no kebrata yaafuuye hakkeeji mu'um.

TAARIHA KA'A ITTAAMA NDER DEFTERE LUKA 1.