20. NAGGEKI E SO'OYAKI

1 Laamu Isra'iila e Laamu Yahuuda Laamuuji ɗiɗi ɗin fuu mbaɗi haakkeji ɓe ngori ndowtanaago Jaawmirawo, ɓe ngeewi Alkaawal Allah ngal o waaɗi e maɓɓe e Hoosere Siina. Allah lildoy ɓe Annabo'en gam anndingo yimɓe ɓe tuuba ɓe tendina mo. kaŋko Allah tan. Ammaa ɓe saali ɗowtaanago mo.

2 Nden Allah hiiti Laamuuji ɗiɗi ɗin fuu. O tuuraniɗi konne'en maɓɓe gam ɓe njabta koo ɓe maari fuu. Asuri'en laati ummaatore marde mbawɗe ɓe laati jaaliɓe lesɗe fuu. Asuri'en gaari bonni Laamu Isra'iila. Ɓe baari ɓurna lenyol Laamu Isra'iila, ɓe koonji ko ɓe njiiɗi fuu nden ɓe nguuli koo ɓuuri ɗudgo nder lesdi.

3 Asuri'en kawti ardiiɓe fuu, yimɓe riskuɓe e waɗooɓe areeji ɓoɗɗi. Ɓe jahri ɓe Asura . ay soyɓe tan lutti. Nder Isra'iila.

4 Nden Asuri'en jahriɓe lesdi janandi gam ɓe njooɗo ton. Ɓe nyiɓa ni Asuri'en Birniiji. Ɓe te'i rewɓe israa'iila'en e taaniraaɓe maɓɓe, Samaariya'en mburti.

5 Yimɓe Laamu yahuuda nji'i no Allah hiitori isra'iila'en gam ɓe teddinaayi mo. Say labbi tan ɓe teddinta allaji kanaani'en. den Allah liiloyi annabo'en gam anndina ɓe, ammaa ɓe sali nango.

6 Ko watta duuɓi hemre [100] ɓaawo bonneeki Laamu isra'iila e Asuri'en ,Allah liili Buutunasar Laamiiɗo Baabila gam kippo Laamu yahuuda. Ummatoore Baabila maarde bawɗe. Laamiiɗo yahuuda jaɓi huwango Buutunasar o hokki mo ceede ɗuɗɗe kooɗeye hitaade fuu.

7 Ammaa ɓawoo nduuɓi sedɗa, Laamiiɗo Yahuuda ummani Laamu Baabila. Nden yimɓe baabila ngari kippi Laamu Yahuuda'en. Ɓe njabti gariri Urusaliima ɓe mbonni Haykaaliiru nden ɓe koŋji kooɗume nder birniiwol e Haykaaliiru .

8 Gam ɓe kiito siya ɗowtaare Laamiiɗo Yahuuda, askar'en Laamiiɗo Buutuunasar wari ɓii Laamiiɗo yeeso ma'ako, ɓe ɗufi jiite ma'ako kaŋko ma. aawo ma'ajum ɓe njahri Laamiiɗo on Baabila ɓe ommbi mo e daŋgaye faa yahgo mayde ma'ako.

9 Buutuunasar e askar'en mu'um njahri ɓurna lenyol Laamu Yahuuda fuu e Baabila. Ɓe ngori ɓaawo maɓɓe ɓurɓe soygo gam ndema gese. E sarel ngel lenyol Allah latino semɓe gam yahgo lesdi alkawal, ɓe noddira naŋgaaɓe.

10 Koo ɗe Allah hiiti lenyol mu'um gam hakke maɓɓe, e yahrugo ɓe naŋngeki, o yeggiitanay ɓe, o reeni alkawal maako. Allah tokki rengo lenyol mu'um e mo wolwirana ɓe annabo'en. O wadni ɓe alkawal duuɓi sappanɗe joweeɗiɗi o soo'e ɓe e lesdi alkawal.

11 Koo waaɗi duuɓi sappanɗe joweeɗiɗi ɓaawo ɗon Laamiiɗo Persiya jaali Baabila. Laamu Persiya Laamaani legŋji nduɗɗi laataninoɗi aran Laamu Baabila. der wakkasi ɗum Isra'iila'en puɗɗi noddirego yahuudu'en. Ɗudɓe maɓɓe njooɗi e Baabila, say yahuudu'en mawɓe tan nyumtata lesdi Yahuuda.

12 Persiya'en laati semɓiidɓe ammaa ɓe njurmiinani lenyol ngol ɓe naŋgi. Ɓaawo Laamego Cirus seɗɗa, Laamiiɗo Persiya yerdani yahuudu'en fuu yiidɓe mburtago kota Yahuudiya. Faama o hokki ɓe ceede gam ɓe nyibto Haykaaliiru! Ɓaawo duuɓi sappanɗe joweeɗiɗi ɗii naŋgeeki, yahuudu'en seɗɗa'en soo'i Gariri Ursaaliima e yahuudiya.

13 Nde yahuudu'en njotti Ursaaliima ɓe nyibti haykaaliiru e mahhol taari ngol Gariri. Ammaa faa jooni persiya'en laamanto ɓe tawo, ammaa ɓaawo ɗon nde ɓe tabbiti nder lesdi alkawal ɓe suujidani Allah nder Haykaaliiru.

TARIIHA KA'A ITTAAMA NDER DEFTRERE 2 LAAMIIBE 17;24-25 E 2HAABARUJI LAANDE 36 ESIRA 1-10 ; NEHIMIIYA 1-13.